ಪುಟ:ತುಳು ಪಾಡ್ದನೊಲು.pdf/೩೦

ಉಂದು ಮಾತ ಪೊಣ್ಣಾಯನ ಎನ್ನ ಪಾಲ್‌ ಹಕ್ ಪನ್ನಿನೆನ್ ದೈವನಿಮಿತ್ತದ ನೆಲೆಟ್‌ಲಾ ಅಪ್ಪೆ ಮನಸ್‌ ಅಂಗ್‌ಡ್‌ಲಾ ತಾಂಗೊಂದು ಬೈದಿನೆನ್ ಪನ್ನುಂಡು. ಪೊಣ್ಣನ ದೃಷ್ಟಿಡ್ ಆಲ್ ತುಂಬುನ ಗರ್ಭ ಅವು ಪಾಪದ ಪಿಂಡ ಅವಂದೆ ಸತ್ಯದ ಪಿಂಡ ಆಪುಂಡು. ತನ್ನ ಪುದೆನ್ ತನ್ನ ತಾಂಗೊವರೆ ಆವಂದೆ ಉಪ್ಪುನಗ ದೇವೆರೆನ ಮಿತ್ ಪಾಡ್ ತಪ್ಪಾವುನ ಬುದ್ದಿ ಮುಲ್ಪ ತೋಜೊಂಡುಂಡು. 0 ನರಮಾನಿ ಆಯಿನಕುಲು ತಡೆತೊರೆ ಆವಂದಿನ ಪುದೆನ್ ಅಲೆನ ಮಿತ್ ಪಾಡ್ಡೆರ್‌ಡಲಾ ಇಡೀ ಅರತ್ತಾನೆನು ಮಾನುನ ಮನಾದಿಗೆನ್ ಆಲ್ ತನ್ನ ಜುಟ್ಟುಡು ಕಟೊಂದು ಬೈದೊಲು ಪಂಡ ತಪ್ಪಾವಂದ್. ಪಾಡ್ಡನೊಲೆಡ್ ಬಸ್ಸಿನ ವಾವೊಂಜಿ ಆಣನ್ ತೂಂಡಲಾ, ವಾ ಬಿರ್ದ್ ಬೀರೆ ಆಂಡಲಾ ಪೊಣ್ಣ ನಿರೆಲ್‌ಡ್ ದೂರಾದ್ ಬದ್‌ಕೆರೆ ಆತ್‌ಜಿ, ಅಣನ ಎಡ್ಡೆಗ್ಲಾ ಹಾಳಗ್ಲಾ ಪೊಣ್ಣೆ ಆಧಾರ ಆದುಲ್ಲೊಲು. ಊರಾಯನ ಸುಖ ಸಂತೋಸುಗಾತ್ರ ತನನ್ ತಾನ್ ಸಂದಾವುನ ಛಲೊಟ್ಟು ವಾ ರೀತಿದ ಮೈಮನಸ್ಸದ ನಿತ್ರಾಣಲಾ ಅಲೆಡ ಇಜ್ಜಿ. ಪನ್ನಿನಲ್ಕನೇ ಆಣ ಸಂತಾನೊಡು ಇತ್ತಿನ ಕಾಮ ಕತ್ತೆರಿದ ಮುತ್ತೆರಿನ್ ಕನ್ನಡಿ ಕೊಯ್ದು ತೋಜಾವುಂಡು. ಅಂಚಾಯಿನೆಟ್ಟಾತ್ರ ಪೊಣ್ಣಗ್ ಕೋಂಗಿ ಕೋರೆ ಕಟ್ಟುನಕುಲು ಅಲೆನ ನಿಜ ರೂಪ ತೆರಿಯೊಡಾಂಡ ಮಣ್ಣ ಮೂರನ್ ಕಾರುನಂಚಿನ ಪಾಡನೊಲೆನ್ ಅಜೆ ತಪ್ಪಾದ್ ತೂವೊಡು. ಅಪಗ ತೋಜುಂಡು ನಂಕ್ ಪೊಣ್ಣು ಪಂಡ ಉರೆನಡಕೆ ನಡತೊಂದು ಮುಗುಡು ತೆಲಿಕೆ ತೆಲಿತೊಂದು ಮೈರೆ ನಲಿಕೆ ನಲಿಪುನ ನಲಿಕೆದಾಲ್ ಅತ್ತ್, ಸೊರ್ಕಿನನ್ ಸಿರ್ಕಾವುನ ಬಿರ್ದ್ ಬೀರಲಾ ಅಲೆನ ನೆತ್ತೆ‌ ಕೂಟೊಡು ಉಂಡು ಪಂಚಿತ್ತಿ ಬತ್ತಲೆ ಸತ್ಯ ಪಾಡ್ಡನೊಲೆಡ್ ಉಂಡು, ಅತ್ತಾಂದೆ ಆಣನ ಬಿರ್ದ್ ಬೀರೊನು ಪನ್ನಿನಂಚಿನ ಸತ್ಯ ಧರ್ಮೊನು ತೆರಿಪಾವುನಂಚಿನ ಕೋಟಿ ಚೆನ್ನಯ, ದೇವುಪೂಂಜೆ ಇಂಚಿತ್ತಿ ಪಾಡ್ಡನೊಳು ತುಳುನಾಡ್‌ ಶ್ರೀಮಂತ ಸಂಸ್ಕೃತಿನ್ ಚಾರಿತ್ರ್ಯದ ಮೈಮೆನ್ ತೋಜಾವುನವು ಈ ಪಾದ್ದನೊಲೆನ್ ನಮ ತೆರಿಯೊಂದು ಪೋಯಂದಾಂಡ ತುಳು ಬದ್‌ಕ್‌ ತೆರಿಲೆಕ ಆಪುಂಡು. 28ಸ್