ಪುಟ:ತುಳು ಪಾಡ್ದನೊಲು.pdf/೨೦

ಇಡೀ ಕತೆನ್ ಪನ್ನಿನಾತ್ ಅಲ್ಪ ಪೊರ್ತು ಇಜ್ಜಿ. ಬೊಕ್ಕ ಕೇನರೆ ರಂಗಾಪಿನ ಕತೆತ್ತ ಭಾಗೊಲೆನ್ ಮಾತ್ರ ಪನೆಟ್ಟಾತ್ರ ಸಂಧಿಂದ್ ಪನ್ಸೆ‌, ಮೂಲು ಅಂಜೊವು ಸಂಧಿ ಪನ್ನಿನ ಕ್ರಮ ಇಜ್ಜಿ. ಪೊಂಜೊವು ಮಾತ್ರ. ಅವುಲಾ ಎಡ್ಡೆ ಕತೆ ತೆರೀದಿನ ಸೊರ ಇತ್ತಿನ ಒರಿ ಸುರು ಮಲ್ಲೊಲ್ಲ ಅಯಿಕ್ ಕುಡೊಂಜಿ ಪೊಂಜೊವು ಸೊರ ಕೊಟ್ರೆ ಬೋಡು. ಒರಿಯೇ ಪನೊಲಿ ಆಂಡ ಬೆಕ್ಕಸುಂಡು, ದೈವಾರಾಧನೆದಲ್ಪ ಅಂಜೊವುಲಾ ಪೊಂಜೊವುಲಾ ಸಂಧಿ ಪನ್ನಿನ ಕ್ರಮ ಉಂಡು. ನಟ್ಟಿದ ಕಂಡೊಡು ಪಂಡ ನೇಜಿ ದೆಪ್ಪುನಗ ದೈವದ ಪಾಡ್ಡನ ಪನ್ನುಜೆರ್ ಸಾಮಾನ್ಯವಾದ್ ಸಿರಿ ಸಂಧಿ, ಬಂಟೆರೆ ಸಂಧಿ, ಮುಂಡ್ಯಾಪು, ಮಂಜೊಟ್ಟಿ ಗೋಣ ಇಂಚಿತ್ತಿನ ಕತೆತ್ತ ತಿರ್ಲ್‌ ಪಾಡ್ಡನದ ಸಂದ್‌ಲೆನ್ ಪನ್ಸೆ‌. ನೇಜಿ ದೆಪ್ಪುನಗ ಮಾತ್ರ ಪಾಡ್ಡನ ಪನ್ನಿನ ಕ್ರಮ. ನಟ್ಟಿ ನಡ್ನಗ ಇಜ್ಜಿ, ಅಲ್ಪ ಓಬೇಲೆ ಪಾಡುವೆರ್, ಕಬಿತೆ ಪನ್ನೆರ್, ಉರಲ್ ಪಾಡುವೆರ್. ಮುಲ್ಪದ ಬೇಲೆದ ಲಯಲಾ ಬೇತೆನೇ ಆದುಪ್ಪುಂಡು, ನನೊಂಜಿ ಪಾಡ್ಡನ ಪನ್ನಿನ ಸಂದರ್ಭ ಮಧ್ಯೆದ ಪೊರ್ತುಡು ಆಣಗ್ ಅಪ್ರೌಡ ಪೊಣ್ಣಗ್ ಮದ್ಯದ ದುಮಿನಾನಿ ಮದಿರೆಂಗಿ ದೀಪಿನ ಕ್ರಮ ಉಂಡು. ಅಪಗ ರಡ್ ಜನ ಪೊಂಜೊವು ಪಾಡ್ಡನ ಪನ್ನಿನ ಕ್ರಮ ಉಂಡು. ಅಲ್ಪಲಾ ಕೆಲವು ರಂಗದ ಸಂದಿಲೆನ್ ಮಾತ್ರ ಪನ್ನೆರ್. ದುರಂತ ಕತೆ ಭಾಗೊಲೆನ್ ಈ ಪೊರ್ತುಡು ಪನ್ನಿನ ಕ್ರಮ ಇಜ್ಜಿ. ಅವು ಅತ್ತಾಂದೆ ಬೋಡುತ್ತಿನಾತ್ ಜನಮಾನಿ ಇಲ್ಲಡ್ ಉಪ್ಪುನಗ ದುಂಬುದ ಕಾಲೊಡು ಮನರಂಜನೆಗಾದ್ ಪುರ್ಸತ್‌ಡ್ ಪೊರ್ತು ಕರಿಪರೆಲಾ ಪಾಡ್ಡನ ಪನೊಂದಿತ್ತೆರ್, ರಾತ್ರೆದ ಪೊರ್ತುಡು ಒಣಸಾದ್ ಜೆಪ್ರೊಡ್ಡ ದುಂಬು, ಪಗೆಲ್ ಮದ್ದೆನದ ಒಣಸ್ ಆಯಿಬೊಕ್ಕ ಸಂಧಿಲೆನ್ ಪನೊಂದಿತ್ತೆರ್. ಕೆಲವು ಪಾಡ್ಡನೊಲೆನ್ ಮಾತ ಕಡೆಟ್ಸ್ ಪನರೆ ಬಲ್ಲಿ ಪನ್ನಿನ ನಂಬೊಲಿಗೆಲಾ ಉಂಡು, ಇಲ್ಲಡ್ ಬಂಜಿನ ಪೊಂಜೊವು ಉಪ್ಪುನಗ 'ಮುಂಡ್ಯಾಪು'ದಂಚಿನ ಪಾಕ್ಷನ ಪನರೆ ಬಲ್ಲಿ. ದಾಯೆ ಪಂಡ ಅವು ಬಂಜಿನ ಪೊಣ್ಣನ ದುರಂತೊನು ಪನ್ನುಂಡು. ಅಂಚೆನೇ ಎರ್ಲು ಕಂಡೊಡುಪ್ಪುನಗ ಎರ್ಲೆನ ದುರಂತೊನು ಪನ್ನಿನ 'ಮಂಜೊಟ್ಟಿಗೋಣ'ದಂಚಿನ ಪಾಡನ ಪನರೆ ಬಲ್ಲಿ. ಅತ್ತಾಂದ ದೈವೊಲೆನ ಪಾಡನೊಲೆನ್ ಮಾತ ಕಡೆಟ್ಸ್ ಪನರೆ ಬಲ್ಲಿ, ಪನ್ನಿನ ವಿಧಿ 1.8