ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೪೧

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಕುಂಟುದ ತೊಟಿಲ್ಡ್ ಜೆಪ್ಪುಂಡು. ಅತ್ತಂದೆ ಪತ್ತೆ ಮಲ್ತ್‌ಂಡಲಾ ನೆಲಕ್ ತೋರ್ ಪೋಪುಂಡು, ಅರ್ದ್‌ ಪಾಡೆರೆಗ್ಲಾ ಸುಲಭ, ಬೆತ್ತ, ಮರ, ಪಿತ್ತಾಲೆ, ಕರ್ಬದ ತೊಟಿಲ್ಸ್ ದೀಪುನಾಂಡ ಬಾಲೆದ ಮಂಡೆದಲ್ಪ ನಸೆತ ಕುಂಟುಡು ತೆಲ್ವೆ ಮಲ್ತ್ದ್ ದೀಪೆರ್. ಬೊಕ್ಕ ಬಾಲೆದ ಕೈತ ಮುಡುತ ಅಂಚಿ-ಇಂಚಿಗ್ ಕುಂಟುದ ಮಡಿಕೆಲೆನ್ ದೀಪೆರ್, ಬಂಜಿದ ಮಿತ್ತ ದಪ್ಪ ಕುಂಟುನು ಮೊದಪಾವೆರ್. ಚೋರೆ-ಚದಿಟ್ ಬುಲಿಪನ ಬಾಲುಲೆನ್ ದಿನನಿಚ್ಚಲಾ ದೆತ್ತೊಂದು ತಿರೆರೆಗ್ ಆಪುಜ್ಜಿ, ಅಂಚಾದ್ ತೊಟ್ಟಿಲ್ಲ ನಡುಕು ಬಲ್ ಕಟ್ಕಂಡ ಪೆದಿಮೆದಿಗ್ ಜೆತೊಂದೆ ತೂಂಕೊಲಿ, ಕೆಲ ಜೋಕುಲು ಇಡೀ ದಿನಲಾ ತೂಂಕೊಡುಂದ್ ಬುಲಿಮುನಲ ಉಂಡು ಆಂಡ ಎಲ್ಯ ಬಾಲೆದ ಬುಲೆಚಿಲ್‌ಗ್, ಸುಖಟ್ ನಿದಿರೆ ಮಲ್ಪೆರೆಗ್ ತೊಟ್ಟಿಲ್ ಪನ್ನುನವು ಮಲ್ಲ ಸೊತ್ತುಂದ್ ಪನೊಲಿ. జాల ಬಾಣೇರೆಡ್ ಒಂಜಿ, ಮೂಜಿ, ಐನ್ ಇಂಚ ಮುಗುಲಿ ವರ್ಷಡ್ ಆನ್ ಬಾಲೆಗ್ ಚೌಲ ಮಲ್ಲುನ ಕ್ರಮ ಉಂಡು. ಬಾಲೆದ ನಕ್ಷತ್ರಗೆ ಸೇರುನ ಎಡ್ಡೆ ದಿನ ಎಡ್ಡೆ ಮುಹೂರ್ತಡ್ ಚೌಲದ ಶಾಸ್ತ್ರ ಮಲ್ಪೆರ್. ಉಂದೆನ್ ಕುಲಪುರೋಹಿತೆರ್ ಬತ್ತದ್ ಈ ಧಾರ್ಮಿಕ ವಿಧಿ ವಿಧಾನಲೆನ್ ಮಲ್ಪೆರ್, ಮೂರ್ತದ ಪೊರ್ತುಗು, ಕೆಲೆಸಿ ಬತ್ತ ಬಾಲೆದ ಸುರುತ ಕುಜಲ್‌ನ್ ಗೀಸ್‌ವೆ, ಅತ್ತಡ ಪಿರಮೈಟ್‌ವಂತೆ ಜುಟ್ಟು ಬುಡ್ಡೆ. ಬೊಕ್ಕ ಕುಟ್ಟಗ್ ಬತ್ತಿ ಬಿನ್ನೆರೆಗ್ ಗಡ್ಡದ ವನಸ್ ಪಾಡುವೆರ್. ಹೆಚ್ಚಾದ್ ಕೆಲವೆರ್ ಮಲ್ಲ ಮಲ್ಲ ಪುಣ್ಯಕ್ಷೇತ್ರಲೆಗ್ ಬಾಲೆದ ಕೂಜಲ್‌ನ್ ಮುಡಿ ಕೊರ್ಪಿನ ಪರಕೆನ್ ಪನ್ನೊಂದಿಪ್ಪೆರ್, ಅಪಗ ಕೆಲೆಸಿಗ್ ಅರಿ, ತಾರಾಯಿ, ಬಚ್ಚಿರೆ, ಪೂಲು ಬೈರಾಸದ ಸ್ವಸ್ತಿಗೆ, ದಕ್ಷಿನೆ ಕೊರ್ ಮರ್ಯಾದೆ ಮಲ್ಪೆರ್. ಬ್ರಾಹ್ಮಣೇತರ ವರ್ಗಡ್ ಬಾಲೆಲೆಗ್ ಕಜಂಬುದ ಆಚರನೆ ಮಲ್ಪೆರ್. ಅತ್ತಡ ನಮ್ಮ ತುಲುನಾಡ್‌ ಕೆಲವು ದೇವಿ ದೇವಸ್ಥಾನೊಡು ವರ್ಷದ ನೇಮನ್ ಕಜಂಬು ಪಕ್ಷುನ ಪುದಾರ್‌ಡ್ ಲೆಪ್ಪುವೆರ್. ದೇವಿ ದುರ್ಗೆ, ಉಳ್ಳಾಲ್ತಿ ಪಂಡ ಮುಲ್ಪ ಅಫ್ರೆಂದ್ ನಂಬುವೆರ್. ಅಲೆಗ್ ಬಾಲೆಲೆನ್ ಒಪ್ಪಿಸಾದ್ ಮುಡಿ ಕೊರ್ಪುನ ಕಟ್ಟಲೆ ಉಂಡು, ಹೆಚ್ಚಾದ್ ಬಾಲೆಲುದಾಂತಿನಕುಲು ಈ ಪರಕೆನ್ ಪಸ್ಪೆರ್, “ಮುಖ್ಯವಾದ ಪುರುಬಾಲೆಲೆಗ್ ಕಜಂಬು ಪಪ್ಪುನ ಮದಿಪುದ ಪುದಾರ್‌ಡ್ ನಡೆಪುನಂಚಿನ ಪರಕೆದ ಉತ್ಸವ. ಪರಕೆ ಕೊರ್ಪುನಂಚಿನ 40