ಪುಟ:ತುಳು ಪಾಡ್ದನೊಲು.pdf/೨೩

ಪಾಡ್ನನದ ನನೊಂಜಿ ಎಗ್ಗೆ ಲೋಕೊಗು ಸಂಬಂಧ ಪಟಿನ ಪಾಡನೊಲು. ಮುಲ್ಪ ದೈವ ದೇವೆರೆನ ವಿಷಯ ಬತ್ತ್ಂಡಲಾ ಅಲ್ಪ ಭಯ ಭಕ್ತಿದ ವಿಷಯ ಇಜ್ಜಿ. ಉಂದೊಂಜಿ ಸಾಮಾನ್ಯ ಕತೆತ್ತ ಲೆಕ್ಕ ತೋಜುಂಡು. ಉದರ್ಮೆಗ್ ಅಮೃತ ಸೋಮೇಶ್ವರರ್ ಪಾಡ್ಡನ ಸಂಪುಟೊಡು ವಂತಿಲೆಕ ಪರತಿ ಮಂಗಣೆ, ಒನ್ನಮ್ಮ ಜೇಪು, ಇಂದುಲ್ಲ ಮಾಣಿಗ, ಬಾಲೆ ದುಗ್ಗಮ್ಮ, ಬಾಲೆ ತಂಗಡಿ, ಇಂಚಿತ್ತಿನವು. ಅಂಚಂದ್ ದೇವುಪೂಂಜೆ, ಸಿರಿ, ಕೋಟಿಚೆನ್ನಯ ಮೊಕುಲು ನರಮಾನಿಲು ಆದಿತ್ತೆರ್‌ಡಲಾ ಅಕಲ್ಪ ಪಾಕ್ಷನೊಲು ಲೌಕಿಕ ಅತ್ತೆ, ದಾಯೆ ಪಂಡ ಅಕುಲು ದುರಂತ ಮರಣೋನು ಪಡೆದ್ ದೈವಿಕ ಶಕ್ತಿಲು ಆದ್ ಆರಾಧನೆ ಪಡೆತಿನಕುಲು. ಒಟ್ಟಾರೆ ಆದ್ ತೂವೊಂದು ಪೋಂಡ ಪಾನೊಲೆಡ್ ತುಳುನಾಡ್‌ದ ಸಂಸ್ಕೃತಿ ಉಂಡು. ದುಂಬುದ ಜನೊಕುಲು ಎಂಚ ಬದ್‌ಕ್‌‌ ಅಕಲ್ಪ ಜೀವನ ಮೌಲ್ಯ ದಾದ? ನಂಬಿಕೆ, ವೇಷ ಭೂಷಣ, ಒಣಸ್ ತಿನಸ್, ಮರ್ದ್ ಮಾಯ್, ಆಟ ಕೂಟ, ಇಲ್ ಬದ್ಕ್, ಕುಟುಮ ಸಂತಾನ, ತೆಲಿಕೆ ನಲಿಕೆ ಎಂಚ ಇತ್ತ್ಂಡ್ ಪನ್ಸಿನನ್ ತೆರಿಪಾವಂದ್ ಮಾತ್ರ ಅತ್ತಂದೆ ತುಳುನಾಡ್‌ಡ್ ಇತ್ತಿನ ವರ್ಗ ಸಂರ್ಘಷ್ರದ ಕತೆಲಾ ಪಾಡ್ಡನೊಲೆಡ್ ತೆರಿಪುಂಡು, ಭಾಷೆದ ಪೊರ್ಲುನು ತೂವೊಡಾಂಡ ಪಾಡ್ಡನೊಲೆಡೇ ತೂವೊಡಾವುಂಡು, ಜಾತಿ ಸಂಘರ್ಷ, ಶೋಷಣೆ, ಅತ್ಯಾಚಾರ ಈ ಚಿತ್ರದೊಲು ಪಾಕ್ಷನೊಲೆಡ್ ಬೋಡುತ್ತಿನಾತ್ ಉಂಡು. ಒಂಜಿ ದೃಷ್ಟಿಡ್ ತೂಂಡ ಪಾಡ್ಡನೊಲು ಮಾನವಕುಲ ಶಾಸ್ತ್ರದ ಅಧ್ಯಯನದ ದೃಷ್ಟಿಡ್ ಮುಖ್ಯ ಆಕರ ಸಾಮಗ್ರಿ ಆದ್ ತೋಜುಂಡು, Parry Lordನ ಸಿದ್ಧಾಂತದ ಲೆಕ್ಕ (ಮೌಖಿಕ ಸೂತ್ರ ಸಿದ್ಧಾಂತ) ಪನ್ನುನುಂದಾಂಡ ತುಳು ಪಾಡನೊಳು ಬಾಯಿಪಾಠದ ಸೊತ್ತ, ಅವು ಸಂದರ್ಭ ಸಂದರ್ಬೋಡು ಪಾಡ್ಡನಕಾರ ಬದಲಾವಣೆ ಮಲ್ಲೊಂದು ಬೋಡಾತಿನೆನ್ ಮಾತ್ರ ಪಂಡೊಂದು ಪೋಪಿನ ವ್ಯಾಪ್ತಿ ಅಯಿಕ್ಕುಂಡು. ಅಂಚಾದ್ ಜನೊಕ್ಕು ಜನೊಕ್ಕು 21