ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಗುರಾರ ಮದಿಪು ಡಾ. ಗಣೇಶ್ ಅಮೀನ್ ಸಂಕಮಾರ್‌ ಬರೆತಿನ ತುಳು ಪಾಡ್ಡನೊಲು' ಬೂಕುನು ಅಚ್ಚಿ ಮಲ್ಪೆರೆ ಅಕಾಡೆಮಿಗ್ ಸಂತೋಸು ಆವೊಂದುಂಡು. ಆಮೀನ ಜಾನಪದ ಕ್ಷೇತ್ರೋಡು ದಿಂಜ ಬೆಂತಿನಾರ್, ಈ ಪಾಡ್ಡನದ ಪರಿಚಯ ಬೂಕುಡು ಆರ್ ಪಾಡ್ಡನ ಪಂಡ ದಾದ ? ತುಳು ಬದ್‌ಕ್‌ ಪಾಡ್ಡನದ ಸ್ಥಾನಮಾನ ದಾದಾ ? ಪನ್ಸಿನ ಕೆಲವು ವಿಚಾರೊಲೆನ್ ತೆರಿಪಾದರ್, ಪಾಡ್ಡನದ ಕಡಲ್‌ನ್ ಅಜೆತ್ ತೂಪಿನ ಬೇಲೆ ಸಾಮಾನ್ಯದವತ್. ನನ ಮಿತ್ಯದ ಸಂಶೋದಕೆರೆಗ್ ಪಾಡ್ಡನದ ಬಗ್ಗೆ ಸಂಶೋದನೆ ಮಲ್ಪೆರೆ ಈ ಬೂಕು ಒಂಜಿ ತಿಪಿಲ್‌ ಬೊಲ್ಪು ಮಾತ್ರ. ಈ ಬೊಲ್ಪುನು ಪೊತ್ತಾವರೆ ಕೈ ಕೂಡಾಯಿನ ಡಾ. ಗಣೇಶ್ ಅಮೀನ್ ಸಂಕಮಾರ್‌ರೆಗ್ ಯಾನ್ ಎನ್ನ ವೈಯಕ್ತಿಕ ಬೊಕ್ಕ ಅಕಾಡೆಮಿದ ಕೂಟದ ಪರವಾದ ಮೋಕೆದ ಸೊಲೆನ್ ಸಂದಾವೆ. ಅಮೀನೆರೆಡ್ ನನಲಾತ್‌ ಬೂಕುಲು ಬರಡ್‌ಂದ್ ಬಯಕುವೆ, ♡ ಯಮ್. ಕೆ. ಸೀತಾರಾಮ್ ಕುಲಾಲ್ ಅಧ್ಯಕ್ಷೆ
