ಪುಟ:ತುಳು ಪಾಡ್ದನೊಲು.pdf/೨೭

ಯೇರಾದುವು? ಮಾಯಕದ ಲೋಕೊಡು ಪಗೆ ಬೂಟುನಂಚಿನ ವಾಕ್‌ನ ಅಲ್ ದಾಯೆ ದೆಂತೊಂಡೊಲು? ಅಲೆಗ್ ಆತಿನಂಚಿನ ಅನ್ಯಾಯಾಂಡಲಾ ದಾದ? ಪನ್ನಿನಕ್ ಕೆಲವು ಪಾಡನೊಲೆನೇ ಉಧರ್ಮ ಆದ್ ದೆತೊಂದು ಮದಿಪೊಡಾಪುಂಡು. ತುಳುನಾಡ್‌ ಜನಪದ ಮಹಾಕಾವೊಲೆನ ಸಾಲ್‌ಗ್ ಸೇರುನ ಪೊಣ್ಣೆ ಗುರ್ಕಾರ್ದಿಯಾದ್ ಬಸ್ಸಿನ ಒಂಜಿ ಪಾಡ್ಡನಾಂದ್ ಪಂಡ ಸತ್ಯನಾಪುರದ ಸಿರಿನ ಪಾಡ್ಡನ. ಪಿರಾಕ್‌ದ ಪೊಣ್ಣನ ಮಡಿ ಚರಿತ್ರೆನ್ ತೋಜಾವುನ, ಮಾಯಾಲೋಕದ ಆಯೊನು ದೆತೊಂದಿನ ಅಪ್ಪೆ ಬಂಜಿಡ್ ಪುಟ್ಟಂದಿ ಸಿರಿ ಒಂಜಿ ಶಕ್ತಿ ಪನನ್ ತೋಜಾವುಂಡು. ಕೈಪತ್ತಿನ ಕಂಡನೆ ವಾ ರಕ್ಕಸ ಬುದ್ಧಿದಾಯೆ ಆಂಡಲಾ ಆಯೆನೇ ಎನ್ನ ಪಾಲ್‌ ದೇವ‌ ಪನ್ನಿಂಚಿತ್ತಿನ ಆ ಕಾಲೊಡು ಊರ ಪೊಣ್ಣನ ಮಿತ್ತ್ ಆಸೆ ದೀದ್ ಪಸು ಬುದ್ದಿ ತೋಜಾಯಿನ ತನ್ನ ಕಂಡನ್ಯಾನ್ ಬುಡ್ಡು ಇಲ್ಲ ಮುಟ್ಟಿ ಕಲ್ ಜತ್ತ್ ಪೋಪೋಲು, ತಾನ್ ಬಯಕಿನಾಯನ್ ಕೈ ಪತ್ತುವೊಲು, ಸಂಸಾರ ಮಾನುವೊಲು, ಪೊಣ್ಣಾಯಿನಾಲ್ ತನ್ನ ಸಂತೇಸಿನ್ ಬುಲೆಪಾವರೆ ಬೋಡಾದ್ ತಿಗಲೆಕೊರ್ದು ಪೊರುಂಬುನೆನ್ ಈ ಪಾಡ್ಡನೊಡು ತೂವೊಲಿ. ಇನಿತ್ತ ಈ ಕಾಲೊಡುಲಾ ಕಂಡನಗ್ ಬರ ಪನ, ಕಂಡನ್ಯನ್ ಬುಡ್ಡಿನ, ಡೈವರ್ಸ್ ಕೊಬ್ಬಿನ ಈ ಪದೊಕ್ಕುಲು ನಂಕ್ ಒಂಜಿ ರೀತಿಡ್ ಮೈ ಕೊಕ್ಕೆರುನ ಪೋಡಿಗದ, ಸಮಾಜ ದ್ರೋಹದ ಸಂಗಲಾದ್ ತೋಜುಂಡು. ಅಂಚಿತ್ತಿನಲ್ಪ ಆನಿದ 'ಸಿರಿ' ಕೊರಿನ ಕಂಡನನ್ ಬುಡ್ತಿನ, ಬರ ಪಂತಿನ ಅವು ತುಳುನಾಡ್‌ ಮಾತ್ರ ಅತ್ತ್. ನಮ್ಮ ಬದ್‌ಕ್‌ ನಡುತ್ತ ಸುರುತ್ತ ಡೈವರ್ಸ್ ಪಂಡಲಾ ತಪ್ಪಾವಂದ್, ಈ ಕತೆ ಪಾಡ್ಡನೊಡುಂಡು. ಅಂಚೆನೇ ಕಲ್ತ್‌ ಕುಟ್ಟಿನ ಒರಿಯನ ಪೋಕಲದ ಕತೆನ್ ಪನ್ನಿನವು, ಕುಟುಮದ ದುರಂತದ ಕತೆನ್ ಪನ್ನಿನವು ಕಲ್ಕುಡ ಕಲ್ಲುರ್ಟಿ ಪಾಡ್ಡನ. ಮೂಲು ಸತ್ಯಮ್ಮ ಬೊಕ್ಕ ಬೀರು ಅಚ್ಚವೆ ಪನ್ನಿನ ತಗೆ ತಂಗಡಿಲು ಅಡ್ಡಗಾಯೊಡು ಸೈತ್‌ ಜೋಗ ಬುಡ್ಡು 25