ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಪಾಲಾಶಾದ ಬಿತ್ತ್ ನ್ ಲಿಂಬೆ ಪುಲಿತ ರಸಟ್ ತರೆತ್‌ದ್ ಪೂಜೊಡು. ಸುಡುಗಾಡ್‌ಡ್ ಬುಲೆಪಿನ ಉಮ್ಮತ್ತ (ದತ್ತೂರಿ) ಇರೆನ್ ಜೀರ್ದರಿದೊಟ್ಟುಗು ಅರೆತ ಬೆಚ್ಚ ಮಲ್ತದ್ ಪೂಜೊಡು. • ಸಮುದ್ರ ನಾಲಿಗೆನ್ ಲಿಂಬೆದ ರಸಟ್ ತರೆತ್‌ ಪೂಜುವೆರ್. ಬೂರ್ದ್ ಪೆಟ್ಟಾಂಡ:- ☐ ☐ ಗಾಯಗ್ ಮಂಜಲ್ಲ ಪೊಡಿನ್ ಬೆಚ್ಚ ಮಲ್ಕ್ ಪಾಡೊಡು. ಉಡತ ಮಾಂಸದೆಣ್ಣೆ ಪೂಜೊಡು. ಕಾಪಿ ಪೊಡಿ ಪಾಡ್‌ಂಡ ನೆತ್ತೆರ್ ಕಟ್ಟುಂಡು. ಕುಂಕುಮನ್ ಪಾಡೈರ್. ಈ ಸುನ್ನ ದೀಪೆರ್. ಮೂಂಕುದ ಪೊಡಿನ್ ಪಾಡುವೆರ್.
- ಉಪ್ಪುಡದ ಅರೆಪ್ಪುನ್ ಪಾಡುವೆರ್.
ದಾಸಮಿದ ಪೊಡಿನ್ ಎಣ್ಣೆಡ್ ಕೈತ್ ಪಾಡುವೆರ್. ಮಲ್ಲ ಗಡಿ ಆಂಡ ಅಯಿಕ್ ಪೂಜುನ ಮರ್ದನ್ ಮಲ್ಪುನ ಕ್ರಮ : ಕೊತ್ತಳಿಗೆದಡಿತ ಕಾಪು, ಕೆಂಪು ಕೇಪಳದ ಪೂ, ತಾರಾಯಿದ ತಿರ್ನಿರ್, ಮಂಜಲ್ ಕದಿಕೆದ ರಸನ್ ಎಣ್ಣೆಗ್ ಪಾಡ್ ಕಾಯಿತ್ ಆಜಾದ್ ಬತ್ತಿ ಬೊಕ್ಕ ಕುಪ್ಪಿಗ್ ಪಾಡ್ ದೀಂಡಾ ಬೇಗ ಗುಣ ಆಪುನ ಎಡ್ಡೆ ಮುಲಾಮು. ಈ ಮರ್ದ್ ನೆತ್ತೆರ್ ಕಟ್ಟುಂಡು. ರೆಶಿ ಆಪುಜ್ಜಿ, ನಂಜಿ ಆಪುಜ್ಜಿ, ಭಾರೀ ಎಡ್ಡೆ ಮರ್ದ್ ಪತ್ತ್ ಗೆಂದಾಲಿ ಬೊಂಡದ ನೀರ್ ಕಾಯ್ದ ನೈ ಮಲ್ತ್‌ದ್ ಪಾಡೊಡು. ಬಾಲೆದ ತರೆತ ಪೇನ್‌ಗ್: ಮೂಂಕುದ ಪೊಡಿನ್ ಎಣ್ಣೆಡ್ ಬೆಚ್ಚ ಮಲ್ತ್‌ದ್ ತರೆಕ್ ಪೂಜಿದ್ ಕಾಲ್ ಗಂಟೆಡ್ ಮೀಪಾವೊಡು. ☐ ಕುಂಟುಗ್ ಪಾಡುನ ಸಾಬೂನುದ ನುರೆನ್ ಕಾಲ್‌ಗಂಟೆ ತಿಕ್ಕದ ಬೊಕ್ಕ ಮೀಪಾವೊಡು. • ಕೈಬೇವುದ ಇರೆತ ಕಷಾಯಡ್ ಮೀಪಾವೊಡು. 88
