ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಪಂಚಲೋಹದ ಕಾಜಿ, ಮಣಿತ ಕಂಠಿ, ಕುದ್ರೆಲಾಳದ ಕಾಜಿ, ಉಡುತ ಚರ್ಮದ ಕಾಜಿ, ಉಲ್ಕು ಇಂಚ ನಮುನೆ ನಮೂನೆದ ಕಾಜಿ-ಕಂಠಿಲೆನ್ ಪಾಡೊಂದಿತ್ತೆರ್. - ಆರ್ತ ವರ್ಗದಾಕ್ಲು - ಎಕ್ಕಂಬರೆ ಬಲ್ಲೆದ ನೂಲು, ಪಟ್ಟೆನೂಲುನ್ ಸೊಂಟೊಗು ಪಾಡೊಂದಿತ್ತೆರ್, ಕೆಕ್ಕಿಲ್ಡ್ ಬಣ್ಣ-ಬಣ್ಣದ ಮಣಿತ ಕಂಠಿ, ಆನೆದ ದಂತ, ಆನೆದ ಚವರಿ, ಪಿಲಿತ-ಕುದ್ರೆದ, ಉರೆತ ಉಗುರುದ ಅತ್ತಡ ಕೂಲಿದ ಪದಕುಲು, ಮನಿಕುಲು, ಕಂಟಿಲು, ಮುದಲೆ ಚರ್ಮದ, ಜಿಂಕದ ಕೊಂಬುಲೆಡ್ ಕಾಜಿ-ಕಂಠಿ ಮಲ್ತದ್ ಪಾಡೊಂದಿತ್ತೆರ್. ಕೆಲವು ಪಕ್ಕಿಲೆನ ತುಲ್ಲೆಡ್ ತರೆಕ್, ಕೆಕ್ಕಿಲೆಗ್ ಐತ ಮಲ್ಲೊಂದಿತ್ತೆರ್, ಕೆಲವು ಕಾಯಿ, ಪುರೊಲೆನ್ ನುಂಗಾದ್ ಮಾಲೆ ಪಾಡೊಂದಿತ್ತೆರ್್ರ, ಸಂಖ, ಚಿಪ್ಪು, ಪಾರಿದ ಮಾಲೆಡ್ ಐತ ಮಲ್ಲೊಂದಿತ್ತೆರ್, ಪೊನ್ನು ಜೋಕುಲೆಗ್ ಎಲ್ಲಿದೇ ಕೆಬಿ, ಮೂಂಕು ಕುತ್ತೊಂದಿತ್ತೆರ್. ನನ ಬಾಲುಲೆನ ತುತ್ತೈತಗ್ ಮಿತ್ತ ವರ್ಗದಾಕುಲು ಪರಿದ ಅಂಗಿ, ಗಂಜಿಪರಕ್, ಜಿಂಕದ ಚರ್ಮದ ಅಂಗಿ, ಟೊಪ್ಪಿ ಇಂಚ ಮಾತಾ ಬಲಸೊಂದಿತ್ತೆರ್. ಪಾಪದು ಪಾಳೆದ, ಚರ್ಮದ, ಮರತ ಚೂಲಿಡ್ ಬಾಲೆನ್ ಹೊಂದಿತ್ತೆರ್, ಎಚ್ಚಾದ್ ಅಕಲು ಬುದ್ಧಿ ತೆರಿನ ಮುಟ್ಟಗಲ ಬತ್ತಲೆಡೇ ತಿರೊಂದಿತ್ತೆರ್. ಬೊಕ್ಕ ಬೈರಾಸ್ಟ್ ಕೋಮನ ಪಾಡೊಂದಿತ್ತೆರ್. ಬಾಲುಲೆನ ಮೋನೆಗ್ ಮಂಜಲ್, ಚಂದನ, ಗಂಧೂನು ಅರೆತ್ ಪೂಜೊಂದಿತ್ತೆರ್. ಮುಂಡಗ್, ಕೆಪ್ಪಡೆಗ್, ಕುರುಬುಗು, ಕಣ್ಣಿಗೆ ಮೈತ ಬೊಟ್ಟ ಪಾಡೊಂದಿತ್ತೆರ್. ತಿರ ವರ್ಗದಾಕ್ಲು ಸೇಡಿದ ಮಣ್ಣಡ್ ಬಾಲುಲೆಗ್ ಐತ ಮತ್ತೊಂದಿತ್ತೆರ್. ಮುಂಡೊಗು, ಕೆಪ್ಪಡೆಗ್, ಕೈಕ್ ಗಿಡಮೂಲಿಕೆದ ರಸಟು ಹಚ್ಚೆ ಪಾಡೊಂದಿತ್ತೆರೆ. ಮೈ ಮಲ್ಪುನ ಕ್ರಮ
ಒಂಜಿ ತುಂಡು ಬೊಟ್ಟು ನಸೆತ ಕುಂಟುಗು ಏಲ್ ದಿನ ನಂದಿಬಟ್ಟಲ್ಲ ಪೂತ ರಸೊನ್ ಪುಂಟುದು ಏಲ್ ಸರಿ ನಿರೆ ನುಂಗಾವೊಡು. ಬೊಕ್ಕ ಆ ಕುಂಟುನ್ . ಪೊತ್ತಾದ್ ಐತ ಕರಿನ್ ಬೋನಾಯಿಡ್ ಸನ್ನ ಕಡೆದ ಕುಪ್ಪಿಗ್ ಪಾಡ್ ದೀವೊಂದಿತ್ತೆರ್. ಉಂದು ಕಣ್ಣಿಗೆ ಬಾರಿ ತಂಪುಗೆ, ನನೊಂಜಿ ನಮೂನೆಡ್ ಮೈ ಮಲ್ಪುನ ಕ್ರಮ ಇಂಚ ಉಂಡು, ಸೊನ್ನದೆನ್ನೆದ ಚಿಮಿನಿದ ಮಿತ್ತ್ ಒಂಜಿ ತಗಡ್ ದೀದ್, ಐತ ಕರಿಕ್ ಬೋನಾಯಿಡ್ ಬೊಕ್ಕ ಪಚ್ಚೆಕರ್ಪೂರದ ಒಟ್ಟುಗು ನನ್ನ ಕಡೆದ್, ಕರಂಡೆಡ್ ಪಾಡೊಂದಿತ್ತೆರೆ.
94
