ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೨೩

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ 4. ಬಾಲೆನ್ ತುಂಬುದಿನ ಬಂಜಿನಾಲೆನ ತಾಂಕನೆ ಎ ಪೊನ್ನನ ಗಬ್ಬಡ್ ನನೊಂಜಿ ಜೀವ ಕೊಡ್ಡಿನಗ ಬಂಜಿನಾಲೆನ ದೇಹ ಪ್ರಕೃತಿಡ್ ಜಿಂಜ ಬದಲಾವಣೆ ಆಪುಂಡು, ಮರ್ಕಸಂಕಟ, ಕಕ್ಕುನ, ಉರ್ಚುನ, ಜಿಂಜ ನಿದಿರೆ, ತೊಡು ಬಡವು, ಉರು, ಕೈಕಾರ್‌ ಬಚ್ಚುನು, ಮೈ- ಕೈ ಬಾಪ್‌ಡ್, ನೀರ್ ಬರ್ಪುನು, ಇಂಚ ಆಲೆನ ಚರ್ಯೆಡ್ ಜಿಂಜ ವ್ಯತ್ಯಾಸೊಲು ತೋಜುಂಡು. ಕೆಲವೆರ್ ಇಂಚಿನ ಬಯಕೆ ಸಂಕಟೊಡು ಸೋತುದು ಈ ಜನ್ನೊಗು ಬಾಲೆ ಬೊಡ್ಡಿಂದ್ ಎನ್ಸ್‌ವೆರ್, ಈ ಬಂಜಗದಾನ್ನ ನಮ್ಮ ಹೆರಿಯರ್ನಕು ಬಂಜಿದ ಬಾಲೆದ ಬುಲೆಚ್ಚಿಲ್ಲಾತ್ರ ಕಷಾಯ, ಮರ್ದ್, ಶಕ್ತಿ ಕೊರುನಂಚಿನ ಹಾರ, ಅತ್ತಂದೆ ಬೇತೆ ಬೇತೆ ನಮುನೆದ ತಿನರೆನ್ ಮಲ್ತ್ ಕೊರೊಂದಿತ್ತೆರ್. ಪೊನ್ನ ಇಲ್ಲದಕು ಮಗಲೆನ್ ಕಂಡನೆ ಇಲ್ಲಡ್ ಲೆತೊಂದು ಬತ್ತ್ದ್ ಪೇರ್‌ಗಂಜಿ ಬಲಸೊಂದಿತ್ತೆರ್. ಅಲೆನ ಅಂಗಲಾಪುಗಾತ್ರ ಬೋಡಿತ್ತಿನೆನ್ ಈ ನೆವನಡ್ ಮಲ್ತ್ ಕೊರೊಂದಿತ್ತೆರ್. ه ಏ ತಿಂಗಲ್‌ಗ್ ಬಯಕೆ ಕ್ರಮಗಾದ್ರ ಪೊಸಸೀರೆ ಕೊರ್ದು ಪೂತ ಜಲ್ಲಿ ಪಾಡ್ ಬಂಗಾರ್‌ಡ್ ಐತ ಮಲ್ತ್‌ದ್ ಬಂಧುಲೆನ್ ಲೆತ್ತ್ದ್ ತಿನರನ್ ಬಲಸುನ ಶಾಸ್ತ್ರ ಮಲ್ಪೆರ್. ಉಡುಗೊರೆ ಕೊರ್ಪೆರ್, ಆನಿ ಬಯಕೆದ ಮದಿಮಾಲೆನ ಬಾಯಿದ ಮಡೆ ದೆಪ್ಪರೆಗಾತ್ರ ಒರ್‌ಂಬ ಬಗೆತ ಪೊಡಿಲೆಡ್ ಮಲ್ಲಿನ ಅಪ್ಪದಡ್ಡೆ, ಗಂಡದೆಡ್ಡೆ, ಚಿಲಂಬಿದೆಡ್ಡೆ, ಅರೆಪ್ಪುದೆಡ್ಡೆ, ಕುಪ್ಪೆ ರೊಟ್ಟಿ, ನೀರ್‌ ತೆಲ್ಲಾವು, ಮತ್ತೆ ತೆಲ್ಲಾವು, ಪೊರಿಯೆಡ್ಡೆ, ನೂಕಡೆ ತಿಂಡಿಲೆನ್ ಬಲಸುವೆರ್. ನುಪ್ಪುದ ನಡುಟು ಬೆಯ್ದಾದಿನ ತೆತ್ತಿ ದೀಪೆರ್, ಬೈಕಿ ಪೊಡಿ ಪಂಡ ಚಕ್ಕುಲಿದ ಹಿಟ್ಸ್‌ಡ್ (ಪೊಡಿಟ್ಸ್) ತೊಟ್ಟಿಲ್, ಬಾಲೆ, ಸೂರ್ಯ, ಚಂದ್ರೆ, ಶಂಖ, ಚಕ್ರ, ಬರ್ಚನೆ, ಕೊರಲು, ಗಿಜ್ಜತ್ತಿ ಇಂಚಿನ ಮಾತಾ ನಮೂನೆನ್ ಬಂದಡ್ ಮಲ್ತದ್ ಎಣ್ಣೆಡ್ ಕಾಯ್ತಿದ್ ಮಲ್ಲ ಮರ್ಯೆ ನಿನ್ನೆ ಬಲಸ್‌ದ್, ಐತ ಮಲ್ಲಿನ ಬಯಕೆದ ಬಂಜಿನಾಲೆನ ಎದುರುಡು ಮುತ್ತೈಸಿನಾಕ್ಲು ದೀದ್ ಅಲೆಗ್ ಇರೆಪಾಡ್ ಬಲಸುವೆರ್. ಮರಡ್ ನಿದ್ರೆ ಇತ್ತಿನ ಅಡ್ಡೆಲೆನ್ ಆಲ್ ಅಪ್ಪೆ ಇಲ್ಲಗ್ ಪೋನಗ ಪತೊಂದ್ ಪೋವೆರೆಗ್ ಕೊರ್ಪೆರ್. ಏತೆ ಬಡಪಾಕ್ಲು ಆಂಡಲಾ ಬಂಜಿದ ಬಾಲೆದ ಬಯಕೆಗಾದ್ರ ನಾಲ್ ಇಲ್ಲ ನಟ್ಟಿದಾಂಡಲಾ ಬಯಕೆದ ಶಾಸ್ತ್ರ ಮಲ್ಲೊಡ್‌ಗೆ. ಇಬ್ಬಡ ಬಾಲೆದ ಕೆಬಿ ತೋರುಂಡ್‌ಂದ್ ಹೆರಿಯರ್‌ನಕ್ಲು ಪಕ್ಷುನೆನ್ ನಮ್ಮ ಇತ್ತೆಲ ಕೇನ್‌. ಕೆಲವು ಬಂಜಿನಾಗ್ ಮಣ್, ಬೊನ್ಯ, ಕಲ್ಲೆ, ಪುಲಿ, ಕಾಯಿಕುಕ್ಕು, ಕರ್ಪೂರ, ಗಂಧ ಇಂಚಿನ ವಸ್ತುಲೆನ್ ತಿನರೆಗ್ ಕೊದಿ ಆಪುಂಡು, ಸತ್ಯದಾದ ಪಂಡ ಅಲೆನ 22S