ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೫

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ . ಗುರ್ಕಾರನ ಮದಿಪು ದುಂಬುದ ಅಕಾಡೆಮಿದ ಸಮಿತಿ ತುಳುನಾಡ್‌ದ ಪುದರ್ ಪಡೆಯಿನ ತುಳು ಬರವಣಿಗೆದಕುಲೆಗ್ ಕೆಲವೊಂಜಿ ವಿಷಯೊಲೆನ್ ಕೊರ್ ಸಂಶೋಧನಾತ್ಮಕ ಲೇಖನ ತಯಾರ್ ಮಲ್ಪೆರೆ ಅನುಮಲ್ತ್ ಕೊರಿತ್ತಂಡ್. ಆ ಯೋಜನೆದ ಪ್ರಕಾರ ಶ್ರೀಮತಿ ಎಚ್. ಶಕುಂತಳಾ ಭಟ್ 'ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ' ಪಕ್ಷಿ ಲೇಖನ ತಯಾ‌ ಮಲ್ಸ್‌ದಿತ್ತೆರ್, ಅಯಿನ್ ಇತ್ತೆ ಅಚ್ಚಿಗ್ ಪಾಡೆಯೆರೆ ಎಂಕ್ಲಗ್ ಬಾರೀ ಸಂತೋಸ ಆವೊಂದುಂಡು, ದಾಯೆ ಪಂಡ ಈ ಬೂಕು ನು ಓದುದು ತೂಯಿನಕುಲೆಗ್ ಗೊತ್ತಾವು. ಉಂದು ಬಜೀ ಒಂಜಿ ಕಿನ್ಯ ಪ್ರಬಂಧ ಅತ್ತೆ ಉಂದು ಒಂಜಿ ಮಹಾ ಪ್ರಬಂಧ, ಈ ಬೂಕು ಬರೆವೊಡೂಂದಾಂಡ ಲೇಖಕಿ ಊರೂರು ತಿ‌ದರ್, ಬಾರೀ ಅಪ್ಪೆ, ಅಜ್ಜಿಯಡಿಕುಲೆನ್ ಬೇಟಿ ಮಲ್‌ದೆರ್, ಪಾಡ್ಡನ ಕಾರೆರೆಡ ಜೋಕುಲೆನ ಪಾಲನೆ - ಪೋಷಣೆದ ಬಗ್ಗೆ ಬರ್ಪಿನಂಚಿನ ಪಾಡ್ಡನದ ಭಾಗೊಲೆನ್ ಸಂಗ್ರಹ ಮಲ್‌ದೆರ್, ಬಾರೀ ತಾಳ್ಮೆಡ್ ಬರೆವೊಂದು ಪೋತೆರ್, ಶ್ರೀಮತಿ ಎಚ್. ಶಕುಂತಲಾ ಭಟ್ ಮೇರ್ ಕನ್ನಡ ಬೊಕ್ಕ ತುಳು ಭಾಷೆದ ಸಾಹಿತ್ಯ ಪ್ರಕಾರಡ್ ಎಲ್ಪತ್ತೊಂಜಿ ಗ್ರಂಥಲೆನ್ ಬರೆತಿನ ತುಳು ನಾಡದ ತುಡರಾದ್ ಉಲ್ಲೆರ್. ಜೋಗುಳ ಪನ್ನಿ ಪದ ಜೋಕುಲು ಪನ್ನಿ ಶಬ್ದಡೇ ಉಂಡಾಂಡ್‌ದ್ ಕವಿ ಮುದ್ದಣ್ಣೆ ಬರೆತೆ, ಆಂಡ ಜೋಗುಳ ಪದತ ಬಳಕೆ ಕನ್ನಡೊಡೇ ಎಚ್ಚಾದ್ ಉಪ್ಪುನೆಡ್ಡಾದ್ ಅವು ಕನ್ನಡದನೇ ಆದ್ ಪೋತುಂಡು, ಲೇಖಕಿ ಶಕುಂತಳಾ ಭಟ್ ಜೋಗುಳಪದೊಕು 4