ಪುಟ:ತುಳು ಪಾಡ್ದನೊಲು.pdf/೨೮

ಮಾಯೊಗು ಸೇರ್ ಭೂತೊಲು ಆಪೆರ್. ಆಣೆ ಕಲ್ಕುಡಗ್ ಆಯಿನ ಅನ್ಯಾಯೊನು ಬೂಟರೆ ಬೋಡಾದ್ ತಂಗಡಿ ಕಲ್ಲುರ್ಟಿ ಜೋಗೋಡು ಆವಂದಿನೆನ್ ಮಾಯೊಡು ಸಂದಾನ ಪಂಡ್‌ದ್‌ ವಾಕ್ ದೆತೊನುವೊಲು, ಮುಲ್ಪ ಪೊಣ್ಣು ಆಣಗ್ ಬೆರಿಸಾಯ ಆದ್ ಇತ್ತಿನನ್ ಪನೊಂದುಂಡು. ಉಂದು ಪಾಡ್ಡನದ ಸತ್ಯ. ಅವು ಅತ್ತಂದೆ ತಗೆ ತಂಗಡಿನ ಎತೆ ಕತೆನ್ ಪನ್ನಿನ ಕೋಡ್ಡಬ್ಬು ತನ್ನಿಮಾನಿಗ ಪಾಡ್ಡನೊಡು ಪೊಣ್ಣು ತಾನ್ ಮೈಲೆ ಅವಂದಿಲೆಕ ಆಣನ್ ತಾಂಗ್‌ದ್ ಒರಿಪರೆ ಬೋಡಾದ್ ಪುಣೆವುನೆನ್ ತೂವೂಲಿ, ಕೋಡ್ಲಬ್ಬುನ ಅಪ್ಪೆ ಕಚೂರ ಮಾಲ್ಲಿ ಪೊಣ್ಣು ಪೋದು ಪೊಂಜೊವು ಆಪಿನ ಕಾಲೊಡು ದೈವದ ಪ್ರಸಾದ ತಿಂದಿನೇ ಗರ್ಭ ದಿಂಜಿದ್ ಬರುಂಡುಗೆ, ಊರ ಜನಮಾನದ ಕೋಂಗಿ ಕೋರೆನ್ ತಪ್ಪಾವರ ಬೋಡಾದ್ ತಾನ್ ತುಂಬುದಿನವು ಸತ್ಯದ ಬಂಜಿ ಪನ್ನಿನೆನ್ ಲೊಕೋಗು ತೆರಿಪಾವರೆ ಬೋಡಾದ್ ಸತ್ಯ ಪಿರ್ಮಾಣೆಗು ತನನ್ ಒಡ್ಡಾದ್ ಗೆಂದುವೊಲು, ಸತ್ಯದ ಬಾಲೆ ಮಗೆ ಕೋರಬ್ಬು ತನ್ನ ಬಿರ್ದ್‌ನ್ ಮೆರೆಪಾವೊಂದುಪ್ಪುನಗ ಕಿಚ್ಚಿ ಮಚ್ಚರದ ಮೋಸದ ಉಸ್ಟೆಲ್‌ಗ್ ಬೂರುದು ಕೋರಿ ಆದ್ ಕೆಲೆತೊಂದುಪ್ಪುನಗ, ತನ್ನಿಮಾನಿಗ ಪನ್ನಿನ ಮುಂಡಲ್ಲ ಮಗಲ್ ತನ್ನ ಗೆಜ್ಜೆಡ್ ಗೀರ್‌ದ್ ಮುಚಿದಿ ಕಲ್ಡ್ ಲಕ್ಕಾದ್ ತಾನ್ ತುತ್ತಿ ಸೀಡೇ ದರ್ಪುವೊಲು, ತಗೇಂದ್ ತರ್ಕುವೊಲು, ಮುಲ್ಪ ಆಣ ಸಂತಾನೊಡ್ಡು ಆವಂದಿನಂಚಿನ ಒಂಜಿ ಇಚಿತ್ರದ ಕೆಲಸೊನು ಪೊಣ್ಣು ಮಲು ಪನ್ನಿನ ಸಮ್ಮೋನು ಪಾಡ್ಡನ ಪನೊಂದುಂಡು. فت ಯೇರಾಯಿನಕುಲು ಪೊಣ್ಣಾಯಿನನ್ ಅರ್ತಿ ಪಿರ್ತಿಡ್ ಬಾಮಿದ್ ಬಮ್ಮನಿದ್ ತಾಂಗೊಂಡೆರಾ ಅಕಲೆಡ ಅಲೆಗ್ ತೊರಿಪು ದೊಂಕು ಬೇನೆ ಆವೊಂದಿತ್ತ್ಂಡ್‌ಂದ್ ಪನ್ನಿನ ನನಲಾ ಕೆಲವು ಪಾಡ್ಡನೊಲೆನ್ ಗಿತ್ತ್ದ್ ತೂವೊಲಿ. ಉಡಲ್ ದಿಂಜಿದ್ ಕಣ್ಣಿನಿಲೆ ತೂವೊಡಾಯಿನ ಪೊಣ್ಣ ಪೊರ್ಲುದ ಬೆಪ್ಪು ಲೆಪ್ಪುಗು ಮರ್ಲಾನ್ ತಮ್ಮಲೆ ಮೈಲೆ ಆಪಿನ ಕತೆನ್ ಕೊಲ್ಲೂರ ಮೂಕಾಂಬಿ ಜೇವು ಪಾಡ್ಡನ ಪನ್ನುಡು. ಅಂಚೆನೇ ಜೈಲ ಬಂಗದಿ ನನ್ನ ಪಾಡನೊಡು ತಾನ್ ಮೋಕೆಡ್ 26