ಪುಟ:ತುಳು ಪಾಡ್ದನೊಲು.pdf/೨೧

f ನಿಷೇಧಲಾ ಉಂಡು. ಕೆಲವು ಪಾಡ್ಡನೊಲು ಒಂಜಿ ಇರ್ಲ್ ಒಂಜಿ ಪಗೆಲ್ ಪಂಡಲಾ ಮುಗ್ಯಂದಿನ ಇತ್ತ್ಂಡ ಕೆಲವು ಕೆಲವೇ ಗಳಿಗೆ ಮುಗಿದರೆ ಆಪಿನಲಾ ಉಂಡು. ಬೊಕ್ಕೊಂಜಿ ವಿಶೇಷ ಪಂಡ ಬಿರ್ಸೆರೆಗ್ ಕತೆನ್ ಬುಲೆಪಾವರೆ ಒಯಿಪರೆ ಸಾಧ್ಯ ಆಪುಂಡು. ತುಳುನಾಡ್‌ಡ್ ದಿಂಜ ಜನ ವಿದ್ವಾಂಸರ್ ಪಾಡ್ಡನ ಸಂಗ್ರಹ ಮಲ್ಲೆರ್ ಆಂಡ ಒಟ್ಟುಗು ಯೇತ್ ಪಾಡ್ಡನ ತಿಕ್ಕುವ ಪನ್ನಿನ ಲೆಕ್ಕಚಾರ ಮಾತ್ರ ತಿಕ್ಕಂದ್, ಬೊಕ್ಕ ಕೆಲವು ದೈವೊಲೆನ ಪಾಡ್ಡನ ಬೇತೆ ಬೇತೆ ರೀತಿಡ್ ಪತ್ತೆಡ್ ಮತ್ತಾ ತಿಕ್ಕುಂಡು. ಬೇತೆ ಬೇತೆ ಜಾಗಲೆಡ್, ಬೇತೆ ಬೇತೆ ಪಾಡ್ಡನ ಕಲಾವಿದೆರೆಡ್ ಅವು ಬದಲಾವೊಂದೇ ಉಪ್ಪುಂಡು, ಉಂದು ಪಾಡ್ಡನ ಸಾಹಿತ್ಯದ, ಅಂಚೆನೇ ಮೌಖಿಕ ಸಾಹಿತ್ಯದ ಅನನ್ಯತೆಲಾ ಅಂದ್. ಸಂಶೋಧಕರ ಪ್ರಕಾರ ತುಳುನಾಡ್‌ಡ್ ನಾಲ್ಕೂದೆಡ್ ಲಾ ಎಚ್ಚ ದೈವೊಲು ಉಲ್ಲ. ಆಂಡ ಮಾತ ದೈವೊಲೆಗ್ ಪಾಡ್ಡನ ಉಪ್ಪುಂಡು ಪನೆರೆ ಆಪುಜಿ, ಬೊಕ್ಕ ತಿಕ್ಕುಜಿ, ಕೆಲವು ದೈವೊಲೆನ ಪುದರ್ ಬೇತೆ ಉಪ್ಪುಂಡು. ಆಂಡ ಪಾಡ್ಡನ ಒಂಜೇ ಆದುಂಡು. ಉದುರ್ಮೆಗ್ ಪೊಸಬೂತ, ಕಲ್ಲುರ್ಟಿ, ಸತ್ಯದೇವತೆ ಈ ದೈವೊಲೆನ ಮೂಲ ರೂಪ ಒಂಜೇ ಆಯಿನೆಟ್ಟಾತ್ರ ಪಾಡ್ಡನಲಾ ಒಂಜೇ ರೀತಿ ಉಪ್ಪುಂಡು. ೪. ಪಾಡ್ಡನದ ಕತಾ ಎಗ್ಗೆಲು : ಪಾಡ್ಡನದ ಕತೆಕ್‌ಲೆನ ಅವು ಕೊಬ್ಬಿನ ತಿರ್ಲ್‌ ದೃಷ್ಟಿಡ್ ಈ ರೀತಿಡ್ ಎಗ್ಗೆ ಬುಡ್ಡಾವೊಲಿ. ೧. ಪುರಾಣದ ವಿಷಯೊನು ಕೊರಿನ ಪಾಡನೊಲು ೨. ನರಮಾನಿ ದುರಂತ ಮರಣಗು ತಿಕ್‌ದ್ ದೈವೊಲಾತಿನ ಕತೆಕ್ಕುಲು. ೩. ಪ್ರಾಣಿಲು ದೈವೊಲಾತಿನ ಕತೆಕ್ಕುಲು. ೪. ಲೋಕದ ನರಮಾನಿಲೆಗ್ ಸಂದಿನ ಕತೆತ್ತ ಪಾಡ್ಡನೊಲು ೫. ಭೂತೊಲೆಗ್ ಸಂಬಂಧಪಟಿನ ಪಾಡನೊಲು. ಪುರಾಣದ ಕತೆಕ್‌ಲೆನ್ ಆಧಾರವಾದ್ ದೀವೊಂದು ರಚನೆ ಆತಿನ ಪಾಡ್ಡನೊಲೆನ್ ತೂಂಡ ರಾಮಾಯಣದ ಕತೆಕ್ಕುಲು, ಶಿವ ಪಾರ್ವತಿಯರ ಕತೆಕ್ಕುಲು 19