ಪುಟ:ತುಳು ಪಾಡ್ದನೊಲು.pdf/೨೬

ತಮೆರಿ ಮೀರಿ ಪೊಣ್ಣುಂದು ಪಂಡ್‌ದ್ ಪುಣೆದಾಂತಿ ಕಂಡದ ಲೆಕ್ಕಾಂದ್ ಪಂಡೆರ್, ತೊಟ್ಟರೆ ಆವಂದೆ ಪೋನಗ ಮುಟ್ಟರೆನೇ ಆವಂದಿನ ಮುಂಡೆ ಆದ್ ಪೋಯೆಲಾಲ್ ಉಂದು ನಮ್ಮ ಪಿರಾಕ್‌ದ ತೆರಿದಿನ ಜನಮಾನಿಲು ನಮ್ಮ ಅಪ್ಪೆ ಪೊಣ್ಣಗ್ ಕೊರಿನ ಮತ್ಯಾದಿ ಅತ್ತೇ? ಅಲೆಗ್ ಬೇನೆ ಬೆಸ‌ ಇಜ್ಜಿ. ಅಂಕ ಆಯನದ ಅಂಗಲಪ್ಪು ಇಜ್ಜಿ. ಕಡೆ ಕಣ್ಣಿಡ್ ಕೊಡಿ ದುಃಖ ದೆತ್ತೊಂದು ದಿಕ್ಕಿದ ಕೋಡಿಡ್ ಕುಲುದು ದುಃಖ್ಯುನನೇ ಅಲೆನ ದಿಂಜೆಲ್ ಬದ್‌ಕ್‌ಂದ್ ಎನ್ನಿಯೆರ್ ಅತ್ತಂದೆ ಪೊಣ್ಣು ಪಂಡ ದಾದಂಡ್ ತೆರಿಯಂದನೇ ಪೋಯೆರ್. ಇಂಚಿತ್ತಿನ ಅನ್ಯಾಯ ಪೊಣ್ಣಗ್ ದಾಯೆ ಆಂಡ್? ಅಲೆಗ್‌ಲಾ ಬೊಡಿ ಬೆಕ್ಕಾಸ್ ಉಂಡು, ಯಾನ್‌ಲಾ ಒಂಜಿ ನರಮಾನ್ಯಲೆಕ ಬದ್‌ಕೊಡು ಪನ್ನಿನ ಮನಸ್ಸದ ಅಂಗಮ ಉಂಡು, ಪನನ್ ದಾಯೆ ತೆರಿಯೊನುಜೆ‌? ಪಂಡ ಉಡಲ್ಸ್ ಕಿಚ್ಚಿ ಮಚ್ಚರದ ಉಚ್ಚು ಜಿಡೆದೆದ್ ಸುಯಿಂತೊಂದು ಇತ್ತಿನ, ಅಲೆನ ಬೆರಿಮುಲ್ಲುನು ಮಣ್ಣಿಗ್ ಊಂದರೆನೇ ಕಾತೊಂದಿತ್ತಿನ ಮೀಸೆ ತುಂಬೊಂದಿನ ಬಾಸೆ ತೆರಿದಿನ ಜನೊಕುಲು ಆಲ್ ಪೊಣ್ಣಾದೇ ಉಪೊಡುಂದು ದಗೆ ಮರ್. ಅಂಚಾಯಿನೆಟ್ಟಾತ್ರ ಆಲ್ನ ನಿಜರೂಪ ಮದೆ ಆದೇ ಒರೀಂಡ್. ಇಂಚ ದೆಂಗ್ ತತ್ಪದಿನ ಪೊಣ್ಣ ನಡಕದ ಗುಟ್ಟು ದಾದಂದ್ ತೆರಿಯೊಡಾಂಡ ಅಪ್ಪೆ ಮಣ್ಣಿದ ಉಡಲ ಒಸರಾದುಪ್ಪುನ ಜನಪದ ಪಾಡನೊಲೆನ್ ಒಕ್ಕುದು ತೂವೊಡಾಪುಂಡು. ಪೊಣ್ಣ ಜನ್ಮದ ಬೇನೆ ಬೆಸರ್‌ದ ಕೆಸ‌ ದಿಂಜಿದಿನ ಬದ್‌ಕ್‌ನ್ ಪನ್ನಿನ ಈ ಪಾಡನೊಲು ಪಂತಿನ ಬತ್ತಲೆ ಸಮ್ಮೋನು ಇದಮುಟ್ಟ ಯೇರಾ ಪಂಡ್‌ಜೆರ್. ಈ ಜನಪದ ಬದ್‌ಕ್‌ ಉಲಯಿ ಆಲ್ ಬಜೀ ಕಾಜಿ ದೀಪಿನ, ಸೀರೆ ನೆರಿ ಆಡಾವುನ ಮೇಲದ ಪೊಣ್ಣಾದ್ ಇಜೈಲು, ತಂಕದರ್ಪುದ ಸುರ್ಪೊನು ಮಾಯಕದ ಅಂಕದ ಕಲಬ್ ತೋಜಾವುನ ಬಿಂಕದ ಕಣ್ಣಾದ್ ತೋಜುವೊಲು, ಮೂಲು ತೂನಗ ತೋಜುಂಡು ಇರೆ ಮದೆ ಕಾಯಿ ಆದ್ ಇತ್ತಿನ ಪಗೆತ ಪುಗೆ. ಪೊಣ್ಣನ ಪಗೆನಕುಲು 24