ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೬೫

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಪುರುಬಾಲೆಲೆನ ಮರ್ದುಲು ದೇವೆರ್ ಈ ಪೊರ್ಲುದ ಭೂಮಿನ್ ಉಂಡುಮಲ್ಲುನಗ ಜನಮಾನಿನ್ ಐತ ಬಾಲೆಲಾದ್ ಸೃಷ್ಟಿ ಮತ್ತೆ‌. ಪ್ರಕೃತಿದ ಬಾಲೆ ಆಯಿನ ಜನಮಾನಿನ ಚರಿತ್ರೆ ದುಂಬುದಿಂಚಲಾ ತನ್ನ ಬದೈನ್ ನಡಪಾವೆರೆಗೆ ನಿಸರ್ಗದ ಮಾತಾ ಬುಲೆಚ್ಚಿಲ್‌ನ್ ಉಪಯೋಗ ಮಲ್ಲೊಂದು ಬೈದರ್, ಜನಮಾನಿನ ಬದ್‌ಗ್ ಬೋಡಾಯಿನ ಮಾತಾ ಉಡುಗೊರಲು ನಿಸರ್ಗದ ಕಾಣಿಕೆ, ಉಂದು ದೇವೆರ್ ಕೊರ್ತಿನ ವರ. ಜನಮಾನಿಗ್ ಸೀಕ್ ಬರಂದ ಮರಕ್ಕೆ ಬರ್ಪುಂಡಾಂದ್ ಒಂಜಿ ಗಾದೆದ ಪಾತೆರ ಉಂಡು, ಅಂಚನೆ ಜನಮಾನಿ ಪುಟ್ಟುನಗನೆ ಸೀಕ್‌ ಉಂಡಾತಿನವು ಸತ್ಯ, ಜನಮಾನಿಗ್ ಪುಟ್ಟುಸಾವು ಎಂಚನ ಅಂಚನೆ ಸೀಕ್‌. ಇತ್ತೆದ ಸೀಕುಲು ದುಂಬುಲಾ ಇಟ್ಕಂಡ್, ಜಿಂಜ ವರ್ಷ ಸ್ಪೀಕ್‌ಡ್ ಇತ್ತಂಡ ಅತ್ತಡ ಹಾರ್ಟ್‌ ಫೈಲ್ ಆಂಡ.. ಸನ್ನಿ ಬೂರುಂಡು, ಗಾಲಿ-ಕುಲೆತ ಸೋಂಕನೆಡ್ ತಿರ್ಯೆ‌್ರಂದ್ ಪನೊಂದಿತ್ತೆರ್. ದುಂಬುದಕ್ಲು ಸೀಕ್‌ಲೆನ್ ಗುನ ಮಲ್ಲರೆಗಾದ್ರ ನಿಸರ್ಗದ ಗಿಡಮೂಲಿಕೆಲೆನ್ ಬಲಸ್‌ದ್ ಮರುಜನ್ಮ ಪಡೆಯೊಂದಿತ್ತೆರ್. ಮುರ್ಗ ಪಕ್ಕಿಲು ಸೀಕ್‌ಡುಪ್ಪುನಗ ಬಲಸುನ ಗಿಡಮೂಲಿಕೆನ್ ಗುರ್ತ ಮಲ್ಲೊಂದು ಮರ್ದ್‌ನ್ ನಾಥ್ ಪತ್ತೆದಿತ್ತೆರ್, ಮಲ್ಲ ಮಲ್ಲ ಸೀಕ್‌ಲೆನ್ ಗುನ ಮಲ್ಲೊಂದಿತ್ತೆರ್. ಆಂಡ ಮಾತ್ರ ಏರೆಗ್ಲ ಪನರೆಗಾವಂದ್.. ಮರ್ದು ಮಲ್ಪುನೆನ್ ತೂವರೆಗಾವಂದ್ ಪನ್ಸುನ ಮೂಢನಂಬಿಕೆಡ್.. ಜನಪದರನ ಅಮೂಲ್ಯ ವೈದ್ಯಜ್ಞಾನ ಅಕುಲೆನೊಟ್ಟುಗೆ ಮಣ್ಣಾಪಿನವು ನಮ್ಮ ದುರದೃಷ್ಟ ದಾದಾಂಡಲ ಇನಿತ ವಿಜ್ಞಾನ ತಾಂತ್ರಿಕತೆ ದುಂಬುದಕ್ಲಿನ ಬದ್‌ಕ್‌ ಅನುಭವದ ಸಾರಂದ್ ಪನ್ನುನವು ಮಾತ್ರ ನೂದೆಕ್ ನೂದ್ದ ಸತ್ಯ. ದುಂಬು ಇತ್ತೆದಲೆಕ್ಕ ಕ್ಷಯ ಬೊಕ್ಕ (ಡಿ.ಪಿ.ಟಿ) ಸಾಂಕ್ರಾಮಿಕ ರೋಗಲೆಗ್ ಇಂಜೆಕ್ಷನ್ ಇತ್ತಿಜ್ಜಿ, ಕ್ಷಯ, ಕೋರ, ಕೋಟೆ, ನೇಲ್ಯ ಸಂಕಟ,ನಾಯಿತೆಮ್ಮ ಕಪ್ಪೆತೆಮ್ಮ, ಉಬ್ಬಸ, ಪಕ್ಕಿರೋಗ, ಕಕ್ಕುನ, ಉರ್ಚುನ, ನೆಲೆಂಚಿ, ಬಂಜಿ ಬೇನೆ, ಕಣ್, ಕೆಬಿಬೇನೆ, ಸೀತ, ಕಫ, ಪುರಿಕ್, ಎಲು ಪೊಲಿಂಡ ಇಂಚಿನ ಮಾತಾ ಬಾಲೆಲೆನ ಸೀಕ್‌ಗ್ ಇಲ್ಲದ ಮರ್ದ್.. ಅತ್ತಡ ಊರ್ದ ಮರ್ದ್ ಮತ್ತೊಂದಿತ್ತೆರ್. ಇತ್ತೆದಲೆಕ್ಕ ಓಣಿ ಓಣಿಡ್ ಆಸ್ಪತ್ರೆಲು ದುಂಬು ಇತ್ತಿದ್ದೆ. ಇತ್ತಂಡಲಾ ಮಲ್ಲ ಮಲ್ಲ ಪೇಂಟೆಡ್ ಒಂಜಾ ರಡ್ಡಾ ಮಾತ್ರ. ಊರುಡು ಪಂಡಿತೆರ್ ಇತ್ತಂಡ ಇಲ್ಲಡ್ ಮರ್ದ್ ಕೊರ್ಪಿನಂಚಿನ ಅನುಭವದ ಅಜ್ಜಿನಕ್ಲು ಇತ್ತೆರ್, “ಐಕಾದನೆ ದಿಕ್ಕೆಲ್‌ಗೊಂಜಿ ಕೊಳ್ಳಿ ಇಲ್ಲಗೊಂಜಿ ಅಜ್ಜಿ” ಬೋಡುಂದ್ ಪನ್ನುನ ಗಾದೆ ಉಂಡಾದಿಪ್ಪು, ಒಂಜಿತ್ತಿನ ಇಲ್ಲ ಇತ್ತೆ ಪತ್ತೆ ಆದ್ .. ಒಂಜೊಂಜಿ ಇಲ್ಲಡ್ ರಡ್ ಮೂಜಿ ಮಂಡೆ ಇತ್ತಂಡ ಪುನ್ಯ. ಬಿತ್ತಿಲ್ಲ ದೈ ಮರ್ದತ್ . 64