ಪುಟ:ಮದಿಪು ಲೇಖನೊಲು.pdf/೨೬

ಜನೊಕ್ಕುಲೆಗ್ ಈ ವಿಚಾರೊ ಹೆಚ್ಚ ತೆರಿಡ್‌ಜ್ಜಿ, ದಾಯೆಗ್ ಪಂಡ ತುಳುತ್ತ ಪ್ರಾಕ್‌ ಕಾವೊಲು ತುಳುಲಿಪಿಟ್ಟೆ ಬರೆದಿತ್ತ್ದ್ ತಿಡ್ಕೊಂಡಲ ಇತ್ತೆ ಅಚ್ಚಿ ಮಲ್ಪುನಗ ಮಾತೆರೆಗ್‌ ಓದಿಯರೆ ಅನುಕೂಲಾವಡ್‌ಂದ್ ಕನ್ನಡ ಲಿಪಿಟ್ಟೇ ಅಚ್ಚಿ ಮಲ್ಲೊಡಾಂಡ್. ಇತ್ತೆ ಆ ಕಾವೊಲೆನ್ ಓದುನಾಯಗ್ ಅವು ಮೂಲತಃ ತುಳುಲಿಪಿಟ್ಸ್ ಬರೆದಿತ್ತಿನವು ಪ ವಿಷಯೊ ಗೊತ್ತಾಪುಜಿ. ಅಂಚಾದ್ ತುಳುಲಿಪಿ ಒರಿಯರಾವಡ್ ಚಾಗ್ ಬರಿಯರಾವಡ್ ಆ ಲಿಪಿಟ್ಟೆ ತಿಕ್ಕಿನ ಪ್ರಾಕ್‌ದ ಕಾವೊಲು ಪ್ರೇಜನೊಗ್ ಬೂರುಜ್ಜಿ, ಬಹುಶಃ ನನ ವಾ ರೀತಿಡ್‌ ಅವು ಚಾಲ್ತಿಗ್ ಬರ್ಪುನ ಅವಕಾಶ ಇಜ್ಜಿ, ತುಳುಕ್ಕಲ ಲಿಪಿ ಇತ್ತ್ಂಡ್‌ಂದ್ ಇನಿ-ಎಲ್ಲೆದ ಜನೊಕ್‌ಲೆಗ್ ಪಂಡೊನಿಯರೆ ಮಾತ್ರ ಸಾಧ್ಯ ಉಂಡಾತೆ. ಇತ್ತೆ ಅವು ಚಾಲ್ತಿಡುಪ್ಪುನೆ ಪಂಡ ಉಡುಪಿದ ಅಷ್ಟಮಠತ್ತ ಸ್ವಾಮಿಲು ಪಾಡುನ ದಸ್ಕತ್‌ಡ್ ಮಾತ್ರ. ಬಹುಶಃ ತುಳು ಲಿಪಿತ್ತ ಆಕೇರಿದ ಒರ್ಕಟದ ಜವ ಉಂದು. ಈ ಪರಂಪರ ಏತ್ ಕಾಲೊ ಒರಿಯು ಪಂಡ್‌ದ್ ಇತ್ತೆ ಪಣಿಯರೆಗಾಪುಜಿ. ಇಂಚ ಸುಮಾರ್ ರಡ್ಡರೆ ಸಾವಿರ ವರ್ಸೊಗು ದುಂಬು ಪುಟ್ಟುದು ಸ್ವತಂತ್ರ ಆಯಿನ ತುಳುಭಾಷೆ ಕಾಲಕಾಲೊಗು ಬೇತೆಬೇತೆ ರೂಪೊಲೆಡ್, ಜೀವಂತ ಭಾಷೆದ ಮಾತ ಲಕ್ಷಣೋಲೆನ್‌ಲಾ ಪಡೆವೊಂದು ಬತ್ತ್ದ್ ದುಂಬರಿಯೊಂದುಂಡು. ಇತ್ತೆ ತುಳುನಾಡ್‌ ಸೀಮೆದ ಮಿತಿನ್ ಮೀರ್‌ದ್ ದೇಶವಿದೇಶೂಲೆಡ್ ತುಳುವ‌ ನಾಲಾಯಿಡ್ ನಲಿತೊಂದುಂಡು, ಬೇತೆ ಭಾ,ಎಲೆ ನಡುಟಿಪ್ಪುನಗ ಸಹಜವಾದ್ ಆ ಭಾಷೆ ಸುರ್ಪೊಸೊಬಗ್ಗದ ಒಂಜೊಂಜಿ ಅಂಶೋಲೆನ್ ತನ್ನುಡಲ್‌ಡ್ ಸೇರಾವೊಂದು ಮೆರೆವೊಂದುಂಡು, ಕೆಲವು ಸರ್ತಿ ಬೇತೆ ಭಾಷೆ ಅಂಶೂಲು ಮಿತಿಮೀರಿನಂಚನೆ ತೋಜಿಂಡಲಾ ಉಲಯಿದ ಸತ್ಯ ತುಳುತ್ತಲೇ ಪಣ್ಣಿನ ಸಮಾದಾನೊ ನಂಕ್, ತುಉಳು ದಾಂತಿ ಊರುಡು ತುಳುಶಬ್ದಲೆನ್ ಕೇಣ್ಣಗ ಆಪಿನ ಕುಸಿ ವರ್ಣನೆ ಮಲ್ಪರೆ ಸಾಧ್ಯ ಇಜ್ಜಿ ಪಣ್ಣುನವು ನಿಕ್‌ಲೆಗ್ ಮಾತ ಗೊತ್ತುಂಡು, ಇಂಚಿನ ತುಳುಭಾಷೆ” ಅರಿವಿಜ್ಜಿ. ಆಂಡಲ ಬುಳೆಪಾವುನ ಜವಾಬ್ದಾರಿ ನಮ ಮಾತೆರೆನಲಾ ಮತ್ತುಂಡು. ಜ (ಮೂಡಬಿದ್ರೆದ ಮಹಾವೀರ ಕಾಲೇಜಿಡ್ ನಡತ್ತಿನ 'ತುಳುಸಿರಿ'ವಿಚಾರ ಸಂಕಿರಣ ಭಾಗೋಡು ಮಂಡಿತಿ ಪ್ರಬಂಧದ ಸಾರ ರೂಪ) 18