ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಇ ಬೊಕ್ಕ ಬಾಲೆನ್ ತರೆಕೊಂಜಿ ಕೈ, ಮುಂಡಗೊಂಜಿ ಕೈ ಕೊ ಒಪತ್‌ದ್ ಬಾಲದ ಮಿರೆ, ಪೂವೊಲ್, ತುಡೆ, ಸರೀರ ಒರೆಸ್‌ ಗಟ್ಟಿಡ್ ಗಾಲಿ ಉರಿಪೊಡುಗೆ. ಬೊಕ್ಕ ಕಾರತುಡೆಟ್ ಕುಲ್ಲಾದ್, ದತ್ತ ಕಾರ್‌ನ್ ಬಾಲೆದ ಬೆಂಕ್ ತಾಂಗ್ ಕೊ ಬಾಲೆದ ತರೆನ್, ಮೈನ್ ನಸೆತ ಬೊಲ್ಲು ಕುಂಟುಡು ಒಚ್ಚಿಡ್, ಬೊಕ್ಕೊಂಜಿ ನಸೆತ ಕುಂಟುದು ಮಂಡೆ ಒರ್ಬಡಿಗೆ ಗಟ್ಟಿ ಮುಂಡಾಸ್ ಕಟ್ಟಿದ ಬಾಲೆನ್ ಪುಗೆಲ್ ಪಾಡ್‌ನಗನೇ ಪುರುಬಾಲೆ ಸೋತ ನಿದಿರುಂಡು. ಬೊಕ್ಕ ಮೈ ತೋಜಂದಿಲೆಕ್ಕ ಕುಂಟು ಹೊದ್ದಿದ್ ಪಡಸಾಲೆಗೆ ಮೊಗ್ಗುನ ದುಂಬು ಬೆಂದ್‌ದಿಕ್ಕೆ ಕುನ್ ಮುಂಡಗ್ ಮುಟ್ಟಾಂಡ ದಿಟ್ಟ ಬೂರುಜ್ಜಿಗೆ, ಬೊಕ್ಕ ಸೀತ ಅವರೆ ಬಲ್ಲಿಂದ ಲೋಭಾನದ ಪುಗೆನ್ ಪವರ್, ಬೆಚ್ಚ ಮಲ್ಲಿನ ತಟ್ಟಿಗೊಡು ಕುಂಕುಮನ್ ಬೆಚ್ಚ ಮಲ್ತ ಬಾಲೆದ ನೆತ್ತಿಗೆ ಪಾಡುವೆರ್, ಕಣ್ಣೆದ್ ಕುರ್ಬುಗು, ಮುಂಡೊಗು, ಕೆಪ್ಪಡಗೆ, ಮೈತ ಬೊಟ್ಟ ಪಾಡ್ ಮೈಕ್ ಕುಂಟುನ್ ಸುಂದ್‌ ಕುಂಟುದ ತೊಟ್ಟಿಲ್ಸ್ ಪಾಡುವೆರ್. (ಕುಂಟುದ ತೊಟ್ಟಿಲ್‌ ಬಾಲೆದ ಮಂಡೆ ಉರುಂಟಾಪುಂಡುಗೆ.) ಬೊಕ್ಕ ಬಾಲೆಗ್ ಅಪ್ಪೆನ ಬಂಜಿದುಲಾಯಿ ಜೆತ್ತಿಲೆಕ್ಕನೆ ಬೆಪ್ಪು ಕೊರುಂಡುಗೆ, ಬೇತೆ ತೊಟ್ಟಿಲಾಂಡ ಮಂಡೆಗ್ ನಸೆ ಕುಂಟುದ ತೆರುವೆ ದೀದ್, ಕೈತ ಮುಡುತ ಅಂಚಿ ಇಂಚಿಗ್ ಕುಂಟುಲೆನ್‌ ಮಡಿತ್‌ದ್ ದೀಪೆರ್, ಇಂಚ ಪ್ರೀತಿನ ಬಾಲೆ ಸೊಲ್ಲುಡು ರಡ್ ಮೂಜಿ ಗಂಟೆ ಮುಟ್ಟ ನಿದೆರುಂಡು. ಬಾಲೆಗ್ ಅಜಿ ತಿಂಗೊಲ್ ಕರಿಯಿನ ಕಾರ್‌ಡೇ ಕುಲ್ಲಾದ್ ಮೀಪಾವೆರ್‌, ಒ‌ಂಬ ತಿಂಗಲಾಯಿ ಬೊಕ್ಕ ಬಾಲೆನ್ ಮಣೆಟ್ ಕುಲ್ಲಾದ್ ಒಂಜಿ ವರ್ಸ ಆಯಿಬೊಕ್ಕ ಉಂತಾದ್ ಮೀಪಾವೊಲಿ, ರಡ್ಜ್ ವರ್ಸದ ಬೊಕ್ಕ ರಡ್ಜ್ ದಿನಕೊರ ಐನ್ ವರ್ಸದ ಬೊಕ್ಕ ಪಾರಗೊರ ತರೆಕ್ ಮೀಪಾವರ್. ತುಳು ಜನಪದರೆನ ದಿಟ್ಟಡ್ ಪುರುಬಾಲೆ ಎಣ್ಣೆ ನೀರ್‌ಡೇ ಬುಲೆಪುಂಡುಂದ್ ಪನ್ನುನ ನಲಿಕೆ ಉಂಡು. ದುಂಬುಡು ಕೆಲವೆರ್ ಮೀತಿನ ಬಾಲೆದ ಮೈ ಒಚ್ಚಂದನೇ ತೊಟ್ಟಿಲ್ಸ್ ಪಾಡ್ ತೂಂಕೊಂದಿತ್ತೆರ್‌ಗೆ. ಜೋಯಿ ಪದಕುಲು:-
- ಬಾಲೆ ಸುಖಟ್ ನಿದಿರೆ ಮಲ್ಲೊಡಾಂಡ ತೊಟಿಲ್ ಬೋಡೇ ಬೋಡು.
- ಬಾಲೆದ ತೊಟಿಲ್ ಎಂಚ ಉಪೊಡು?
- ತೂಂಕುನ ತೊಟ್ಟಿಲ್‌ಗ್ ಕೀಲ್ ಕೆತ್ತನೆ, ಕನ್ನಡಿ ಏರ್ ದೀಯೆರ್?
ತೊಟ್ಟಿಲ್‌ಡ್ ಎನ್ನ ಕಿನ್ನಿಗ್ ಸುಖೋತ ನಿದ್ರೆ ಬರೊಡುಂದು ಅಪ್ಪೆನ ಅಂಗಲಾಪು,
- ಇಡೀ ದಿನ ಬಾಲೆನ್ ಪತೊಂದು ತಿರೆರೆಗಾಪುಂಡ?
48
