ಪುಟ:ತುಳು ಪಾಡ್ದನೊಲು.pdf/೧೭

೨.ಪಾಡ್ನನ ಪಂಡ ದಾದ ? :- ನರಮಾನಿ ಪುಟುನಗನೇ ಪಾತೆರೆ ಕಲ್ಸ್‌ ಜೆ. ನಾಗರೀಕತೆ ಮೂಲೊಡು ಪಸುಬುದ್ದಿ ಬುಡ್ಡು ನರಬುದ್ಧಿ ಕಲ್ಲೊಂದು ಬನ್ನಗ ಕೈಬಾಸೆ, ಕಣ್‌ಬಾಸೆ, ತರೆಬಾಸೆ, ಕುರುಬಾಸೆ, ಮುರುಬಾಸೆ, ಪುರುಬಾಸೆ ಬೊಕ್ಕ ಬಡು ಬಾಸೆಡ್ ಪಾತೆರೊಂದು ಉಡಲ್ಲ ಸೊರೊಕ್ಕು ಬಾಯಿಡ್ ದನಿಕೊರಿಯೆ ಕೂಕುಳುಡ್ಡು ಸುರುವಾದ್ ಬತ್ತಿನ ಬಾಯಿಬಾಸೆ ನಾಲಾಯಿ ಮಗ್‌ರನಗ ಲಕ್ಷ್ಮೀ ಬಿಮ್ಮದ ಎಸ್ಎಲ್‌ ಉಲಯಿ ತಿರ್‌ಗ್‌ಂಡ್, ದೊಂಡೆ, ಪರುವಂಡೆ, ನಿಜ್ಜಿ, ಕಿನ್ನಿನಾಲಾಯಿ ಅಗ್ರದ ಪೊಟ್ಟೆಡ್ ಮ‌ರ್‌ಂಡ್, ತರ್‌ಗ್‌ಂಡ್ ಅಪ್ಪೆ ಅಮ್ಮನ ಒರುವಾಂಡ್ ಪೊಟ್ಟ ಬಾಸೆಗ್ ವ ಬತ್ತ್ಂಡ್, ಬಾಸೆ ಪುಟುಂಡು, ಬಡವು ಬಾಜೆಲ್ ಆನಗ ಬೇರೆ ಬೆಸ್ರರ್ ಬನ್ನಗ, ತೆಲಿಕೆ ನಲಿಕೆ ನುಗುರಗ ಬಾಯಿಡ್ ಸೊರ ಕೊರಿಯೆ, ಭೂಮಿದ ವಾ ಜಾಗೆಡ್ ಎಂಚ ತೆಲಿತೆ ಎಂಚ ಬುಲಿತೆ ಅಂಚ ಸೊರ ಮಗ್‌ರಂಚ ಬೇತೆ ಬೇತೆ ಒರುಟ್ಟು ಬಾಸೆ ಪುಟುಂಡು. ಬುಲೇಂಡ್, ಅಂಚ ಪುಟಿನ ಬಾಸೆಲೆಡ್ ತುಳು ಬಾಸೆಲಾ ಒಂಜಿ. ಇನೆತ್ತ ದಕ್ಷಿಣ ಕನ್ನಡ ಜಿಲ್ಲೆ ಪಂಡ್‌ದ್‌ ಲೆಪ್ಪುನ ಮಂಗಳೂರು, ಉಡುಪಿ, ಬಂಟವಾಳ, ಕಾರ್ಕಳ, ಪುತ್ತೂರು, ಬೆಳ್ತಂಗಡಿ, ಸುಳ್ಯ, ಅಂಚೆನೇ ಕಾಸರಗೋಡು ತಾಲೂಕುದ ಕೆಲವು ಪ್ರದೇಶಲು ತುಳು ನಾಡ್‌ಗ್ ಸೇರುಂಡು, ಈ ಪ್ರದೇಶೂಲೆಡ್ ಅಪ್ಪೆ ಬಾಸೆ ತುಳು ವಾದಿತ್ತಿನ ಜನೊಕುಲು ಅತ್ತಾಂದೆ ಪರಬಾಸೆದ ಜನೊಕುಲ್ಲಾ ತುಳುಟ್ಟು ವ್ಯವಹಾರ ಮಲ್ಪುವೆರ್, ಸಾಹಿತ್ಯ ಬರೆತೆರ್, ತುಳು ಜನಪದ ಸಾಹಿತ್ಯದ ಪೊಲಬುನು ನಂಕ್ ಮಲ್ಲೆಡ್ ಮಿಲ್ ಕೊರಿನಾ‌ ಇತ್ತೆ ಮೈಸೂರು ಮುಕ್ತ ವಿಶ್ವವಿದ್ಯಾಲಯದ ಕುಲಪತಿ ಆದುಪ್ಪುನ ಪ್ರೊ. ಬಿ. ಎ. ವಿವೇಕ ರೈಕುಲು, ಅರೆನ ಸಂಶೋಧನಾ ಗ್ರಂಥ 'ತುಳು ಜಾನಪದ ಸಾಹಿತ್ಯ' ಪನ್ನಿನ ಬೂಕುನು ತೂಂಡ ತುಳು ಬಾಸೆ ಸಾಹಿತ್ಯದ ಪೊಲಬು ನಂಕಾಪುಂಡು. ರೈಕುಲು ತುಳು ಜನಪದ ಸಾಹಿತ್ಯದ ಮಾತ ಎಣ್ಣೆಲೆನ್ ಅಜೆತ್ ಕೊರೆರ್. ಅಯಿಟ್ ಪಾಡ್ಡನಾ ಒಂಜಿ. ಬೇಲೆದ ಪೊರ್ತುಡು ಬೆಸರ್ ಕರಿಪಾವರ, ಸಂತೋಸುದ ಪೊರ್ತುಡು ಪರ್ಚು ಪೊರ್ದಾವರೆ, ದೈವ ದೇವೆರೆನ್ ಸುಗಿಪುನ ಪೊರ್ತುಡು ಭಕ್ತಿಡ್ ಉಡಲ್ ದಿಂಜಾವರೆ 15