ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಬಾಲೆ ಪುಟ್ಟದ್ ಪದಿನ ಮುಟ್ಟ ಅಪ್ಪೆನ ಮಿರೆಪೇರ್‌ನ್ ಪೂಜಿದ್ ಒಂತೆ ಬೆಪ್ಪು ಬೆಚ್ಚದ ನೀರ್‌ಡ್ ರಪರಪ ಮೀಪಾವೆರ್. ಪೂವೊಲ್‌ಗ್ ನೀರ್ ಮೊಗ್ಗಂದಿಲೆಕ್ಕ ಜಾಗ್ರತೆ ಮಲ್ಲುವೆರ್. ಪೂವೊಲ್ ತಾರಿಬೊಕ್ಕ ಮೂಂಕುದ ಪೊಡಿನ್ ಒತ್ತಿದ್ ದೀದ್, ಐತ ಮಿತ್ತ್ ಒಟ್ಟೆ ಪಾವಲಿನ್ ದೀದ್ ಕುಂಟುಡು ಬಂಜಿಗ್ ಬಿಗಿತ ಪಟ್ಟಿ ಕಟ್ಟುವೆರ್. ದಾಯ ಪಂಡ ಪೂವೊಲ್ಲ ದಂಡ್‌ಗ್ ಗಾಲಿ ಮೊಗ್ಗಂಡ... ಪೂವೊಲ್ ಪುಗ್ಗದ ಲೆಕ್ಕ ಮಲ್ಲೆ ಆಪುಂಡು, ಬಾಲೆ ಎಣ್ಣೆ ನೀ‌ಡೇ ಮಲ್ಲೆ ಆಪುಂಡು ಪುನ ನಂಬೊಲಿಕೆ ಇನಿಕ್ಲಾ ತುಳುನಾಡ್‌ಡ್‌ ಉಂಡು. ಬಾಲೆಗ್ ಪೂಜರೆಗಾದ ಬೇತೆ ಬೇತೆ ಗಿಡಮೂಲಿಕೆದ ರೆಸ ದೆತ್ತ್ದ್ ಎಣ್ಣೆ ಬೆಚ್ಚ ಮಲ್ಲುವೆರ್. ಈ ಎಣ್ಣೆಡ್ ಮಸಾಜ್ ಮಲ್ಪುನಗ ಬಾಲೆದ ಎಲು ಗಟ್ಟಿ ಆಪುಂಡು, ನರ ಸಡಿಲಾಪುಂಡು, ಚರ್ಮ ನಸೆ ಟೂರ್ ಮುಲೆಪುಂಡು, ಅತ್ತಾಂದೆ ನೆತ್ತೆರ್ ಶುದ್ಧ ಆದ್ ವಾ ಚರ್ಮರೋಗ, ಪೊಡಿಕಜ್ಜಿ ಬರುಜಿಗೆ, ಪತ್ತೆ ದಿನತ ಬೊಕ್ಕ ಚಂದನೊನ್ ಪೇರೊಟ್ಟುಗು ತರೆತ್‌ ಮೈಕ್ ಪೂಜುವೆರ್. ತಾರಾಯಿದ ಪೇರ್ ಪೂಜಿದ್ ಮೀಪಾವೆರ್. ಕೆಲವೆರ್ ಪೇರ ಮಾಲ್‌ಗ್ ತಿಗ-ಬೊಕ್ಕ ಮಂಜ ಮೊಡಿನ್ ಬೆರಕಾದ್ ಪೂಜಿವೆ. ಎಲ್ಯ ಬಾಲೆಲೆನ್ ಮೀಪಾನಗಮೈತ ಪಸೆ ಪೋವೆರೆಗ್ ಬೇತೆ ದಾಲ ಪಾಡಂದೆ ಬೆಚ್ಚ ನೀರ್‌ಡೇ ಮೀಪಾವೆರ್. ಕೆಲವೆರ್ ಮೀಪಾನಗ ಕಡ್ಲೆದ ಪೊಡಿ ಅಡ ಪದೆಂಗಿದ ಪೊಡಿನ್ ತಿಟ್ಟಿದ್ ಮೀಪಾವೆರ್. ಅಂಟ್ವಾಲದ ಕಾಯ್ದ ಪೊಡಿನ್ ವಾರಗೊರ ಪಾಡ್ ತಿಕ್ಕಿದ್ ಮೀಪಾವೆರ್. ಈ ಪೊಡಿಗಜ್ಜಿ ಬರಂದಿಲೆಕ್ಕ ಬಾಲೆ ಮೀಪಾವುನ ಬೆಚ್ಚ ನೀರ್ ಒಂಜಿ ಬೆಳ್ಳೆ ಕುಂದಾದಿನ ಕಷಾಯ ನೀರ್‌ನ್ ಬೆರಕಾವೊಂದಿತ್ತೆರ್. ಬಾಲೆ ಮೀಪಾವುನ ಬೆಚ್ಚ ನೀರ್‌ಗ್ ಬೆರಕಾವುನ ಕಷಾಯ 1) ಕೈಬೇವ ಕಷಾಯ 3) ಒಳ್ಳೆಕೊಡಿತ ಕಷಾಯ 5) ಆಡ್‌ಸೋಗದ ಕಷಾಯ 7) ಕಾವೇರಿ ತಪ್ಪುದ ಕಷಾಯ 9) ದಾಲಿಂಬೆದ ಚೋಲಿ 11) ತಾರಾಯಿದ ಕಜಕ್ 2) ಚಂದನದ ಅರೆಪು 4) ಶಂಖ ಬೇರ ಅರೆಪು 6) ಗಂದಾಲಿದ ಅರೆಪು 8) ಇಟ್ಟಿದ ಬೇರ ಅರೆಪು 10) ಕಡಿರ ಬೇರ್ ಅರೆಪು 12) ಮಂಜಲ್‌ದ ಅರೆಪು 42
ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೪೩
ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
