ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೪೫

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ • ನಮ್ಮ ಕಾರದ್ ಪಾದದಲ್ಪ ಬಾಲೆದ ತರೆದೀದ್ ಮರಂಕಣೆ ಜೆಪುಡಾವೊಡು, ಸುರುಕು ಮುಡ್ಡುಗಾದ ಅಂಗೈಕ್ ಎಣ್ಣೆ ಪಾಡ್ಜ್ ಬಾಲೆದ ಪಾದೊಗು, ಪೂವೊಲ್ಸ್, ನೆತ್ತಿಗೆ ಮುಟ್ಟಾವೊಡು, ಸುರುಕು ಬಾಲದ ನೆತ್ತಿಗೆ ಪೂಜೊಡು, ಬೊಕ್ಕ ಮುಂಡೊಗು, ಕೆನ್ನಿಗ್, ಮೇಲ್ಮುಖವಾದ್ ಪೂಜೊಡು. (ಉಂದು ಒಟ್ರಾಸಿ ಕುಜಾಲ್ ಬುಲೆವಂದಿಲೆಕ್ಕ ಮುಂಡಗ್ ಪೂಜೆನ್ ಅಂಗೈಟ್ ಒತ್ತಿ ತಿಕ್ಕೊಡು. ಕೆಲವೆರ್ ಎಣ್ಣೆ ಪೂಜುನಾನ ಮುಂಡೊಗು ಎಣ್ಣೆ ಪೂಜಿದ್ ಬಾಲೆದ ಮುಂಡೊನ್ ಗಸಗಸ ತಿಕ್ಕುವರ್, ಈ ಕ್ರಮೊಟು ಬಾಲೆದ ಮುಂಡ ಎತ್ತರ ಆವಂದೆ ಸಪಾಯಿ ಆಪುಂಡುಗೆ, ಬೊಕ್ಕ ಮುಂಡಡ್ ಇತ್ತಿನ ಕೂಜಲ್ ತಾಲ್ಡ್ ಪೋಪುಂಡುಗೆ, ಆನೆದ ಕೆಬಿ ಆವಂದಿಲೆಕ್ಕ ಪಿರಮಲ್ಲ ಹದೊಟು ತಿಳ್ಕೊಡು, ಕುರ್ಬುನ್ ಉಂಗಿಲ ಬಿರೆಲ್ ಕಾಮನ ಬಿಲ್ಲೆ ಲೆಕ್ಕ ತಿಕ್ಕಂಡ ಕುರ್ಬು ಸಪೂರೊಡು ಅಂಚನೆ ಬರುಂಡುಗೆ, ಮೂಂಕುದ ಒಟ್ಟೆಡ್ ಮಿಫ್ ಮುಟ್ಟ ರಡ್ ಕೈತ ಕೊಂಬ ಬಿರೆಲ್ ಮುಕ್ತದ ಲೆಕ್ಕ ತಿಕ್ಕಂಡ ಸಂಪ್ಯಾದ ಮುಕ್ತದ ಲೆಕ್ಕ ಆಪುಂಡುಗೆ. ಮೂಂಕುದ ತಿರ್ತ್ ಬಿಮೊದ ಮಿತ್ತ್ ಕೊಂಬ ಬಿರೆಲ್ ಅಡ್ಡಡ್ಡ ತಿಕ್ಕೊಡು, ಗಲ್ಲದ ನಡುಟು ಗುರಿ ಬರಿಲೆಕ್ಕ ತಿಳ್ಕೊಡು, ರಡ್ಡ ಕೆಪ್ಪಡೆನ್ ರಡ್ ಅಂಗೈಟ್ ತಿಕ್ಕೊಡು. ಕೆಪ್ಪಡೆ ಉಬ್ಬರಂದಿಲೆಕ್ಕ ಕೊಂಬ ಬಿರೆಲ್‌ನ್ ಬಾಯ್ದೆ ಉಲಾಯಿ, ನಾಲ್ ಬಿರೆಲ್‌ ಕೆಪ್ಪಡೆದ ಪಿದಾಯಿ ಪಾಡ್ ರಡ್ ಕೈಟ್ ಕೆಪ್ಪಡೆ ತಿಕ್ಕೊಡು. ಅಂಚನೇ ಕೈ ಬಿರೆಲ್ ಒಟ್ಟೆ ಮುಟ್ಟಲ ಬರೊಡು. ತಿರ ಬಿಮ್ಮದಲ್ಪ ಒಟ್ಟೆನ್ ಅಡ್ಡಡ್ಡ ತಿಕ್ಕ ರಡ್ಡೆ ಕೊಂಬ ಬಿರೆಲ್ಡ್ ಗಲ್ಲೊಗ್ ತಿರ್ ಮುಖ್ಯಟು ಪೂಜಿದ್ ಬಿರೆಲ್ ಕೂಡಾವೊಡು, ಗಲ್ಲ ಚೂಪ ಬರೆ ಬೊಕ್ಕ ಕೆಕ್ಕಿಲ್ಲ ತಿರ್ ಮುಖೋಟು ಪೂಜೊಡು, ಕೆಕ್ಕಿಲ್ ಉದ್ದಾದ್ ಶಂಕದಾಕಾರೊಗು ಬರುಂಡುಗೆ. • ರಡ್ ಪುಗೆಲ್‌ನ್ ಮುಡು ಅಗೆಲ ಬಗಾದ ಕೆಕ್ಕಿಲ್‌ಡ್ ಅಡ್ಡ ಪೂಜೊಡು, ತಿಗಲೆಗ್ ಪೂಜಿದ್ ರಡ್ ಅಂಗೈಟ್ ರಡ್ಡೆ ಮರ್ಗಿಲ್ಡ್ ತಿಕ್ಕೊಡು, ನಡುಡ್ಡೆ ಮರ್ಗಿಲ್ ಮುಟ್ಟ ಬೊಕ್ಕ ಮಿರೆತಲ್ಪ ಅಂಗೈಟ್ ಉರುಂಟುರುಂಟು ತಿಕ್ಕೊಡು, ಕೆಲವೆರ್ ಪೊನ್ನು ಬಾಲೆದ ಮಿರೆತ ಪೇರ್‌ನ್ ಪುಂಟುವೆರ್. ಅಂಚ ಪುಂಟುಂಡ ಪ್ರಾಯ ಬನ್ನಗ ಮಿರೆ ಉರುಂಟು ಆಪುಂಡುಗೆ. ಈ ಬೊಕ್ಕ ಕೈನ್ ಕತ್ತರಿ ಮಾರ್ಕ್ ಪಂಡ ನಮ್ಮ ದತ್ತ ಕೈ ಬಾಲೆದ ದತ್ತ ಮರ್ಗಿಲ್ಲ ತಿಗಲೆಗ್, ಬಲತ ಕೈ ಬಾಲೆದ ಬಲ ಮರ್ಗಿಲ್ಡ ತಿಗಲೆಗ್ ಪೂಜೊಡು. (ತಿಗಲೆ ಅಗಲ ಬೂರೆಗಾತ್ರ). • ಕೈತ ರಟ್ಟೆಡ್ ತಟ್ಟೆ ಬಿರೆಲ್ ಮುಟ್ಟ ಪೂಜಿದ್, ಬಾಲೆದ ಅಂಗೈನ್ ನಮ್ಮ ಒಂಜಿ ಕೈಟ್ ಪತ್‌ದ್ ಬೊಕ್ಕೊಂಜಿ ಕೈಟ್ ಪುಗೆಲ್ ಮುಟ್ಟ ತಿಳ್ಕೊಡು. 44