ಪುಟ:ಮದಿಪು ಲೇಖನೊಲು.pdf/೨೧

ಇಂಚ ಮಾಂತ ಆಂಡ ಈ ರೂಪವ್ಯತ್ಯಾಸೊ ಜೈನೆರೆ ಪ್ರಭಾವೊದ್ದಾವರೊ ಅಕ್‌ಲಿಪ್ಪುನ ಊರುಡು, ಮುಖ್ಯವಾದ್ ಬೆಳ್ತಂಗಡಿ, ಧರ್ಮಸ್ಥಳ, ಮೂಡುಬಿದರೆ ಇಂಚಿತ್ತಿ ಪ್ರದೇಶದ ಬಾಕಿ ತುಳುತ್ತ ಕ್‌ಲೆಡ್‌ಲಾ ಉಪ್ಪುನನ್ ತೂವೊಲಿ. ೩. ಸಾಮಾನ್ಯ ತುಳು: ಈ ತುಳುರೂಪೊ ಬಂಟ, ಬಿಲ್ಲ, ಮೊಗವೀರ, ಗೌಡ, ಕುಂಬಾರ ಇಂಚಿನ ಸಾಮಾಜಿಕ ವರ್ಗೊದಕ್‌ನ ತುಳುರೂಪೊಲೆ ಒಂಜಿ ಗುಂಪು ಈ ವರ್ಗೋದಕ್ಕನ ತುಳುಟ್ ಹೆಚ್ಚಿಕಮ್ಮಿ ಸಮಾನರೀತಿದ ಲಕ್ಷಣೋಲಿಪ್ಪುನೆಡ್ನಾವರ ಉಂದೆನ್ 'ಸಾಮಾನ್ಯ ತುಳು'ನೇ ಪರ್, ಆಕಾಶವಾಣಿ, ಟಿ.ವಿ.ದಂಚಿನ ಮಾಧ್ಯಮೊಲೆಡಾವಡ್, ಬೂಕುಲೆಡಾವಡ್, ಪೇಂಟೆಡಾವಡ್ ಪೂರ ಕಡೆಟ್‌ಲ ಈ ತುಳುವೇ ಸಾಮಾನ್ಯವಾದ್ ಉಪಯೋಗಾಪುನ ರೂಪೊ. ಬೇತೆ ಭಾಷೆನ ಶಬ್ದಲೆನ್ ಅವ್ವ ರೂಪೊಡು ಸ್ವೀಕಾರಮಲ್ಪುನ ಕ್ರಮೊ ಈ ತುಳುರೂಪೊಡು ಕಡಮೆ. ತನ್ನ ಸುರ್ಪೊಗು ಸರಿಯಾದ್ ಆ ಶಬ್ಲೊಲೆನ್ ವ್ಯತ್ಯಾಸಮಲ್ಸ್‌ ಉಪಯೋಗೊ ಮಲ್ಪುನವು ಈ ಉಪಭಾಷೆದ ವಿಶೇಷತೆ. ಉದಾ: ಸಂಸ್ಕೃತೊದ 'ಕಲಿಯುಗ' ಈ ರೂಪೊಡು 'ಕಲ್ಟಿಗ'ಆತ್‌ಂಡ್, ಸಂಸ್ಕೃತೊದ 'ಅನುಭವ"ಅಲ್ಂಬವ'ಆತಂಡ್, ಕನ್ನಡದ 'ಸಿಹಿ-ಅನ್ನ'ಈ ತುಳುಟ್ಸ್ 'ಸೀಯನೊ'ಆತ್‌ಂಡ್. ಉಂದೆಟ್ಸ್ ಲ-ಳ, ನಣ, ಶ-ಷ-ಸ ವ್ಯತ್ಯಾಸೊಗು ಹೆಚ್ಚ ಬಿಲೆ ಇಜ್ಜಿ. ಆಂಡಲ ತಾಯಿಡುಪ್ಪುನ ಸಾಮಾನ್ಯತುಳುಟ್ಸ್ ಈ ವ್ಯತ್ಯಾಸ ಒಂತೆ ಜಾಸ್ತಿ ತೋಜುಂಡು. ಈ ತುಳುತ್ತ ಒಂಜಿ ವಿಶೇಷ ಸಂಗತಿ ಪಂಡ, ತುಳುತ್ತ ಕಬಿತೆ, ಉರಾಲ್ ಇಂಚಿನ ಬಾಯ್ದೆರೆ ಸಾಹಿತ್ಯ, ಕತೆಕಾದಂಬರಿ, ನಾಟಕೊಲು ಇಂಚಿನ ಹೆಚ್ಚಿನ ಸಾಹಿತ್ಯ ಪ್ರಕಾರೊಲು ಈ ತುಳುಟ್ಟೇ ರಚನೆ ಆವೊಂದುಲ್ಲೊ. ಅಂಚಾದ್ ಈ ತುಳುನೇ ಜನಪ್ರಿಯ ತುಳುಂಡ್ ಪನೊಲಿ. ೩. ಹರಿಜನ ಗಿರಿಜನ ತುಳು: ಈ ತುಳುರೂಪೊಡು ಒಂಜಿ ವಿಶೇಷತೆ ಉಂಡು, ಬಡಕಾಯಿ ತುಳುನಾಡ್‌ಡುಪ್ಪುನ ಹರಿಜನ-ಗಿರಿಜನೊಕ್ಕುಲು ಹೆಚ್ಚಿಕಮ್ಮಿ ಸಾಮಾನ್ಯ ತುಳುನೇ ಉಪಯೋಗೊ ಮಲ್ಪುವೆರ್‌ಡ, ತಾಯಿ ತುಳುನಾಡ್‌ದ ಈ ವರ್ಗೊದಕ್‌ ತುಳು ಒಂತೆ ಬೇತೆ ರೀತಿಡುಂಡು, ಬಾಕಿ ತುಳುರೂಪೊಡು ಕಾರ 'ಸ'ಕಾರೊಡ್ಡು ಸುರುವಾಪುನ ಕೆಲವು ಶಬ್ದಲೆನ ಸುರುತ 'ತ/ಸ' 13