ಪುಟ:ಮದಿಪು ಲೇಖನೊಲು.pdf/೧೦೯

ಅಪಗ ಅಲ್ಪಡ್ಡು ಎನ್ನ 'ಕ್ಲಾಸ್‌ಮೇಟ್' ಗುಣಪಾಲೆಲಾ ಆಯನ ಅಪ್ಪೆ ಸುಂದರಿಯಕ್ಕೆಲ ಇಲ್ಲದಂಚಿ ಪೋಯೆರ್. ಎಂಕ್‌ಲಾ ಅಕ್‌ಲ್ನ ಬೆರಿಯೆನೆ ಇಲ್ಲಗ್ ಪೋವರೆ ಇತ್ತ್ಂಡ್. ಅಂಡ, ಕೈಕಂಜಿ ಮಿನಿ ಸಾಯಿಬೆರ ಬಿತ್ತ್ ಪೊಗ್ಗಿಯಡ, ಸಾಯಿಬೆದಿ ಎನ್ನ ಜಾತಕ ಪೂರಾ ಓದುವೆರ್, ರಂಗ ಭಟ್ರೆನಡೆ ಪೋವೊಡು ಪಂದ್ ಇಜ್ಜಿ. ಅಂಚ ಒಂತೆ ತರಿದ್ ಕೈಕಂಜಿಲೆನ್ ದರೊಂದು ಕಿದೆಕ್ ಕೂಡಾದ್, ಎನ್ನ ಅಜ್ಜಿಡ ಕೇಂಡೆ "ಅಪ್ಪಾ, ಗುಣಪಾಲೆ ಬತ್ತೆನಾ?" "ಲೆಪ್ಪ ಲೆಪ್ಪ ಒಕೊನಂದೆ ಪಾಡಿಡ್ ಗುದ್ದೂಲಿ ಪೋದು, ಇತ್ತೆ ಬತ್ತ್ದ್ ಗೋನೆ ಪಾರೊಲ್ ಬೋದನ ಕೆನುವನಾ?" ಪಂದ್ ಎನಡ್ ಉದ್ದ ಅಡರ್ ಒಯಿತೆ‌ ಕನಕೊಟ್ಯಡ್ಸ್. ಆರ್ ತೀರಗ ಎಂಕ್ ಪದಿನೆಡ ವರ್ಸ. ಅದ ಮುಟ್ಟಲಾ ಆ‌ ಅಡ‌ ಬೇರ್ದಿನಿ ಮಾತ್ರ, ಬಾರ್ಸದಿನಿ ಇಜ್ಜಿ. ಈ ಗುಟ್ಟು ಆ ಎಲ್ಲಿ ಪ್ರಾಯೊಡೆ ತೇರಿದ್ ಇತ್ತ. ಅಂಚಾದ್ ದೈರ್ಯೊಡೆ ಕೇಂಡೆ, ಅಡಾ ಕಂಡೆಡ್ ಕಲ್ಕಿಯೆ "ಗುಣಪಾಲೆಯೆ", ಅಜ್ಜಿಲಾ ರವುಸುಡೇ ಪಂಡ‌ "ಅವ್ವದ, ಗೋನೆ ಪಾರೊಲ್, ನನ ಈ ಕತ್ತೆಲೆಡ್ ಕನ್ಸ್ಗ್ ಕೊಡತ್‌ಂಡ ತೋಜುಜಿ, ಓಡೆ ನಿನ್ನ ಅಮ್ಮಡೆ ನಾಡರೆ ಪೋಪಿನಿ" ಪಂದ್. ಆತ್ ಆನಗ ಎನ್ನ ಅಪ್ಪೆ ಬತ್ತೆರ್ ನಡುಕು. “ಇ ಎಂಚಿನಯ ಇಂಗ್ರಿಟ್ ಬಿಂಗ್ರಿಟ್ ಪಾತೆರುನು? ಆಯೆ ಇಗರ್ಜಿದ ಸುಂದರಿಯಕ್ಕನ ಮಗೆ ಗುಣಪಾಲೆ ಬೋದೆನಾ ಕೇನುವೆ, ಇ ಗೋನೆ ಪಾರೊಲ್ ಇಂತ" ಪಂದ್ ಪಂಡೆರ್, "ಅಂಚನ, ಸುರುಟೆ ಪನರ ಆತಿಜ, ಸಂಕಯ ಪುಲ್ಲಿ ಪಂದ್. ಈ ಕೊಟ್ಟದ ಪೊಸ ಪುದಾದ್ದು ಮಾತ ಎಂಕ್ ಬರ್ಪುಂಡ?" ಪಂದ್ ಅಡ‌ ದಕ್ಕಿಯೆರ್ ಮೊಂಟಿಯಕ್ಕೆ ಅಲಿಯಾಸ್ ಕಮಲಕ್ಕೆ, ಅತ್ ಮೇರ ಕಂಡ್ಯಾನನ ಅರುವತ್ತ ಸಂಕಯ್ಯನ ಗುರ್ತ ಎಂಕ್ ಒಲ್ಕು? ಆರ್ ಎಂಕ್ ಬುದ್ದಿ ತೆರೆಯೊಡ್ಡುಂಬ ಸಂಕ (ಸೇತುವೆ) ದಾಂಟ್‌‌ ಆಪೆಲ್‌ಗ್ ( ಸ್ವರ್ಗೊಗು). ಪೊಸ ಪುದರ್ಗೆ, ಈ ಅಜ್ಜಿ ಎನ್ನ ತಂಗಡಿ ಸರೋಜಿನಿನ್ "ಸರ್ವಾಣಿ" ಪಂದ್ ಲೆತ್ತೊಂದು ಇತ್ತೆರ್, ಬಾಸೆದಾಂತಿನ ಪಂದ್ ಪನರ ಆವಂದ್, ಅಭ್ಯಾಸ ಬಲ ಪನೊಲಿ, ದಾಯೆ ಪಂಡ ಎನ್ನ ಅಜ್ಜಿನ ಭಾವ ಮಗಲ್ 'ಸರ್ವಾಣಿ', ಎನ್ನ ಅಪ್ಪೆನ ಪ್ರಾಯದಾರ್, ಎನ್ನ ಅಜ್ಜಿನ ಇಸಯ ಪನ್ನಗ ದ್ಯಾಮಕ್ಕೆ ಮಗಲ್ ಕೂಸಜ್ಜಿನ ಇಸಯಲಾ ಪನೊಡು ಆಪುಂಡು, ಯಾನ್ ತೂನಗನೇ ಕೂಸಜ್ಜಿನ ಬೆರಿ ಬಗ್ಸ್ದ್ ಇತ್ತ್ಂಡ್, ಎನ್ನ ಅಜ್ಜಿನ ತಿದ್ದಪ್ಪ ಪೆರಿಯಪ್ಪಡ್, ಕೋಡಿ ಕೊಲ್ಪುಡು ಏರಾ 'ಕೂಸು' ಪತ್ನಿ ಪುದರ ಮಾಮಿಯಾ, ಮೈತಿದಿಯಾ ಇತ್ತೆರ್. ಅಂಚಾದ್ ಆರ್ 'ದ್ಯಾಮಕ್ಕೆ' ಮಗಲ್ ಪಂದೆ ಲೆತ್ತೊಂದು ಇತ್‌ತಿನಿ ಕೂಸಜ್ಜಿನ್. ಬಹುಶ್ಯ ದ್ಯಾಮಕ್ಕೆನ್ ಎನ್ನ ಅಪ್ಪೆಲಾ ತೂತುಜೆ‌, ಇಪ್ಪಡ್. ಕೂಸಜ್ಜಿನ 101