ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ರಾಗಿ, ಕುಪ್ಪೆ, ನವಧಾನ್ಯ, ಬಾದಾಮಿ, ಬೀಜ .. ನೆತ್ತ ಪೊಡಿ ಮಲ್ತ್‌ದ್ ಪೇರ್‌ಡ್ ಅತ್ತಡ ನೀ‌ಡ್ ಕೊದಿಪಾದ್ ಪರ್ಪಾಂಡ ಬಾಲೆಲು ಪುಡೆ ಪುಡೆ ಆಪಗೆ ಇಂಗ್, ಬೊಳ್ಳುಳ್ಳಿ, ಜೀರ್ದರಿ, ಓಮ, ಶುಂಠಿ, ಕಿತ್ತಲೆದ ಚೂಲಿ, ದಾಳಿಂಬ ಚೂಲಿ, ಉಂದೆನ್ ಪೊರ್ಲುಡು ನುಂಗಾದ್ ಪೊಡಿ ಮಲ್ಕ್ ದೀಯೊಡು, ಬಾಲೆದ ಬಂಜಿಬೇನೆಗ್ ಅತ್ತಡ ನಲೆಂಚಿ ಪೋನಗ ಅರ್ಧ ಚಮಚ ಪೊಡಿಕ್ ಮೂಜಿ ಚಮಚ ಕೊಜಪುಗ್, ರಸ್ಟ್ ಕಲ್ ಉಪ್ಪು ಪಾಡ್ ಕೊರುಂಡ ಎಡ್ಡೆ. ಮಂಜಲ್, ಒಲ್ಲೆಕೊಡಿ, ಚಕ್ರಾಣಿಕೆ, ಗರುಡಪಾತಾಳ, ಈಶ್ವರಬೇರ್, ನುಗ್ಗೆದ ಕೊಡಿನ್ ಕಡೆದಿನೆನ್ ಗುಲಿಗೆ ಮಲ್ತ್ ದೀಯೊಡು, ಬಾಲೆಲೆಗ್ ಕಟ್ಟೆಪಿಜಿನ್, ಕೊಂಬಚೇಳ್, ಪಿಲಿತುಡುವೆ, ತೊಡೆ ಉಂದು ಮಿನಿ ಅಗ್ಗಿಂಡ ಮಾತ್ರೆನ್ ಕೈಬೇವುದ ರಸಟ್ ತರೆತ್‌ ಅಪಗಪಗ ಪೂಜುಂಡ ವಿಷ ಪೋಪುಂಡು. - ಶ್ರೀಮತಿ ರತ್ನ ಪೂಜಾರ್ತಿ, 87 ವರ್ಷ, ಕಂಬಲ ತೋಟ, ಅಂಚೆ-ಕೆಮ್ಮಣ್ಣು, ಉಡುಪಿ. ಮೋಲ್ ಪದೆತಿ, ಬೊಕ್ಕ ಅಲೆನ ಅಪ್ಪೆನ ಅಮ್ಮೆರ್ ಮರ್ದ್ ಕೊರೊಂದಿತ್ತೆರ್‌ಗೆ.
- ಜೋಕ್ಲನ ಪಡ್ಡೆ ಸಂಕಡೊಗು (ಫಿಟ್ಸ್)
ಗುಡ್ಡೆದ ಒಂಜಿ ಬೇರ್‌ನ್ ಕನತ್‌ (ಪುದಾರ್ ಪನೆ ಬಲ್ಲಿ) ದಾನಿ ಎಣ್ಣೆಡ್ ತರೆತ್‌ ಕೊಟ್ಟೆ. ಬಂಗಿ ಇರೆತ ನೀರ್‌ಡ್ ಅತ್ತಡ ಬಂಗಿ ಒಯ್ಯುನ ಗುಡಿ ಗುಡಿಟ್ ದೀಪುನ ನೀರ್‌ಡ್ ಈ ಬೇರ್‌ನ್ ತರೆತ್‌ ಕೊರೊಂದಿತ್ತೆರ್. ಐವ ವರ್ಷದ ದುಂಬು ಕುಲ್ಲೊಂದು, ನೇಲೆ ಬಲ್ಲೆನ್ ಪತ್ತೇದ್ ಪೆದ್ದಾವುನ ಕ್ರಮ ಇತ್ತೆ ಇಜ್ಜಿ. ಇತ್ತೆ ಜೆತ್ತಿನಲ್ಪನೆ ಪೆದ್ದುನ ಅಭ್ಯಾಸ ಆತ್‌ಂಡ್, ಇತ್ತೆ ಇಲ್ಲಡ್ ಏರ್ ಪೆದ್ದುವೆ? ದುಂಬು ಒರ್ತಿಗ್ ಪೆದ್ದಾನಗ ಬಾಲೆದ ಬಲತ ಕಾರ್ ಊನ ಆಯಿನ ಬಾಲೆ ಜಲ್ಕಿತ್‌ಂಡ್. ಅದಗ ಆ ಪೊನ್ನನ ಕಂಡನೆನ ಸಂಬಂಧದ ಪೊನ್ನು ಬಾಲೆದ ಕಾರ್‌ನ್‌ ಕುಂಟುಡು ಕಂಡ ಸಮ ಆಪುಂಡು ಪಂಡಿನೈಕ್ ಇಲ್ಲದನ್ನು ಅಂಚನೆ ಮಲ್ಪುನಗ,ಬಾಲೆಗ್ ಸಂಕಟ (ಫಿಟ್ಸ್) ಬತ್ತದ್ ತೈಯರ ಪೋನಗ ಯಾನ್ ಅದಗನೆ ಕುಂಟುದ ಕಟ್ಟನ್ ಗಿತ್ತ ಪೊರ್ಲುಡು ತಿಕ್ಕಿಯೆ. ಐಡ್ ಬೊಕ್ಕ ಬಾಲೆದ ಫಿಟ್ಸ್ ಟಪ್ಪ ಉಂತುಂಡು, ಮಾತ್ರ ಕಾರ್ ಗುನ ಆತಜ್ಜಿ. 3 ಇತ್ತೆದಲ್ಲೆಗ್ ಕಾಸ್‌ದ ಬಲ ಉಂಡು. ಆಯಿನೈಡ್ ಸಾರ ಸಾರ ಖರ್ಚಾಂಡಲಾ ಸರಿ ಆಸ್ಪತ್ರೆಗ್ ಪೋವೆರ್. ವಂತೆ ಕಾಸ್ಟ ಮರ್‌ುಡ್ ಅಕ್ಷೆಗೆ ನಂಬಲಿಕೆ ಪೋತುಂಡುಂದು ಪಂಡೆರ್. 67
