ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೩೩

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಪೆದುಮದಿ ಬಾಲೆದ ಅರೋಗ್ಯಗದ್ರಾ ಪೆರಿಮೆರಿಗ್ ಮೂಜಿ ತಿಂಗಳ ಮುಟ್ಟ ಬೇತೆ ಬೇತೆ ನಮೂನೆದ ಮರ್ದ್‌ನ್ ಮಲ್ತ್‌ ಕೊರೊಂದಿತ್ತೆರ್, ಮೈತ ನಂಜಿ ಪೋವರೆಗಾದ ಸೂರುತ್ತ ಪತ್ತ ದಿನ ಕಾಲ್ ಜೀರ್‌ದರಿತ ಕಷಾಯ, ಬೊಕ್ಕ ಪತ್ತೆ ಪತ್ನಿ ದಿನತ ಲೆಕ್ಕಾಚಾರಡು ಶೂಂಠಿ, ಇರುಳ್ಳಿ, ಉಳ್ಳಿ, ಮೆಂತೆ, ಇಂಚಿನೈಡ್ ಲೇಹ ಮಲ್ತ ಕೊರೊಂದಿತ್ತೆರ್. ಬೊಕ್ಕ ಜಿಂಜ ಪೇರ್ ಕೊಜಪು, ನೈ ಬಲಸೊಂದಿತ್ತೆರ್, ಮಾತ ಗಿಡಮೂಲಿಕೆದ ಕೊಡಿಗಟಿನಿ ಉನ್ನರೆ ಪಾಡೊಂದಿತ್ತೇರ್, ಬೊಕ್ಕ ಎರಡ ತಿಂಗಳ ನಾಲ್ ತಿಂಗಳ ಮುಟ್ಟ ಪೆದುಮೆದಿಗ್ ನೆತ್ತರ್ ಕೂಡಾವರಗ್, ಪೇರ್ ಅವರಗ್ ತ್ರಾಣ ಬರೆಗಾದ ಕಡೆ ಮರ್‌ನ್ ಮಲ್ಸ್‌ ಕೊರೊಂದಿತ್ತೆರ್, ಪೆದಿಮೆತ್ತಿ ತಿನ್ನುನ ಇಂಚಿನ ಮರ್ದ್‌ಡ್ ಆತಿನಪೇರ್‌ಡ್ ಪುನಂಚಿನ ಬಾಲೆಗ್ ವಾ ಸೀಕ್‌ಲಾ ಬರೊಂದಿತ್ತಿಜ್ಜಿಗೆ ಕೆಲವು ವರ್ಗದಾಕ್ಲು, ಕಾಲ್ ಜೀರರಿತ ಕಷಾಯಾ, ಸಾಸೆಮಿದ ಉರುಂಡೆ, ತಾತಾಯಿ ಮುಂಚಿ, ತೇರೆ ಕತ್ತೆದ ಗಂಜಿ, ಜಿರಿಗೆದ ಪಲದೆ, ತುರೆತ ಮೆತ್ತೆದ ಗಂಜಿ ಕೇರಿಲಪುದ ಕಷಾಯ, ಮಾತ ಮರ್ದ್‌ ಕೆತ್ತೆದ ಕಷಾಯ, ಸಾಂಬಾರ್ ಅರಿತ ಗಂಜೆ, ಮೆಂತೆ, ಓಮ, ಸಾಸಿಮೆದ ಗಂಜಿ, ಮಲ್ತ್ ಕೊರೊಂದಿತ್ತೆರ್‌ಗೆ ಬಂಜಿನಾಲೆಗ್ ದೃಷ್ಟಿ ಬೂರುಂಡುಂದ್ ಪೆದ್ದೆತ್ತಿಗ್ ಬೇತೆನೇ ಬಲಸೊಂದಿತ್ತೆರ್. ಬೊಕ್ಕ ಬಾಲೆನ್ ಬತ್ತಲೆಡ್ ಆ ಕೋನೆಡ್ ವಂತೆ ಹೊತ್ತು ದೀನಗ ನೆಲತ ಸಿಮಕ್ ಬಾಲೆ ತೇರಂಟೆ ತುಲ್ಲಿಲೆಕ ತುಲ್ಲೊಂದು ಬುಲಿಪನ ಮಾತ್ರ ಕೇನುಂಡು, ಈ ಕ್ರಮೊಟು ಬ್ರಹ್ಮ ದೇವರ್ ಬಾಲೆದ ಹಣೆಬರವುನ್ ಬರೆಪೆರ್‌ಂದ್‌ದ್ ಪನ್ಸುನ ನಂಬೊಲಿಕೆ ಉಂಡು. ಬೊಕ್ಕ ಬತ್ತಿ ಬಿನ್ನೆರೆಗ್, ಮೊದ್ದೆರೆಗ್ ತಮ್ಮಾನದ ವನಸ್ ಪಾಡುವೆರ್. ಅನಿ ಕೋನೆಡ್ ದೀತಿನ ಸಾಹಿತ್ಯಲು ಮಡ್ಯಾಲಿಗ್ ಸೇರುಂಡು, ಬ್ರಾಹ್ಮನೇತರತ್ತಾವಂದಿನಲ್ಲೆಡ ಮೂಜನೆ ಅಮೆ, ಏಲನೇ ಅಮೆ, ಪದಿನಾಜನೆ ದಿನತ ಪೆರಿಯಾಮೆ ಕಲೆಪುನ ಕ್ರಮೊನು ಮಡ್ಯಾ ಮಲ್ಲುವಲ್. ಬ್ರಾಣೇ‌ ಪುದಾರ್ ದೀಪುನ ಕ್ರಮಲೆನ್ ಧಾರ್ಮಿಕ ವಿಧಿವಿಧಾನೆಲೆನ್ ಆಲ್ಲಿನ ಕುಲ ಪುರೋಹಿತೆರ್ ಮಲ್ತ್ ಕೊಪ್ಪೆರ್. ಕೆಲವರ್ ಪತ್ತೊಂಜನಾನಿ ಪುದಾರ್ ದೀಂಡ, ನನ ಕೆಲವೆರ್ ಬಾಲೆ ವಂತೆ ಮಲ್ಲೆ ಆಯಿಬೊಕ್ಕ ಎಡ್ಡೆದಿನ ತೂದ್ ಪುದಾರ್ ದೀಪುನ ಕ್ರಮ ಮಲ್ಪೆರ್, ಬಾಲೆಗ್ ನಕ್ಷತ್ರದ ಪುದಾರ್, ಕುಲದೇವೆರೆನ ಪುದಾರ್, ತಿಂಗಲ್ಲ ಪುದಾರ್, ಬೊಕ್ಕ ವಾಡಿಕೆಡ್ ಲೆಪ್ಪುನ ಪುದಾರ್ ಇಂಚ ನಾಲ್ ಪುದಾರ್ ದೀಪೆರ್, ಅತ್ತಾಂದೆ ಬ್ರಾಣೇರ್ ಬಾಲೆ ಪುಟ್ಟಗಲೆಡೇ ಪೊರ್ತುನು ತೂದ್ ಜಾತಕ ಮಲ್ಲುವೆರ್. ಗೆರಚಾರ 32S