ಪುಟ:ಮದಿಪು ಲೇಖನೊಲು.pdf/೧೮

! ಛಂದಸ್ಸೇ, ವ್ಯಾಕರಣೆಲೆಗ್ ಇಂಬುಕೊರ್‌ಡ್ ಶಿಷ್ಟ ಸಾಹಿತ್ಯ ಪರಂಪರೆದಂಚಿ ಪೋಯಿನ ರೂಪೊ, ಬುಕ್ಕೊಂಜಿ ಈ ರಡ್ಡೆಟ್‌ಲ ಮರೆಯಿನ, ಮರವೊಂದುಪ್ಪುನ ಭಾಷೆ - ತುಳು. ಬೇತಬೇತೆ ರೂಪೊಲು ಬರಿಯರೆ ಕಾರಲು ಜನೊಕ್ಕ ನಾಲಾಯಿಡ್ ನಲಿಪ್ಪುನ ಭಾಷೆಯಾಯಿನ ತುಳುಕ್ ಜನೊಕ್ಕುಲೆನ ಸಾಮಾಜಿಕ ವರ್ಗ, ಪ್ರಾದೇಶಿಕತೆಗನುಸಾರಾದ್ ಬೇತೆಬೇತೆ ರೂಪೋಲು, ಒಂಜಿ ನಿರ್ದಿಷ್ಟ ಜನವರ್ಗೊದಕ್‌ನುಲಯಿ ಪಾತೆರೊಡುಪ್ಪುನ ತುಳುರೂಪೊ ಹೆಚ್ಚಿಕಮ್ಮಿ ಒಂಜೇ ರೀತಿಡಿತ್ತ್ಂಡ, ಬಾಕಿ ವರ್ಗೊದಕ್‌ನ ರೂಪೊಡ್ಡು ಬೇತೆ ಆದ್ ತೋಜುಂಡು. ಭೌಗೋಳಿಕ ಪ್ರದೇಶ್, ಸಾಮಾಜಿಕವರ್ಗೊ, ಸಂಸ್ಕೃತಿ, ಬಾಕಿ ಜನೊಕ್ಕುಲೆ ಸಂಪರ್ಕ ಉಂದು ಮಾಂತ ಭಾಷಾರೂಪೋ ಬೇತೆಬೇತೆ ಆವರೆ ಕಾರಣಾದಿಪ್ಪುಂಡು, ಈ ದೃಷ್ಟಿಡ್ ತೂಯಿನಗ ತುಳುಟ್ ಮುಖ್ಯವಾದ್ ಭೌಗೋಳಿಕ ಬುಕ್ಕೊ ಸಾಮಾಜಿಕಭೇದೊಲಿಪ್ಪನನ್ ತೂವೊಲಿ. 450 ಬ್ರಾಣರ ತುಳು - ಬಾಕಿದಕ್‌ನ ತುಳು ಪನ್ನಿ ಅಭಿಪ್ರಾಯ ತುಳುಟ್ ಬ್ರಾಣೆರ ತುಳು ಬುಕ್ಕೊ ಬ್ರಾಣೆರತ್ತಂದಿನಕ್‌ನ ತುಳುಂದ್ ರಡೇ ರೂಪೊಲಿಪು ನವುಂದ್ ಇಂಚಿಪ್ಪ ಮುಟ್ಟ ಭಾಷಾವಿಜ್ಞಾನಿಲಡ, ಆಂಡ ಸಾಮಾನ್ಯಜನೊಕ್ಕುಲೆಡ ಇತ್ತೆಲ ಇಪ್ಪುನ ನಂಬಿಕೆ. ಆಂಡ ಸುಮಾರ್ ೧೫-೨೦ ವೊರ್ಸುಗು ಪಿರಾವು ನಡತ್ತಿನ ಸಂಶೋಧನೆ, ತುಳು ನಿಘಂಟ್ ಯೋಜನೆಗಾದ್ ಸಂಗ್ರಹ ಮಲ್ಲಿನ ತುಳು ಶಬ್ದರೂಪೊಲೆ ಸುರ್ಪ ಮಾತ ತೂಯಿನಗ ತುಳುಟ್ ಈ ರಡ್ ರೂಪೊಲು ಮಾತ್ರ ಸಾಮಾಜಿಕವಾದ್‌ ಬೇತೆಬೇತೆ ರೂಪೊಲುಲ್ಲ ಪನ್ನಿನವು ಗೊತ್ತಾಂಡ್. ಸಾಮಾಜಿಕವಾದ್ ತುಳುತ್ತ ರೂಪಭೇದೊನ್ ತೂಪುನೆಡ್‌ ಲ ಭೌಗೋಳಿಕವಾದ್ ತೂಪುನವು ಹೆಚ್ಚ ಸರಿಯಾಯಿನವು ಪನ್ನಿ ಅಭಿಪ್ರಾಯ ಮೂಡ್‌ದ್ ಬತ್ತ್ಂಡ್, ಭೌಗೋಳಿಕ ರೂಪೋಲು ರೂಪ -೧ : ತೆಣಾಯಿದ ತುಳು (ನೇತ್ರಾವತಿ ತುದೆಡ್ ತೆಣಾಯಿ ಮೆಯಿತ ತುಳು) ರೂಪ - ೨ : ಬಡಕಾಯಿದ ತುಳು (ನೇತ್ರಾವತಿ ತುದೆತ್ತ್ ಬಡಕಾಯಿ ಮೆಯಿತ ತುಳು) ನನಲಾ ಸೂಕ್ಷ್ಮವಾದ ತುಲುತ ರೂಪೊಲೆನ್ ತೂವೊಡಾಂಡ ರೂಪ - ಒಂಜೆಟ್: ೧.೧. ತೆಣಾಯಿ - ಪಡ್ಡಾಯಿದ ತುಳು (ಕಾಸರಗೋಡು ತಾಲೂಕ್‌ದ ತುಳು) 10 7 10 & I'd e