ಪುಟ:ತುಳು ಪಾಡ್ದನೊಲು.pdf/೧೪

ದಲ್ಯ ಪಾಡ್‌ಂಡ್ ನಾಲ್ ಕಮ್ಮ ಪೊಪ್ಟೆಂಡ್, ಜಾತಿ ಸಂಗತೆ‌ ಕೂಡು ಬಲಿ ಬರ್ಪುಡಿಯೆರ್, ಕುಲ್ಲಾದ್ ದೇಸೆ ಆಂಡ್ ದುಂಬು ಕೆಲೆಸಿ ದೇಸೆ ಅಂಡ್ ಬೊಕ್ಕ ಸಾಯನ ಬೈದ್ಯೆ, ಸಾಂಕಣದ ಅಪ್ಪೆ ಸಾಯನ ಬೈದ್ಯೆತಿ, ಪಾಡಿಯಲ್ ದತ್ತ ಕೆ ಪತ್‌ದ್ ಬಲತ್ತ ಕೆನ್ನಿ ಬೇಲೆ ಮತ್ತೆ ಬಲತ್ತ ಕೆನ್ನಿ ಪತ್ರ ದತ್ತ ಕೆನ್ನಿ ಬೇಲೆ ಬಂದೆ. ಪಿರವುಡು ಭೀಮಾರ್ಜುನ ಬೇಲೆ ಬೆಂದೆ. ಪಕಲೊಡು ಆರತಿ ಮುತ್ತುಡು ದೇಸೆ ಆಂಡ್. ಸುದ್ದ ಆಯರ್, ಬೊಟ್ಟುದ ಸರೊಲಿ, ಬೈಲ್‌ದ ಸಂಪು, ಉರ್ದುದ ಸಲಾಯಿ, ಪದೆಂಗಿದ ಕೋಡು, ಸೀಗೆ, ಬಾಗೆ, ಕೊಂಬಾಗೆ, ಕೋಡಾಗೆ ಸಾರ ಕಂದೆಲ್ ಬೆಂದ್ ಸಾರ ಕಂದೆಲ್ ಚಂಡಿ‌ ಸಂಪಾಯರ್, ಬೆನ್ನೀರ್ ಬೆಪ್ಪಾಯೆರ್.” ಇಂಚ ಮಹಾಕಾವ್ಯದ ಒರುಟ್ಟುತ್ತಿ ಪಾಡ್ಡನೊಲು ಬಾಸೆದ ಪೊರ್ಲುಡು ಮರ್ಲಾವುನಂಚೆನೇ ದಂಗ್‌ ಬದ್‌ಕ್‌ ಬಾಕಿಲ್ ಜತ್ತ ಕೂಕುಳು ಪಾಡಾವುಂಡು. ಅಂಚೆನೇ ಜಾತಿ ನೀತಿ, ಗುತ್ತು ಬರಿಕೆ, ಬರವು ಸರವು, ಅಂಕ ಆಯನ, ತಂಕ್ ದರ್ಪುದ ಅಂಕದ ಕಲ ಕತೆನ್ ಮಾಜಂದೆ ಪನ್ನುಂಡು. C ಇತ್ತೆದ ಕತೆ ಮಾತ್ರ ಅತ್ತ್ ಆಪಿನ ಪೋಪಿನ ತೂಪಿನ ಕತೆ ಅತ್ತಾಂದೆ. ವಾ ಸಾಹಿತ್ಯಡು ನಾಡ್‌ಂಡ ತಿಕ್ಕಂದಿನ ನರಮಾನ್ಯ ಸೊರ ಈ ಭೂಮಿಡ್ ಕೇನೊಡ್ಡ ದುಂಬು ಭೂಮಿನ್ ಉದಿಪನ ಮಲ್ಲಿನ ದೇವೆರ್ ಎಂಚ ಉದಿಯ ಬಂದರ್ ಪನ್ನಿನೆನ್ ನಮ ಪಂಜುರ್ಲಿ ಪಾಡ್ಡನೊಡು ತೂವೊಲಿ, “ಆ ಕಾಲೊಡು ಕೇನೊಡೆ ಮುಡಾಯ ಮುಟ್ಟು ಮುಗಾಲ್‌ಗ್ ಇಡೆ ಉದ್ಯ ಬೆನ್ನೆರ್ ನೇಮೋ, ಬೊಳುಗು ಸೂರ ದೇವೆರ್, ಪಡ್ಡಾಯಿ ರತ್ತ ಬಾನೊಡು ಓಲಗ ಆಪೆರ್, ಚಂದ್ರನಾರಾಯಣ ದೇವೆರ್, ಉದಿಪುಗು ಸೂರ್ಯ ಕಂತ್‌ ಚಂದ್ರೆ ತೆನ್‌ಕಾಯಿ ತೆಲಿಯೇಂದ್ರೆ ಬಡಕಾಯಿ ಬಾಲ್ಯನ ಕುಮಾರೆ, ನಾಲ್ಕಂದ ಲೋಕೊಡು ನಾಲ್‌ಗುಂಡ ದೇವರ್‌ ಮೂಜಿಂದ ಲೋಕೊಡು ಮೂಜಿತಾನ ಭೂತೊಲು ಕಲ್ಸ್‌ಡ್ ನಾಗೆ ಪುಂಚೊಡು ಸರ್ಪೆ ಸಾರಕಲ್ಲ ಅಸುರೆ‌, ದೇರ್‌ಕಲ್ಲ ಬೆರ್ಮೆರ್ ಉದಿಯ ಬೆಂದಿನ ಕಾಲೊಡು ಮಿತ್ತೆ ಅನ್ನಾವೊಲಿ ಪನ್ನಗ ಬಾನೊಡು ಜಂಬಿ ದಾರಗೆ ಉದಿತ್‌ಜಿ. ಸಿತ್ ಅನ್ನಾಮೊಲಿ ಪನ್ನಗ ಭೂಮಿಡ್ ಪುಲ್ಲು, ಕೊಡಿತ್ ಬಜಿ, ಅಪಗ ಪಂಡೆರ್ 12