ಪುಟ:ಮದಿಪು ಲೇಖನೊಲು.pdf/೧೦೭

1 ಪಂಡೆಗೆ “ಅಂಚತ್ತ್ ಇಯಾವು ಪನ್ನಿ ಪಂದ್. ಐಕೆ ಅತೆ ಕನ್ನಡೊಡು ಪಂತಿನಿ ಒತ್ತುವಲ್ಲಿ ಒತ್ತ ಬೇಕು, ಎತ್ತುವಲ್ಲಿ ಎತ್ತ ಬೇಕು. 'ಕತೆ'ಯನ್ನು ಒತ್ತಿದರೆ ಕತ್ತೆ'ಯಾಗುತ್ತದೆ, 'ಲತೆ'ಯನ್ನು ಒತ್ತಿದರೆ 'ಲತ್ತೆ'ಯಾಗುತ್ತದೆ. ಲೇಸ್‌ ವಿಚಾರ ಪನ್ನಗ ಎಂಕಲೆ ಊರ ಪೋಲಿ ಜೋಕ್ಸ್‌ನ ನಿನೆಪು ಬರ್ಪುಂಡು. ಬಲಸೊಂದು ಬರ್ಪಿನಕಡ "ಅಲೆನ್‌ಕೋರ್ಪರ, ಇರೆನ್ ಗೆಪ್ಪೋಡ?" ಪಂದ್ ಕೇನ್ವೆರ್. ಬಾಸೆದಾಂತಿನಗುಲು ಎನ್ನರೆ ಸಾದ್ಯ ಉಂಡು, “ಒಲ್ಲಾ ಬಲಸುನಾರೆಗ್ ಜವಂದಿ ಮಗಲ್ ಇನ್ನೊಡು. ಅಂಚಾದ್ ಈ ಜವನೆ ಕೇನುನು ಅಲೆನ್ ಎಂಕ್ ಮದಿಮೆ ಮಲ್ತ್ ಕೊರ್ಪರಾ, ಅತ್ತ್ ಇರೆನ್ ಗೆಪ್ರೌಡ, ಪಂಡಾ ಕೆರೊಡ ಪಂದ್ ಪನ್ನಿನಿ" ಪಂದ್ ಅಸಲ್ ಸಂಗತಿ ಇಂಚ, ನುಪ್ಪುಗು ಅಲೆ (ಮಜ್ಜಿಗೆ) ಕೋರ್ಪರ ಅತ್ತ್ ಉಣಸ್‌ ಇರೆ ಗೆಪ್ಪೋಡ ಪಂದ್. ಬೊಕ್ಕ ಕೆಲವೆರ್ ಪನ್ಸರ್ ಇರೆನ್ ಲೆತ್ತ್ ಗುರಿಕ್ ಪಾಡುವೆ ಪಂದ್. ಅವು ಇರೆಗ್ ಪನ್ನಿನಿ ಅತ್ತ್ ಅನ್ನಾ, ಬಾರೆದ ಇರೆಕ್, ಇರ್ ನನ ಬೆಚ್ಚ ಆಪಿನಿ ಬೊಡ್ಡಿ, ಇನಿ ಕೋಡೆದ ಜವನೆರೆಗ್ ಬಾಸ ಉಂಡ ಪನಿ ಮೇರೆ? هـ ಅಂಚ ಒರ ಬೊಜ್ಜದ ಉಣಸ್‌ಗ್ ಪೋದು ಬತ್ತಿನ ಜೋಕುಲು ಎನ್ನ ಅಮೆರೆ ಇಲ್ಲಡ್ ಪಾತೆರೊಂದು ಇತ್ತಗೆ, "ವಡೆ, ಹೋಳಿಗೆ, ಪಾಯಸ... ಏತ್ ಮಾತ ತಿನಸ್ ಇತ್ತ್ಂಡತ್ತಾ, ನಮ ಅಜ್ಜೆರ ಬೊಕ್ಕೊಗುಲಾ ಅಂಚೆನೆ ಮಲ್ಪೆರ್ ಅತ್ತಾ?" ಪಂದ್ ಅಲ್ಪನೆ ಬಾಕಿಲ್ಲ ಪಲಾಯಿಡ್ ಕನ್ ಬಾಡವೊಂದು ಇತ್ತಿನ ಎನ್ನ ಪಪ್ಪನ ತಮ್ಮಲೆ ಪೂಂಕ ಅಚ್ಚೆ‌ ಪಂಡಗೆ “ಎಂಚಿನದೆ, ಬಾಸೆದಾಂತಿನ ಓಲ್ಲಾ, ವಡೆ ತಿನರೆ ಎನನ್ ಕೆರ್ಪರಾ?" ಜೋಕುಲು ಎನ್ನೋದಿನಿ ಆರ್ ಕನ್ಸ್ ಮುಚಿದೆ‌, ಪಂಡಾ ನಿದಿರೆ ಬೈದ್‌ಂಡ್ ಪಂದ್. ಆರ್ ಕನ್ಸ್ ಮುಚಿನಿ ಈ ಸಂಗತಿ ನಡತ್‌ದ್ ಇದ್ದ ವರ್ಸೊಡು ಬೊಕ್ಕ. ಎನ್ನ ಅರೆ ಇಲ್ಲದ ಜೋಕುಲೆಗ್ ದುಂಬುಡ್ಸ್ಂಚಿಲಾ ಒಂತೆ ಜಕ್ಕೆ ಜಾಸ್ತಿಯಾ ಪಂದ್. ಎನ್ನ ಪಪ್ಪ ಎಲ್ಲಿಡೇ ಪತ್ತೊಂಜಿ ವರ್ಸ ಪ್ರಾಯದ‌ ಪರವೂರು ಪತ್‌‌. ಅಪಗ ಮಾತ ನಾಲ್ ವರ್ಸೊಗೊರ ಎಡ ವರ್ಸೊಗು ಒರ ಊರು ಜಪ್ಪುನತೆ ಇತ್ತೆದಲ ೧೪ ಗಂಟೆಡ್‌ ರೈಲ್ ಬೊಂಬಾಯಿ ಊರು ಮುಟೊಂದು ಇತ್ತೀಜಿ, ಬೊಂಬಾಯಿಡ್ ಪೂನ, ಪೂನೊಡ್ಡು ಮೀರಜ್‌, ಮೀರಜ್‌ ಹರಿಹರ ಮುಟ್ಟ ರೈಲ್, ಅಲ್‌ಡ್ ಶಿವಮೊಗ್ಗ, ಶಿವಮೊಗೊಡ್ಡು ಆಗುಂಬೆಗ್ ಬಸ್ಟ್. ಆಗುಂಬೆದ ಗಟ್ಟ ಜಪ್ಪರೆ ಜೀಪ್, ಸೋಮೇಶ್ವರೊಡ್ಡು ಕಾರ್ಲಗ್, ಕಾರ್ಲಡ್ ಬೈಲೂರು ಬಸ್ಟ್, ಅ ಪೆಟ್ಟಿಗೆ ಸಾಯಿಬೆರಗ್ 99