ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಮಿರೆಪೇ ಕೊಯ್ದುನ ಕ್ರಮ 19 ಪೇರ್ ಕೊರೊಂದಿತ್ತಿಲೆಕ್ಕನೆ ಮಿರೆಟ್ ಪೇರ್ ಆಪುಂಡುಗೆ, ಒರ ಬಲತ ಮರ್ಗಿಲ್ಲ ಮಿರೆ ಕೊರುಂಡ, ನನೊರ ದತ್ತ ಮರ್ಗಿಲ್ಲ ಮರೆ ಕೊರೊಡುಗೆ, ಬಾಲೆಗ್ ಪೇರ್ ಕೊರಗ ಸುರುಕು ಆ ಮರ್ಗಿಲ್ದ ತುಡೆನ್ ಮಿತ್ತೆ ಮಲ್ತ್‌ದ್ ಕುಲ್ಲೊಡು, ಬಾಲೆದ ಮಂಡೆನ್ ಮಿತ್ ಮಲ್ತ್ ಪತ್ತೊಡು, ಕೆಬಿನ್ ಬಿರೆಲ್ ದುಂಬು ಮಲ್ಪೆರೆ ಬಲ್ಲಿ. ಅಂಚ ಮಂಡ ಬಾಲೆದ ಕೆಬಿ ಆನೆದ ಕೆಬಿ ಆಪುಂಡುಗೆ. ಬೊಕ್ಕ ಸುರುಕು ರಡ್ ಬಿರೆಲ್ ನಡುಟು ಮಿರೆತ ತೊಟ್ಟುನು ಗಟ್ಟಿಡ್ ಪತ್ತೊಡು, ದಾಯೆ ಪಂಡ ಪೇರ್ ಒರಾನೆ ಉರ್ಕುದ್ ಬನ್ನಗ ಬಾಲೆ ಪಕ್ಕ ಪಕ್ಕ ಜುಂಬುನಗ ಮೂಂಕುಗ್ ಪೋದ್ ಬಾಲೆ ಒರಾನೇ ಗಾಲ್- ಮೇಲೆ ಆಪುಂಡುಗೆ, ಬಾಲೆ ಪಕ್ಕಪಕ್ಕ ಪೇರ್ ಜುಂಬುನಗ, ಬಂಜಿದುಲಾಯಿ ಗಾಲಿ ಪೋದು ಬಾಲೆಲು ಮಿರೆ ಪೇರ್ ಪರಿಲೆಕ್ಕನೆ ಬಸ ಬಸ ಕಕ್ಕುವ, ಐಡ್ಡಾವರ ಪೇ ಕೊರಿಬೊಕ್ಕ ಬಾಲೆನ್ ಮೆಲ್ಲ ಪುಗೆಲ್ ಪಾಡ್ ಆಡಿಗೆ (ತೇಗ್) ಬಾವೊಡು. 0 ಬೊಕ್ಕ ಜೆತೊಂದಿಪ್ಪುನಗ ಅಪ್ಪೆ ಮಿರೆ ಪೇರ್ ಕೊರಿಯೆರೆ ಬಲ್ಲಿಗೆ, ಅಪ್ಪೆಗ್ ನಿದಿರೆದ ಅಮಲ್ ಆಂಡ, ಬಾಲೆ ಜುಂಬುದ್‌ ಜುಂಬುದು ಪೇ ಮೂಂಕುಗು ಜಿಂಜಿದ್ ಉಸಿ ದೆಪ್ಪೆರೆಗಾವಂದೆ ಬಾಲೆಲು ತೈತ್ ಪೋತಿನ ಉದಾರ್ಮೆ ಉಂಡುಗೆ, ನನೊಂಜಿ ಕಾರಣ ದಾದ ಪಂಡ, ಬೊಕ್ಕ ಬಾಲೆಲ್ ಜೆತ್ತದೇ ಪೇರ್ ಕೊರೊಡುಂದ್ ಚದಿ ಮಲ್ಪುಂಡುಗೆ. ಬಾಲೆಗ್ ಪೇರ್ ಕೊರೊಂದಿತ್ತಂಡ ಅಪ್ಪೆಗ್ ಬೇಗ ಬಂಜಿ (ಗರ್ಭ) ಬರುಜ್ಜಿಗೆ. ಅಪ್ಪೆನ ಮಿರೆಪೇರ್ ಬಾಲೆಲೆನ ಬುಲಚ್ಚಿಲ್‌ಗ್ ಭಾರಿ ಎಡ್ಡೆ, ಬೊಕ್ಕ ವಾ ಸೀಕ್‌ಲಾ ಬರ್ಪುಜ್ಜಿಗೆ. ದುಂಬುದ ಕೆಲವು ಪೊಂಜೋವುಲು ಐನ್ ವರ್ಸ ಮುಟ್ಟ ಮಿರೆಪೇರ್ ಅತ್ತಾಂದೆ ಬೇತೆ ಹಾರೊನು ಬಾಲೆಗ್ ಕೊರೊಂದಿತ್ತಿಜ್ಜೆರ್‌ಗೆ ಬಾಲೆಲೆಗ್ ಅಪ್ಪೆನ ಪೇ ಅಮೃತದ ಲೆಕ್ಕ, ಏಪಲಾ ಏತ್ ಪೊರ್ತುಗ್ಲಾ ಕೊರೊಲಿ. ಕಾಯೊಡು, ಗೂಪುಂಡು, ಕುಪ್ಪಿ ದೆಕ್ಕದ್ ಜಿಂಜಾವೊಡು ಪನ್ಸುನ ವಾರಗಲೆಲ್ಲಾ ಇಜ್ಜಿ. ಅಂಚಾದ್ ದುಂಬುದಾಕ್ಲು ಪೇರ್ ಆವೆರೆಗ್ ಅಪ್ಪೆಡಿಕೆಗ್ ಗಿಡಮೂಲಿಕೆದ ಹಾರನ್ ಬೊಕ್ಕ ಮರ್ದ್‌ಲೆನ್ ಮಲ್ತ್ ಕೊರೊಂದಿತ್ತೆರ್, ಎನ್ನ ಬಾಲೆ ಆರೋಗ್ಯಡು ಸುತ್ತೆ ಮುತ್ತೆ ಆದ್ ಪೊರುಡು ಬುಲೆವಡ್ ಪನ್ಸುನ ಅಪ್ಪೆನ ಅಂಗಲಾಪು ಅಪ್ಪೆಗ್ ಉಪ್ಪುನವು ಸಹಜವಾತಿನವು.
63
