ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೩೫

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಜನಪದರನ ಸಾಹಿತ್ಯಡ್ ಪುರುಬಾಲೆ. • ಪುರುಬಾಲೆಲೆಗ್ ಮಲ್ಲು ಬಾಯಿಡ್ ಪನ್ಸುನ ಪದರಂಗಿತಡ್ ಬದ್‌ದ ಸಂಸ್ಕೃತಿ ಬೊಕ್ಕ ಸಾಹಿತ್ಯ ತೋಜುದು ಬರ್ಪುಂಡು, ಎಚ್ಚಾದ್ ಬಾಲೆಲೆಡ ಪಾತೆರ್ನಗ ಬಲಸುನ ಸುಲೊಭದ ಉಚ್ಚಾರದ ತೊದ್ದೆ ಪಾತೆರಡ್ ಪದ ಪನೊಂದು ಮೋಕೆಡ್ ಜೋಕೆಡ್ ಬಾಲೆಲೆನ್ ಮಾನಾವೆರ್. ಪುರು ಬಾಲೆಲೆನ ಪೇರ್‌ದ ಮನಸ್ಸಿಗ್‌ ಸುಲೊಬೊಡು ಅರ್ಥ ಆಪಿನಲೆಕ್ಕ ಮಲ್ಲನ ಮನಸ್ಸಿಗೆ ಕುಸಿ ಕನಪಿಲೆಕ್ಕ ಅಂಚಿ ಇಂಚಿ ಪೋದು ಬರ್ಪುನ ಪಾಂಬುದ ಬೇಲೆನ್ ತುಳು ಜನಪದ‌ ಪುರುಬಾಲೆಲೆನ ಸಾಹಿತ್ಯೋಡು ಮುಡೆದರ್. ಪುರು ಬಾಲೆಲೆನ ಮನಸ್ಸೇ ಸೋಜಿಗಗ್, ಕಲ್ಪ ಕೋಮಾಟಿಕೆಗ್, ಚಮತ್ಕಾರ ಬಿರ್ಸಾತಿಕೆಗ್, ಪೊರ್ಲುದ ಪದ ರಂಗೀತ, ಬೇಗ ಮರ್ಲಾಪಿನವು ಸತ್ಯ. ಅಂಚಿನ ಪದ, ಕತೆ, ಎದುರುಕತೆ, ಗಾದೆ, ನಡಾವಲಿಲು ಪ್ರಪಂಚದ ಮಾತಾ ಕೋಡಿಲ್ಲಾ ಉಪ್ಪುಲೆಕ್ಕನೆ ತುಳು ಭಾಸೆಡ್ಡ ಉಂಡು, ಅಂಚಿನ ಒಂಜಿ ಪದತ ಗೆಲ್ಲ ಇಂಚ ಉಂಡು. “ಟುವೆಲೆ ಬಾಲೆ ಬಾಲೆ ಪೊಲಿಯೇ ಪಾರುನ ಪಕ್ಕಿಗೆ ಪುತ್ರ ಫಲ ಉಂಡು ನಂಕಲ ನನಕೂಡಾ ಇಜ್ಜಿಂದೇರೇ ಉಲ್ಲೇರ್ ಆರ್ ಲೋಕೋಗೀಶ್ವರ - - E ಗಂಗೇನೇ ಗೌರಿ ಪೊನ್ನೂಲುದ್ ಪರಪ್ಪುನ ಪಿಜಿನ್‌ಗ್ ಪುತ್ರ ಫಲ ಉಂಡು, ಮಿತ್ತಿನೆ ಮಿರಿಯಮ್ಮ ಲೋಕೋಡುದೇ ಆರೆಗ್ ಪಾದಕಾನಿಕೆ ಒಪ್ಪವೊಡು ಆರೆಡ ಪುತ್ರಫಲ ನಟ್ಟೋಡುಂದೇರೇ • ನನೊಂಜಿ ಪದಟ್ ಬಾಲೆನ್ ಮಾನಾವುನ ಚಿತ್ರ ಇಂಚ ಉಂಡು, ಬಾಲೆ ಒಂಜೊಂಜಿದ ಪುದಾರ್ ಪಂಡ್ ಬೋಡೊಂದ್ ನಲ್ಲುನಗ ಅಪ್ಪೆ ಬಾಲೆಗ್ ಅವೆನ್ ಕೊರ್ದು ಮಾನಾವುನ ಬಂಜಂದ ಚಿತನ ಈ ಪದೊಟು ಉಂಡು. ದಾಯೆಗ್ ಮಗ ಈ ಬುಲ್ಲುವೆಂದ‌ - ಕೆಕ್ಕಿಲ್‌ಗೆ ಕೀಲಬಂದಿ ಆವೊಡುಂದಲೇ ಬೊಕ್ಕಲಾ ಬೊಕ್ಕಲಾಳ್ ಬುಲ್ವಾಲ್ಲೇ ಕೈಕ್ ಕಾಜಿನನ ಬೋಡೂಂದಲೇ - - ನನಲಾ ದಾಯೆಮಗ ಬುಲ್ಲುವಾಂದೇರೇ ಕುಡಲಾ ಕುಡಲಾಳ್ ಬುಳುವಾಳದೇ? ದಾಯೆಗಾದ್ ಮಗ ಈ ಬುಳುವಾಂದೇರ್ - ಸೊಂಟಗ್ ಪಟ್ಟಿ ನನ ಬೋಡುಂದಳೇ ಬೊಕ್ಕಲಾ ಬೊಕ್ಕಲಾಳ್ ಬುಲ್ಲುವಾಳದೇ ಕೆಬಿಕ್ ಕುಡ ನನ ಆವೊಡೂಂದಳ್ ನನನೆ ನಿಮ್ಮ ದಾನೆ ಆವೊಡೂಂದಳೇ - - 34 ನನನೆ ದಾಯಿತ ನಿಕ್ ಬೋಡೂಂದೇರ್ ಕುಡಲ ಕುಡಲಾಳ್ ಬುಳುವಾಳದೇ - ಮೂಂಕುಗು ಮೂಂಕುತ್ತಿ ಆವೊಡೂಂದಳೇ