ಬರೊಂದುಂಡು. ಟಿ.ವಿ. ಆಕಾಸವಾಣಿದಂಚಿನ, ಪತ್ರಿಕೆ, ಬೂಕುದಂಚಿನ ಮಾಧ್ಯಮೊಲು ಭಾಷೆದ ರೂಪವ್ಯತ್ಯಾಸೊ ಕಡಮೆ ಆವರೆ ಎಡ್ಡೆ ಸಹಾಯ ಮಲ್ಲುವೊ. ಅತ್ತಂದೆ, ತುಳುವರ್ ವಿದ್ಯಾವಂತೆರಾವೊಂದು ಬನ್ನಗ ಒಂಜಿ ಕಡೆಡ್ಜ್ ತುಳುತ್ತ ಪರಿಷ್ಕಾರೊಲಾ ಆವೊಂದುಂಡು. ತುಳುಟ್‌ಲ ಒಂಜಿ 'ಶಿಷ್ಟತೆ' ತೋಜಿದ್ ಬರಿಯರೆ ಸುರುವಾತ್‌ಂಡ್. ಉಂದೆನ್ 'ಶಿಷ್ಟ ತುಳು'ಪಣ್ಣುನೆಡ್ಸ್ 'ವಿಶಿಷ್ಟ ತುಳು'ನ್ಸ್ ಪಣೋಲಿ! ದಾಯೆಗ್ ಪಂಡ, ಈ ವಿಶಿಷ್ಟತುಳುಟ್ಸ್ ತುಳುಭಾಷೆದ ಶಬ್ದಲೆ ಬದಲ್‌ಗ್‌ ಬೇತೆ ಭಾಷೆದ ಶಬ್ದಲೆಗ್ ಒಂತೆ ಹೆಚ್ಚಿನ ಸ್ಥಾನ ತಿಕ್ಕೊಂದುಂಡು. ಅಯಿಟ್‌ಾ ಸಂಸ್ಕೃತೊಕ್ ಸುರುತ ಸ್ಥಾನ, ಕನ್ನಡೊಗು ರಡ್ಡನೆ ಸ್ಥಾನ, ಮೂಜನೆದವು ಇಂಗ್ಲಿಷ್'ಗೆ! ಉದಾ: ಕನ್ನಡೊದ 'ಕುಣಿ'ತುಂಬು'ಇಂಚಿನ ಧಾತುಲೆಗ್ ತುಳುತ್ತ 'ಉನಿ'ಪ್ರತ್ಯಯೊ ಸೇರ್‌ದ್ 'ಕುಣಿಪು'(ನಲಿಪುನಿ)'ತುಂಬುನಿ'(ದಿಂಜಾವನಿ)ಇಂಚಿನ ವಿಚಿತ್ರ ರೂಪೊಳು ಸೃಷ್ಟಿಯಾವೊಂದುಲ್ಲೊ. ಇತ್ತೆ ಏರೆಗ್‌ 'ಟೈಮೇ'ಇಜ್ಜಿ. ಒಣಸ್ ಬಳಸೊಂದು ಪೋಯಿನಗ ಏರ್‌ಲ 'ನುಪ್ಪು 'ಕೇನು; ಒಂತೆ 'ರೈಸ್'ಪಾಡ್ಡೆ ಪನ್ನೆ! ಅಯಿಟ್‌ಲ 'ವೈಟ್ ರೈಸ್'ಇಜ್ಜಿಡ 'ಬಾಯಿಲ್‌ಡ್ ರೈಸ್'- ಅಲ್ಪ 'ಬೊಲಂತೆ'ಲ ಇಜ್ಜಿ 'ಉರ್ಪೆಲ್‌' ಇಜ್ಜಿ! ಇತ್ತೆ 'ಸರ್ಬತ್ತ್'ಪರ್ಪುನಾ‌ಲ್ ಏರ್ ಪನ್ನೆ? ಪೂರ 'ಜ್ಯೂಸ್‌ಾಕ್‌! ಅಯಿಟ್‌ 'ಲೆಮನ್‌'ಇಜ್ಜಿಡ 'ಆರೆಂಜ್'! ಲಿಂಬೆಲ ಬೊಡ್ಡಿ, ಚಿತ್ರುವುಲಿ ಬೊಡ್ಡಿ. ಇತ್ತೆ ಆಷ್ಟೊ ವುನಕುಲು ಪಾಡುನವು 'ಅಂಗಿ'ಯತ್ತ್ 'ಶರ್ಟ್', ಇತ್ತೆದ ಪೊಣೋವುನಕುಲು ಏರ್‌ಲ 'ರವಕೆ'ಪಾಡುಜೆರ್, ಆಂಡ 'ಬ್ರೌಸ್'ಪಾಡುವೆರ್. ಒರಲ ಅಯಿತ 'ಕೊಲಿಕೆ ತುಂಡು'ಆಪುಜಿ, ಒರೊರ 'ಹುಕ್ ಕಟ್'ಆಪುನಿ ಮಾತ್ರ! Recently thirty train Cousin brother Railway Station three ticket reserve e que join two and half hours wait ಮಲ್ಲೆರ್, ಉಂದು -ತುಳುಭಾಷೆದ ನಡುಟು ಇಂಗ್ಲಿಷ್ ಶಬ್ದಲಾ? ಅತ್ತ್ ಇಂಗ್ಲಿಷ್ ಭಾಷೆದ ನಡುಟು ತುಳು ಶಬ್ದಲಾ? ಗೊತ್ತಾಪುಜಿ! ಬಹುಶಃ ಉಂದೆನ್ 'ಇಂಗ್-ತುಳು'ಪನೊಲಿ! ಇಂಗ್ ಪಾಡ್‌ದಿನ ಪಾಯಸೊದ ಲೆಕ್ಕ! ಭಾಷಾಶೈಲಿದ ಪರಿವರ್ತನೆನ್ ತಡೆವರೆ ಸಾಧ್ಯ ಇಜ್ಜಿ. ಅವುಲ ಅತ್ತಂದೆ ಭಾಷೆಡ್ ಉಂದು ಒಂಜಿ ಮಿತಿತ್ತ ಉಲಾಯಿ ಆವೊಡಾಯಿನವೇ. ಕಾಲೊಗು ಸರಿಯಾದ್‌ ಕೋಲ ಕಳ್ಕೊಡೇ; ಆಂಡ ವಾ ಮಿತಿತ್ತ ಉಲಾಯಿ ಕೋಲ ಕಟ್ಟೋಡು ಪನ್ನುನವು ಮುಖ್ಯವಾಯಿನವು, ಮಿತಿ ಮೀರಿನ ಪರಿವರ್ತನೆ ತುಟಿ ಮೀರಿನ ಕೂಳಿದ ಲೆಕ್ಕ-ಒಂಜಿ ಕಡೆಟ್ ತುಳುಭಾಷೆದ 16
ಪುಟ:ಮದಿಪು ಲೇಖನೊಲು.pdf/೨೪
ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
