ಪುಟ:ಮದಿಪು ಲೇಖನೊಲು.pdf/೨೫

ಪೊರ್ಲುಗು ಕೇಡಾಂಡ, ಬುಕ್ಕೊಂಜಿ ಕಡೆಟ್ ತುಳುತ್ತ ಸಹಜವಾಯಿನ ಮೂಲ ಶಬ್ದಲೇ ಕಣ್ಮದೆಯಾಪುನ ಅಪಾಯೊ ಉಂಡೇ ಉಂಡು. ಮುಲ್ಪ ಒಂಜಿ ಮುಖ್ಯವಾಯಿನ ಸಂಗತಿನ್ ತೂವೊಡು, ತುಳುಭಾಷೆ ತನ್ನ ಮೂಲರೂಪೊನು ಒರಿತೊಂಡಿನವು ತೆಣಾಯಿದ ಮೆಯಿಟ್ಸ್. (ಬಹುಶಃ ಒಂಜಿ ಭಾಷೆ ಆವಡ್, ಸಾಂಸ್ಕೃತಿಕ ಅಂಶ ಆವಡ್ ತನ್ನ ಮೂಲರೂಪೊನು ಹೆಚ್ಚಾದ್ ಒರಿತೊಂಡಿನವು ತಾನ್ ಇತ್ತಿನ ಪ್ರದೇಶಡ್ಡು ತಾಯಿ ಕಡೆಟ್ಟೇಂದ್ ಪನೊಲಿ, ಇಡೀ ಭಾರತೊನೇ ಗಮನೊಗ್ ದೆತ್ತೊಂಡಲ ಈ ವಿಚಾರೊಡು ಸತ್ಯಾಂಶ್ ಉಂಡುಂದು ತೆರಿದ್‌ಬರ್ಪುಂಡು.) ಅಂಚನೆ, ಬಡಕಾಯಿದ ತುಳು ಆಧುನಿಕತೆದ ಬಿರುಗಾಳಿಗ್ ತಿಕ್ಕಿದ್ ವಿಕಾರಾವೊಂದಿಪ್ಪುನಂಚನೆ ತೆಕ್ಕಾಯಿದ ತುಳು ವಿಕಾರಾಪುನವು ತೋಜುಜಿ, ತಾಯಿದ ತುಳುಟ್ಸ್ ನನಲಾ ಕೆಲವು ಮೂಲ ಅಂಶೂಲು ಒರಿದ್‌ಂಡ್. ತುಳು ಲಿಪಿ : 3 ತುಳು ಪಂಡಿ ಕೂಡಲೆ ಜನೊಕ್ಕುಲು ಸುರುಟು ಕೇನುನ ಪ್ರಶ್ನೆ - 'ಅಯಿಕ್ ಲಿಪಿ ಉಂಡಾ?'ಸುಮಾ‌ ೨೦ ವರ್ಸೊಗು ದುಂಬು ಈ ಪ್ರಶ್ನೆ ಕೇಣ್ಣಗ ತೃಪ್ತಿಯಾಪುನಂಚಿನ ಉತ್ತರ ಕೊರಿಯರೆ ಒಂತೆ ಬಂಜ ಆವೊಂದಿತ್ತ್ಂಡ್. ಆಂಡ ಇನಿ, ನಾಲೈನ್ ಪ್ರಾಕ್‌ ತುಳು ಕಾವೊಲು ಈ ಲಿಪಿಟ್ಟೇ ತಿಳ್ಕೊಡ್ ಬುಕ್ಕೊ 'ತುಳುಕ್ ಅಯಿತ್ತವೇ ಆಯಿನ ಲಿಪಿ ಉಂಡು'ನ್ ದಾಲ ಅಲ್ಕೆಜ್ಜಂದ ಪಣ್ಯರೆ ಆಪುಂಡು. ಅವು ಮಲಯಾಳಲಿಪಿ ಅತ್ತಾ?'ನ್ಸ್ ಕೇಂಡ 'ತೂಯಿನಗ ಅಂಚನೆ ತೋಜುಂಡು ಆಂಡ ಅವು ಮಲಯಾಳಲಿಪಿ ಅತ್, ಮಲಯಾಳಲಿಪಿತ್ತ ಮೂಲಲಿಪಿ'ನ್ಸ್ ಸಮಾದಾನ ಮಲ್ಲೊಲಿ, ಅಯಿಕ್ ಬೋಡಾಯಿನ ಆಧಾರೊ ಇನಿ ನಮ್ಮೆಡ್‌ಡುಂಡು, ದುಂಬುದ ಕಾಲೊಡು ಬ್ರಾಣೆರ್ ಮಂತ್ರೋಲೆನ್ ಬರೆಯರೆ ಮಾತ್ರ ಉಪಯೋಗೊ ಮತ್ತೊಂದಿನ ಈ ತುಳುಲಿಪಿ ಬಾಕಿ ವರ್ಗೊದಕ್ಷೆಗ್‌ ಬೇತೆಬೇತೆ ಕಾರಣೋಲೆಡ್ಡಾವರ ಉಪಯೋಗೊಗ್ ಬೂರಿ. ಅಂಚಾದ್ ಉಂದು ಉಲಯಿದ ಅದೆಷ್ಟೇ ಇತ್ತ್ದ್ ಬೇತೆ ಏರೆಗ್‌ಲಾ ಗೊತ್ತವಂದೆ ಪೋಂಡ್. ಉಂದೆಡ್ಡಾವರ ತುಳು ಭಾಷೆ ಉಂಡು - ತುಳುಲಿಪಿ ಇಷ್ಟೊಂದ್ ವಿದ್ವಾಂಸೆರೆಡ್ ಪತ್ತಿನ ಸಾಮಾನ್ಯ ಜನೊಕ್ಕುಲು ಮುಟ್ಟ ತೆರಿಯೊಣುನ ಲೆಕ್ಕಾಂಡ್. ಆಂಡ ಪ್ರಾಕ್‌ದ ತುಳು ಕಾವೊಲು ಈ ತುಳುಲಿಪಿಟ್ಟೆ ತಿಕ್ಕಿದ್ ಬೊಳ್ಳುಗು ಬತ್ತಿ ಬುಕ್ಕೊ ಕನಿಷ್ಠ ಪಕ್ಷ ವಿದ್ವಾಂಸೆರೆ ಮಟ್ರೊಡಾಂಡಲ ಈ ಲಿಪಿತ್ತ ಬಗ್ಗೆ ತೆರಿವು ಮೂಡ್‌ದ್‌ಂಡ್. ಆಂಡಲಾ ಸಾಮಾನ್ಯ 17