ಪುಟ:ಮದಿಪು ಲೇಖನೊಲು.pdf/೩೩

ಪತ್ತಿಂಚಿ ಪಲೊಟು ನಿಕ್ಸೆಗ್ ಸುಕಮುಕೊತ ತಾದಿನ್ ಉಂಡುಮಲ್ತ್ ಕೊರೈ, ಎನ ಮಿತ್ತ್ ಬಗ್ಗಿ ದೀನಾಕುಲೆಗ್ ಅಪ್ಪೆ ಆದ್ ಪೇರ್ ಕೊರೈ, ಸಮ್ಮಲೆ ಆದ್ ಬುದ್ದಿ ಪ ನ್ಯಾಯೊಗು ಬೇಲಿಯಾದ್ ಉಂತುವೆ... ಸೂರ್ಯ ಚಂದ್ರ ಕಾಲ ಮುಟ್ಟ ಈ ರಾಜ್ಯೋನು ಪೂತ ಬಿತ್ತಿಲ್ಲಲೆಕ ಕಾತೊಂಬಿನ ಬಾರ ಎನ್ನವು..." ಕೋಲನೇಮೊದ ಕಳೊಟು ಬೂತೊದ ಬಣ್ಣ, ಅಣಿ, ಅಲಂಕಾರ, ಜೀಟಿಗೆ, ಪಾಡ್ಡನ, ನಿಲೆ, ದರ್ಸನ, ಪಿಂಗಾರ ಪುರ ಧೂಪ ದೀಪದ ಮಂಗಲ ಆವರೊಡು... ವಾದ್ಯ ತಂಬಡ, ಬೂತೊದ ಅಬ್ಬರ, ಅರೆಬಾಯಿದ ಗದ್ದಲೊಡು... ಸತ್ಯದ ಈ ಅಬಯನುಡಿಕ್ ಜನಮಂದೆದ ಅ, ಆತಂಕೊನು ಅಂತ್‌ದ್ ದೈರ ದಿಂಜಾವುನ ಸಗ್ತಿ ಉಂಡು... 'ಅನ್ನೆಯದಕ್ಕೆ ಅಳಿಯಂತರ ಮಲ್ಪುವೆ'... 'ನಂಬಂದಿನಕ್ಷೆಗ್ ಅಂಬು' ಪಣ್ಣಿನ ಧರ್ಮದೈವೊಲೆನ ಪೋಡಿಗೆಡೇ ಉರುಡು ದೂರುದುರ್ಜನ, ಕಳುಕಬಟದ ಅತ್ಯುವಾಲು ಕಮ್ಮಿ ಆಪ, ತ್ಯಾಗ, ದಾನದಂಚಿನ ನೀತಿ ನಿರ್ಮಲೊದ ತಾದಿ ಪತ್ತಾವೆರೆಗ್ ಸಾಯ ಆಪ. ಈ ಬೂತೊಲೆನ್ ಪೂಜಿಪುನೆಟ್‌ಲಾ ದಿಂಜ ಸಾಂಸ್ಕೃತಿಕ ಅಂಶೋಲುಲ್ಲ... ಅಂಚೆನೇ ಬೂತೊಲೆಗ್, ಬೊಕ್ಕ ಮಾರಿಪರ್ಬದಾನಿ ಮಾರಿಯಪ್ಪೆಗ್, ಬಲಿಹಾರ ಕೊಬ್ಬಿನಂಚಿನ ರೂಢಿಲಾ ಉಂಡು. ಈ ರಕ್ತಾರೊದ ಈ ಸರಕೆನ್ ಸಮರನೆ ಮಲ್ಪುನವು ಬಂಗನೇ. ಆಂಡ ನರಮಾನಿ ತನ ಅಸಹಾಯಕತೆಟ್ ತನ ರಕ್ಷಣೆಗಾದ್ ನಾಡೊಂದಿನ ಒಂಜಿ ಪರಿಹಾರೊದ ಬಗೆ ಪಣ್ ಪಣೋಲಿ... ತುಳುನಾಡ್‌ಡ್‌ ಜಾತಿ ಭೇದೊದ ಸಾಮಾಜಿಕ ಸೀಕ್ ಇಡ್ಕೊಂಡಲಾ, ಇಂಚಿನ ವರ್ಸಾದಿ ಕಟ್ಟೆ ಕಟ್ಟಲೆ ನಡಪುನಗ ಮಾತ ಜಾತಿ ವರ್ಗೊದಕ್ಷೆಗ್ಲಾ ಪನಿಪನಿ ಸೇವೆದ ಪಾಲ್ ತಿಕೊಂದಿತ್ತಿನ ಟಾತ್ರ ಮಿತ್ತ್ ಇನತ ದಂಡೆಲ್ ಮಾಜಿದ್ ಮಾತೆಲ್ಲಾ ದೈವೊದ ಬಗ್ಗೆರಿನ ಬಾನೊ ಬರುಂಡು, ಅಂಚೆನ್ ತುಳುನಾಡ್‌ ಉಲ್ಲಾಯೆ, ದನಿ, ಒಕ್ಕೆಲ್, ಗೇಣಿದಾಯೆ ಪಣ್ಣಿನ ವರ್ಗಭೇದೊಲಿತ್ತ್ಂಡಲಾ, ಪರ್ಬದ ಪಂಚೆಮಿ, ಎಡ್ಡೆಮಿಲ್ಲಿದಾನಿ ಲೆತ್ತದ್, ಬಳಸ್‌ಬ್ಬಿನ ರೀತಿರಿವಾಜಿಲಾ ಇತ್ತ್ಂಡ್. ಜಾತಿಭೇದೊನು ಮೀರ್ ಮಾನವೀಯತೆ ಮೆರೆತಿನೆಕ್ ಉಳ್ಳೂರುಗುತ್ತುದ ಉಳ್ಳು ಪೆರ್ಗಡಿತಿ 'ಆಚಿ ಪಿ ಪೊಣ್ಣಗ್ ಆಶ್ರಯ ಕೊರಿನಂಚಿನ ಉದಾರ್ಮೆಲೇ ಉಂಡು. ಅಂಚಾದ್ ತುಳು ಸಂಸ್ಕೃತಿಡ್ ಜಾತೀಯತೆ, ವರ್ಗ ಭೇದ, ಶೋಷಣೆಲ್, ನೂದೆಕ್ ನೂದು ಇತ್ತೀಜಿ... ಪಾಳೆಯಗಾರಿಕೆದ ದರ್ಪು ಮಿತಿಮೀರ್‌ಂಡ ಪಿರ್ಪಾವುನ ಸತ್ತೋನು ತುಳು ಸಂಸ್ಕೃತಿ ದಿಂಜಾದ್ ಕೊರುಂಡು. ♡ 25