ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೬

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಜೋಯಿಪದ ಪತ್ನಿ ಹೊಸ ಶಬ್ದನು ಮೂಲು ಬಳಕೆ ಮಲ್ಪೆದೆರ್, ತುಳುಕು ಅವು ಒಪ್ಪುನಂಚಿನ ಪದ, ದುಂಬು ಮಾತರ್‌ಾ ಆ ಪದೊನೇ ಬಳಕೆ ಮಲ್ಪುನೆಗ್ ಅಡ್ಡಿ ಇಜ್ಜಿ. ತುಳುಟು ಜೋಯಿಪದ ಬಾರೀ ಕಮ್ಮಿಂದ್ ಜನೊಕುಲೆನ ನಂಬಿಕೆ. ಆಂಡ ಅವು ಸರಿ ಅತ್ತ. ಆನೆ ಬಂಡ್ ಆನೆ. ವಾ ಊರುದ ಆನೆ. ಇಟ್ಟೇಲ್‌ ಪುಟ್ಟಾ ಇಂಚಿನ ಮಾತಾ ದಿಂಜ ಪದೊಕುಲು ದುಂಬು ಇತ್ತ. ಕನ್ನಡದ ಬಳಕೆ ಎಚ್ಚ ಆಯಿನೆಡ್ಡ ಬೊಕ್ಕ ಅಪ್ಪೆಡಿಕುಲು ತುಳುಪದೊಕುಲೆನ್ ಮರತೆ‌, ಸಿನೆಮದ ಪದೊಕುಲೆನ್ ಪನಿಯೆರೆ ಸುರು ಮಲೆರ್. ತೊಟ್ಟಿಲ್ಲ ತಕ್ಕನೊಡು ಜೆತ್ತಿನ ಪುರುಬಾಲೆಗ್ ಭಾಷೆಡೇ ಮಾನಾವರ್, ಆಂಡ ನಮ್ಮಲ್ಪ ಮಾತ್ರ ಜೋಕುಲೆನ್ ಮಾನಾನಗ ಟ್ವಿಂಕಲ್ ಟ್ವಿಂಕಲ್ ಲಿಟ್ಲ ಸ್ಟಾರ್‌ಂದ್ ಪನ್ನೆರ್. ಈ ಬೂಕುಡು ಪೊಣ್ಣು ಬಂಜಿನಾಲಾದ್ ಪೆದ್ದ್ ಬಾಲೆನ್ ತಾಂಕುನಾಡೆ ಮುಟ್ಟದ ಮಾತಾ ವಿವರೊರೆಲೆನ್ ಕೊರೆರ್, ಬೇತೆ ಬೇತೆ ದೇಶದ ಜೋಕುಲೆನ ತಾಂಕನ ಬೇತೆ ಬೇತೆ ರೀತಿಡುಂಡು ಮೂಲು ತುಳುನಾಡ್ಡೆ ಪ್ರಾಂಜಿ ನಡತೊಂದು ಬತ್ತಿನ ಸಂಪ್ರದಾಯೊದ ವಿವರಣೆ ಉಂಡು. ಇಡೆಇಡೆಟ್ ನಂಬಿಕೆ, ನಡವಳಿಕೆ ಗಾದೆ ಮರ್ದ್, ಮಂತ್ರ ಆಹಾರೊ, ಗೊಬ್ಬು ಇಂಚಿನ ಮಾತಾ ಸಂಗತಿಲೆನ್ ಸಂದರ್ಬೊಗು ಒಪ್ಪುಲೆಕ ಸೇರಿಸಾವೊಂದೆರ್. ಅಂಚಾದ್‌ ಬೂಕುದ ಮೌಲ್ಯ ಎಚ್ಚಾತ್‌ಂಡ್. - ದುಂಬುದ ಕಾಲೊಡು ಪುಳ್ಳಿಯಡಿಕುಲೆಗ್ ಅಜ್ಜಿ ಕತೆ ಪಕ್ಷುನ ಪದ್ಧತಿ ಇತ್ತಂಡ್. ಶಿವಾಜಿಗ್ ಅಯನ ಅಪ್ಪೆ ಜೀಜಾಬಾಯಿ ಬೀರೆರೆನ ಕತೆ ಪಂಡ್‌ಡ್ಡಾದ್ ಆಯೆ ಚಕ್ರವರ್ತಿ ಆಯೆರೆ ಸಾಧ್ಯ ಆಂಡ್. ಗಾಂಧರೆಗ್ ಅರೆನ ಅಪ್ಪೆ ಸತ್ಯ ಹರಿಶ್ಚಂದ್ರನ, ಶ್ರವಣನ ಕತೆ ಪೆನ್ನೆದೆರ್‌ಗೆ, ಅಂಚಾದ್ ಆರ್ ಜೀವನ ಪರ್ಯಂತ ಸತ್ಯವಂತೆರಾದೇ ಒರಿಯೆರ್. ಇಂಚ ಬಾಲೊಡು ಜೋಕುಲೆಗ್ ಅಪ್ಪೆಡಿಕುಲು ಪಂಡ್‌ದ್ ಕೊರಿನ ಓವೇ ವಿಚಾರ ಆವಡ್, ಅವು ಶಾಶ್ವತವಾದ್ ಒರಿಪುಂಡು, ವ್ಯಕ್ತಿತ್ವ ನಿರ್ಮಾಣಗು ಊಂದುವೇ ತಳಪಾಯ. ಅವು ಮಾತ್ರ ಇತ್ತೆದ ಅಪ್ಪೆಡಿಕುಲು ಮದತ್ ಬುಡ್ಲೆರ್, ಸಂಸ್ಕೃತಿನ್ ಜೋಕುಲೆಡ ಉಂಡು ಮಲ್ತ ಕೊಬ್ಬಿ ಕೆಲಸ ಅಪ್ಪೆ ಅಜ್ಜಿಯಡಿಕುಲೆನವು. ಆಂಡ ಇತ್ತೆ ಬಾಲೆಗ್ ತುಳು ಬರುಜಿ. ಅಜ್ಜಿಗ್ ಇಂಗ್ಲೀಷ್ ಬರುಜಿ. ಸಂಸ್ಕೃತಿದ ಕೊಂಡಿ ತುಂಡಾವೊಂದು ಪೋವೊಂದುಂಡು. ದುಂಬುದ ಕಾಲೊಡು ಪೆದ್ದುನೇಂದ್ ಪಂಡ ಅವು ಪೊಣ್ಣಗ್ ಮರುಜನ್ಮ ಬತ್ತಿಲೆಕ. ಆಂಡಲ ಆ ಕಷ್ಟೊನು ಪೊಂಜೋವು ಸಹಿಸಾವೊಂದಿತ್ತೆರ್. ಇತ್ತೆ ಆಧುನಿಕ ಮರ್ದ್, ಆರೈಕೆಲು ಇತ್ತಾ ಸಿಜೇರಿಯನ್‌ ಸುಲಭದ ಸಾದಿ ಪತ್ತುವೆರ್, ವೈದ್ಯೆರ್‌ನಕುಲುಲಾ ಅಯಿಕೇ ಒತ್ತು ಕೊಪ್ಪೆರ್, ಪುರುಬಾಲೆಗ್, ಎಂಚಿನ ಮಾತಾ ಪುಲಮರ್ದ್ ಕೊರೊಡೂಂದು ದುಂಬುದ ಅಪ್ಪೆಡಿಕುಲೆಗ್ ಗೊತ್ತಿತ್‌ಂಡ್, ಎಲ್ಯ ಪ್ರಾಯೊಡ್ ಕೊರ ಆ ಪುಲಮರ್ದ್ ಮಲ್ಲೆ ಆಯಿನೆಡ್ ಬೊಕ್ಕಲಾ ಅಕುಲೆಗ್ ಕಫ, ವಾತ, ಪಿತ್ತ ತಟ್ಟಂದಿಲೆಕ 5