ಪುಟ:ಮದಿಪು ಲೇಖನೊಲು.pdf/೧೨

ಅವೆನ್ ಬಯಕೊಂಡು! ಎಂಕ್ ತೆರಿದಿಲೆಕ ತುಳು ಬಾಸೆಗ್ ಎಡ್ಡೆ ಪ್ರಾಚೀನ ಪರಂಪರೆ ಉಂಡು, ತುಳು ಬಾಸೆಡ್ ಇನಿ ಬರೊಂದುಪ್ಪುನ ಸಾಹಿತ್ಯ ಕೃತಿಕೆಗ್ ಇತ್ತೆಗಿತ್ತೆ ಓದುಗರ್ ತಿಕ್ಕಜೆ‌ ಇಂದಾಂಡ ಪೋಡ್ಯಡೆ, ದಿನ ಬರ್ಪುಂಡು, ನಿಕಲ್ನ ಸಾಹಿತ್ಯೋನು ಓದುನ ದಿನ ಖಂಡಿತವಾಗ್ತಾ ಬರ್ಪುಂಡು. ನೋಬೆಲ್ ಪ್ರಶಸ್ತಿ ಪಡೆಯಿನ ನನೊರಿ ಕಾದಂಬರಿಕಾರ 'ಐಸಾಕ್ ಬೋಲ್ಸ್ವಿಕ್'ನ್ ತೂಲೆ. ಅಮೇರಿಕೊಡು ಇತ್ತಿನ ಆಯೆ ಇದ್ದಿಶ್ ಪನ್ನಿ ಕಮ್ಮಿ ಜನ ಪಾತೆರುನ ಬಾಸೆಡ್ ಬರೆಯೊಂದಿತ್ತೆ. ತನ ಬೂಕುಲೆನ ಐನೂದು ಪ್ರತಿಜ್ಞೆನ್ ಮಾತ್ರಾ ಆಯ್ಕೆ ಅಚ್ಚಿ ಮಲ್ಲೊಂದಿತ್ತೆ. ದಿಂಜ ಕಾಲೊಡ್ಡು ಬೊಕ್ಕ ಆಯನ ಕಾದಂಬರಿಲು ಅನುವಾದೊಡು ಬತ್ತ ಆಯೆ ಪ್ರಸಿದ್ದಿಗ್ ಬತ್ತೆ. ಅಂಚಾದ್, ನಿಕಲ ಸಾಹಿತ್ಯ ಕೃತಿ ಇತ್ತೆನೆ ತರ್ಜುಮೆ ಆವಡ್, ಆವಂದೆ ಉಪ್ಪಡ್, ಬಾಸೆದ ಮಿತ್ತ್ ನಿಕಲೆಗ್ ಮೋಕೆ ಉಂಡುಂದಾಂಡ, ನಿಕಲ್ಪ ಬಾಸೆಡ್ ಸಮರ್ಥವಾದ್ ಎಂಚಿನನ್ನಾ ತೆರಿಪಾವೊಲಿಂದ್ ತೋಜೊಂಡಾಂದಾಂಡ, ನಿಕಲ್ಪ ಬಾಸೆದ ಪೊರ್ಲು, ಸಾಮರ್ಥ್ಯದ ಬಗ್ಗೆ ಅಭಿಮಾನ ಉಂಡುಂದಾಂಡ, ಅವೆಷ್ಟೇ ದಿಂಜ ಕೆಲಸ ಆಪುಂಡು ಬಾಸೆ ಬುಳೆಯುಂಡು. ತುಳು ಅಕಾಡೆಮಿ ನಡತೊಂದುಪ್ಪುನ ಸಾದಿ ಸ್ಪಷ್ಟವಾದುಪ್ಪುನೆಕ್ ಎಂಕ್ ಕುಸಿ ಉಂಡು. ಇನಿ ತುಳುಟು ಬರೆಪಿನಕಲ್ನ ಸಾಹಿತ್ಯ ಮಾರಾಟ ಆವೊಂದಿಜ್ಜಿ ಪನ್ನಿ ಬೇನೆ ನಿಕಲೆಡ ಉಂಡು, ಆ ಸಮಸ್ಯೆ ಇನಿ ರಾಷ್ಟ್ರೀಯ ಮನ್ನಣೆ ಪಡೆದುಪ್ಪುನ ಏತೋ ಬಾಸೆಲೆಗ್‌ಲಾ ಇತ್ತಿನವು. ಇನಿ ಕಾಂಡೆ ಮುಲ್ಪ ಒರಿ ಪತ್ರಕರ್ತ ಜವಣೆ ಎನಡ ಪಂಡೆರ್, ಟಿ.ವಿ.ದ ಪ್ರಭಾವೊಡ್ಡಾದ್ ಜನೊಕ್ತನ ಓದುನ ಅಬ್ಬೇಸೊಗು ಬಾರೀ ಪೆಟ್ಸ್ ಬೂರ್ದುಂಡು ಇಂದ್. ಯಾನ್ ಪಂಡೆ, 'ಉಂದು ಇನಿ ಇಡೀ ಲೋಕದ ಸಾಮಾನ್ಯ ಸಮಸ್ಯೆ ಟಿ.ವಿ. ಬತ್ತ್ದುಪ್ಪು ಆಂಡ ಸಾಹಿತ್ಯ ಕೃತಿಕೆಗ್ ಸಾವಿಜ್ಜಿ'. 'ಬೂಕುಲೆಗ್ ಸಾವಿಜ್ಜಿ!' ಈ ಪಾತೆರ ಸತ್ಯ. ಟಿ.ವಿ.ದ ಒಂಜಿ ಕಾರ್ಯಕ್ರಮ ನಿಕುಲು ತೂನಗ ತೂಪಿನಾಯೆ ಒಂಜಿ ಬಹುಕೋಟಿ ಕಂಪೆನಿದ ಪತ್ತೆ ರುಪಾಯಿದಾ ಶೇರ್ ಹೋಲ್ಡರ್. ಆ ಮನರಂಜನೆದ ಒಟ್ಟುಡು ನಿಕಲ್ನ ಸಹಯೋಗ ಆತೇ, ಆಂಡ, ಒಂಜಿ ಬೂಕುನು ನಿಕುಲು ಓದೊಂದುಲ್ಲರಾ, ಅಪಗ ನಿಕುಲು ಅವೆತ 50%ಶೇರ್ ಹೋಲ್ಡರ್! ಮುಲ್ಪ ನಿಕುಲು ಲೇಖಕನೊಟ್ಟುಡು ಅತ್ತ್ಂಡ ಲೇಖಕನೇ ನಿಕಳ್ಕೊಟ್ಟುಡು ನೇರವಾದ್ ಸಂವಹನೊಡುಪ್ಪುನ ಸ್ಥಿತಿ ಏರ್ಪಾಡಾಪುಂಡು. ಲೇಕಕೆ ಬರೆಯಿನೆನ್ ಓದುನಗಲಾ, ನಿಕಲ್ಪ ಉಡಲ್‌ಗ್ ಒಂಜಿ ತರತ ಮನರಂಜನೆ ತಿಕ್ಕುಂಡು, ಅವೆನ್ ಪನರೆ ಸೊಲಬೊಡು ಸಬೊಲು 4