ಪುಟ:ತುಳು ಪಾಡ್ದನೊಲು.pdf/೧೮

ಪೆರತ್ತನೆ ಮಲೆ‌, ಪೆರತ್ತನ ಪನ್ನಿನವು ತನ್ನ ಎಷ್ಟೊನು ಬುಡ್ಡು ಬೇತೆನೇ ಒಂಜಿ ಅಲೌಕಿಕ ಪ್ರಜ್ಞೆನ್ ಪುಟ್ಟಾವುನಂಚಿನ ದೃಷ್ಟಿ, ಅವೆನ್ ಭಕ್ತಿ ಪಂಡ್‌ದ್ ಪನೊಲಿ, ಮಾಯಂದ್ ಪನೊಲಿ, ಎಚ್ಚೆಂದ್ ಪನೊಲಿ. ಈ ಪೊರ್ತುಡು ಬತ್ತಿನ ಪದನೇ ಅವು ಪಾಡ್ಡನದ ರೂಪ ಆಂಡ್. ವಿದ್ವಾಂಸೆರ್ ಪಂತಿನ ಪಾಡನ ಶಬ್ದಾರ್ಥದ ವಿಚಾರಲಾ ಅಂಚನೇ ತೋಜುಂಡು. 2. ಪಾಡ್ಡನ ಪದಮೂಲ :- ತುಳುತ್ತ ಹಿರಿಯ ವಿದ್ವಾಂಸೆರಾಯಿನ ಪ್ರೊ. ಅಮೃತ ಸೋಮೇಶ್ವರ‌ ಸಂಪೊನ, ಹಂಪೆದ ಕನ್ನಡ ವಿಶ್ವವಿದ್ಯಾಲಯ ಬೊಲ್ಪುಗು ಕನತಿನ 'ತುಳು ಪಾಡ್ಡನ ಸಂಪುಟ' ಪಾಡ್ಡನದ ವಿಷಯೊಡು ಬೈದಿನ ಮಲ್ಲ ಪುರಿಗೊಂಚಿಲ್. ಅಯಿಟ್ಸ್ ಪ್ರಸ್ತಾವನೆದ ಭಾಗೊಡು ಅಮೃತ ಸೋಮೇಶ್ವರ‌ ಬೇತೆ ಬೇತೆ ವಿದ್ವಾಂಸರ ಅಭಿಪ್ರಾಯೊನು ದೀವೊಂದು ಪಾಡ್ಡನದ ಮೂಲ ಪನ್ನೆರ್. ಡಾ. ಬಿ. ಎ. ಸಾಲೆತ್ತೂರ್‌ನ ಪ್ರಕಾರ 'ಪಾಡ್ಡನ' ಪನ್ನಿನ ಶಬ್ದ 'ಹಾಡು' ಪನ್ನಿನ ಅರ್ಥದ ದ್ರಾವಿಡ ಶಬ್ದದ 'ಪಾಟ್' ಪಲೆಕ್ಕ ಉಂಡು ಪನ್ನೆರ್. ಡಾ. ಗುರುರಾಜ ಭಟ್ರೋಲಾ ಪಾಡನ ಪಂಡ ಪ್ರಾರ್ಥನೆಂದೇ ಪನ್ನೆರ್, ಡಾ. ಬಿ. ಎ. ವಿವೇಕ ರೈಕುಲು 'ಹಾಡು' ಪನ್ನಿನ ಅರ್ಥ ಕೊಬ್ಬಿನ 'ಪಾಟ್' ಪನ್ನಿನ ಧಾತುಡ್ಡು ಬೈದ್‌ಂಡ್ ಪನ್ಸೆ‌, ವಿದೇಶೀ ವಿದ್ವಾಂಸೆರಾಯಿನ ಪೀಟರ್ ಜೆ. ಕ್ಲಾಸ್‌ನ ಪ್ರಕಾರಲಾ ಪಾಟ್ ಪಾಡ್ ಆತ್‌ಂಡ್. ಆಂಡ ಪ್ರೊ. ಅಮೃತ ಸೋಮೇಶ್ವರ‌ ತನ್ನ ತುಳು ಪಾಡ್ಡನ ಸಂಪುಟದ ಪ್ರಸ್ತಾವನೆಡ್ ಪೊರ್ಲುಡು ಚರ್ಚೆ ಮಲ್ಲೆರ್. ಅಯಿತ ಪ್ರಕಾರ ಪಾಡ್ ಪಾಟ್ ಆಪಿನ ತುಳುಟ್ಟು ಸರಿತೋಜುಜಿ, ತುಳುಟ್ಟು ಪಾಡ್ ಪಂಡ ತಿರ್ ಪಾಡುನು. ಕನ್ನಡದ ಹಾಡು ಪಾಡ್ ಅವರೆ ಸಾಧ್ಯ ಇಜ್ಜಿ, ಹಾಡುಗು ತುಳುಟ್ಟು 'ಪದ ಪನಿ' ಪಂಡ್‌ದೇ ಪನ್ಸರ್. ಅಂಚಾದ್ ಪಾಡ್ ಪನ್ನಿ ಧಾತುಗು 'ತನ' ಪ್ರತ್ಯಯ ಸೇರುವ ಅಗತ್ಯ ಇಜ್ಜಿ, ಪಾಡ್ಡನದ ವಿಚಾರೊಗು ಆರ್ ದೈವಾರಾಧನೆದ ಉದರ್ಮ ಕೊ‌ರ್. ದೈವಾರಾಧನೆ ತುಳುನಾಡ್‌ಾತೇ ಕೇರಳೊಡುಲಾ ಪ್ರಚಾರೊಡು ಉಂಡು. ಅಲ್ಪದ ದೈವೊಲೆಗ್ 16