ಪುಟ:ಮದಿಪು ಲೇಖನೊಲು.pdf/೩೦

ಪರ್ಬೊಲೆಡ್, ಇಲ್ಲೊ ಜಾಲ್, ಮೆಯಿಮಂಡೆದ ಸುದ್ಧೋಲಾ ಮುಕ್ಯನೇ... ವರ್ಸ ಇಡಿಲಾ ಬಿಂಜತ್ತ್ಡೊಂಜಿ ಪರ್ಬೊಲು... ಬಿಸು ಪರ್ಬ ಕಡೀರವಾಂಡ, ಬೊಕ್ಕ ಆಟದ ಅಮಾಸೆ, ನಾಗರ ಪಂಚಮಿ, ಸೋಣ ಸಂಕ್ರಾಂದಿ, ಸೋಣ ಸುಕ್ರಾರ, ತತ್ತ್ವದಜ್ಜಿ, ಕುರಳ್ ಕಟ್ಟುನಿ, ಪೊದ್ವಾರ್, ದೀಪೊಲಿ, ಕಾವೇರಿ ಸಂಕ್ರಾಂದಿ, ಕೆಡ್ಡಸ ಇಂಚಿತ್ತಿನತ ನಡುನಡುಟು ಅಸ್ಟೆಮಿ, ಚೌತಿ, ಮಾರ್ನೆಮಿ, ಶಿವರಾತ್ರದಂಚಿನೆನ್ಹಾ, ಉಪ್ಪಾಸ, ಪೂಜೆ ಇಂಚಮಾತದ ಬೇರೆ ಬೇತೆ ಕಿರ್ಮೊಡು ಮಲ್ಪುವೆರ್, ಪರ್ಬಗದ್ದಲೊಡು ವನಸ್‌ನಾ ಗಡೇ.. ಸೀಪೆ ಕೈಪೆ ರಡ್‌ಲಾ ತಿನ್ನಿನೆತೊಟ್ಟುಡು. ಪಿತ್ತೆಲ್ಡ್ ಬುಳೆಪಿನ ಚೇವು, ತೊಜಂಕ್, ಪಿ, ತಿಮರೆ, ಪೂಂಬೆ, ಕಣಿಲೆದಂಚಿನೆಲ್ಲಾ ಬೇತೆ ಬೇತೆ ಸಂದರುಡು ತಿಂ‌ದ್ ಜೀವೊದ ಸತು ಎಚ್ಚಾವೊಂಬೆರ್.. ತುಳು ಪೊಂಜೊಲು ಅಡ್ಸ್ ಬಳಸುನೆಟ್ ಬಿರೈರ್. ಪುಳಿಕೂಟುದು ಮುನ್ನೂದು ಬಗೆ, ಅಳೆಕೂಟುದು ಐನೂದು ಬಗೆ ಅಡ್ಡ ಬಳಸೆರೆ! ಆತೇ ಅತ್ತ್ ತುಳು ಪೊಂಜೊಲು ಅಡ್ಕೊಂಡ ಕಜವು ಒರಿಯಂದ್‌ಗೆ! ಬಳಸ್‌ಂಡ ಬಡವು ಒರಿಯಂದ್‌! ಇಲ್ಲಡ್ ಹರಿಪೊಂಜೊಲಿತ್ತ್ಂಡ ಇಲ್ಲದಕ್ಕೆಗ್ ದಾಕ್‌ದಾಕ್ಷಿನ ಅಗತ್ಯ ಇಜ್ಜಿಣ್ಣಿನ ಪಾತೆರಲಾ ಉಂಡು. ತುಳು ಸಂಸ್ಕೃತಿ, ಪೊಂಜೊಲೆಗ್ ತಾನ-ಮಾನ ಯಾರು ಜಿಣ್ಣಿನ ಚರ್ಚೆಗ್ ಅವುಕಾಸ ಕಮ್ಮಿಯೆ. ಪೊಂಜೊಲಿಬ್ಬಂದಿ ಇಲ್ಲತ್ತ್ ಪನೆಕ್ ಅಡ್ಡ ಪಾತೆರ ಇಜ್ಜಿ, ಪೊಣ್ಣು ಬಾಲೆ ಪುಟುಂಡಲಾ ಬಟ್ಟಲ್ ಬೊಟುದು, ಸೀಪೆ ಪಟ್ಟುನಾತ್ ಸಂಬುರ್ಮನೆ. ಪೊಂಜೊಲುಲಾ ಬೊಲ್ಲುಡ್ಡು ಬಯ್ಯಮುಟ್ಟ ಬೆರಿಬಗ್ಗಾದ್ ಬೆನುವೆರ್, ಇಲ್ಫ್ದ, ಬೆನ್ನಿದ ರಕೋಲೆಡ್ ಮಿಂಜೆಸೆ‌, ಒಗ್ಗೂರ ಕಂಡನಿಬೊಡೆದಿ ಕಂಟೊಂಡಲಾ ಅವು ಉಂಡುತಿಂದ್ ಜೆಪ್ಪುನೆಟ ಮಾತ್ರ. ತುಳು ಸಂಸಾರೊಲೆಡ್ ಸ್ತ್ರೀವಾದ ಇತ್ತ್ಂಡಲಾ ಅಯಿತ ಚುರು ಬೋಡಿತ್ತಿನಾತೇ. ಅಂಚಾದ್‌ ಸಂಸಾರಸಾರ ಪೂರ ತೋರು ಪೋಪುಜಿ, ಕಂಡನಿನ ಪುದರ್ ಪಣಿಯೆರೆ ಬಲ್ಲನೆಟ್ ನಂಬಿಕೆ, ಮುತ್ತೇಸಿ ಸಾವುದ ಬಯಕೆ ಇತ್ತ್ಂಡಲಾ, 'ಪತಿಯೇ ಪರದೈವ ಪಣ್ಣಿನ ಅತಿರೇಕ ಇಜ್ಜಿ. ಕಂಡನಿನ ಕಾಟೊಡೇ ಸೈಪಾವುನ ದುಷ್ಟ ವಾಡಿಕೆಗ್ ಇಡೆ ಇಜ್ಜಿ. ಒಂಜೇಭ್ಯ ಕಂಡನಿಲ್ಲಡ್ ಬಗ್ಗಿನಡೆಗ್ ಗುದ್ದು ಮಿತಿಮೀರ್‌ಂಡ... ಮಾಮಿ ಮಿನಿ ಜಗತೂಟೆ ಆಂಡ, ಜೀವಪರವಾಯಿನ ತುಳು ಸಂಸ್ಕೃತಿಡ್ ಪರಿಹಾರ ಉಂಡು, “ಅಳಿಯ ಕಟ್ಸ್"ಡ್ ಅಪ್ಪ ಇಲ್ಡ್ ಮಗಲೆಗ್ ಬಾಕಿಲ್ ದೆತ್ತ್ ದೀಪುಂಡು, ತಗೆನಕುಲು ತಂಗಡಿಗ್ ತಪುರಿಲಾಪೆರ್. ಕಂಡನಿ ನನೊರಿನ ಸೆರಂಗ್ ಪತ್ತೆರೆ ಪೋಂಡ, ಪಂಡಿಪಾತೆರ ತತ್ತ್ಂಡ, 3 22