ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೨೧

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಪದೆತಿನಾಯ್ಡು ದುಂಬು ಊರುಡು ಅಲ್ಪ-ಮುಲ್ಪ ಪೆದುಪೋಪುನ ಆಸ್ಪತ್ರೆಲು ಇಜ್ಜಿ, ಒಂಜಿವೇಲೆ ಇತ್ತ್ಂಡಲಾ ಮಲ್ಲ ಮಲ್ಲ ಪೇಂಟೆಡ್ ಮಾತ್ರ ಪೆದುಪೋಪುನ ಸೂಲಗಿತ್ತಿಲಾ ಇತ್ತೀಜೆರ್. ಊರುಡಿತ್ತಿನ ಧೈರ್ಯೊದ ಪದೆತಿನಕ್ಲು ಬಾರಿ ಬಿರ್ಸಾತಿಕೆಡ್... ಬಂಜಿನಾಲೆಗ್ ಧೈರ್ಯ ಕೊರೊಂದು ಪೆದ್ದಾವೊಂದಿತ್ತೆರ್. ಬಾಲೆ ಅಡ್ಡ ಇತ್ತೆಂಡಲ.. ಬುಲೆದ್ಂಡಲ ಬಂಜಿಗ್ ಎಣ್ಣೆ ಪೂಜಿ-ಪೂಜಿದ್ ಇಕ್ಕತ್‌ಡ್ ಪೆದ್ವಾವೊಂದಿತ್ತೆರ್ಗೆ, ಕೈ ಪಾಡ್ಲ್ಯಾನ್ ಪಿದಾಯಿ ಒಮ್ಮೊಂದಿತ್ತೆರ್‌ಗೆ, ಮೈತ ನರನಾಡಿಲು ಸಡಿಲಾವೆರೆಗ್ ಜೀರ್ದರಿ, ಕಡಿರ್ದಬೇರ್, ನುಗ್ಗೆ ತಪ್ಪುದ ಕಷಾಯಲೆನ್ ಬೆಚ್ಚಮಲ್ತ್ದ್ ವಂತೆ ವಂತೆ ಪರ್ಪಾವೊಂದಿತ್ತೆರ್‌ಗೆ, ಪದೆತಿಗ್ ಲೆಪ್ಪು ಪೋನಗನೇ.. ಪೆದಿಮೆತ್ತಿ ಬಾಲೆದ ಚಾಕರಿ ಮಲ್ಲರೆಗ್ ಮಡ್ಯಾಳಿದ್ದ ಲೆಪ್ಪು ಪೋವೊಂದಿತ್ತಂಡ್‌ಗೆ ಮಾತ್ರ ತಿರ್ತವರ್ಗಡ್ ಇಲ್ಲದಾಗ್ಲೆ ಪದೆತಿ... ಮಡ್ಯಳಿನ ಬೇಲೆ ಮಲೊಂದಿತ್ತೆರ್. ಯಾನ್ ತೆರಿಮಟ್ಟೆಗೆ ಮಂಗಳೂರು ತಾಲೂಕು ಪಾವಂಜೆ ಗ್ರಾಮಡಿತ್ತಿನ ಮಾಣಿ ಪನ್ನುನ ಸೊನ್ನ ವರ್ಷದ ಪರು ಪೆದ್ದೋಪುನೈಟ್ ಭಾರಿ ಬಿರ್ಸೆದಿ. ಸಾರ ಜೋಕ್ಲಿಡ್ ಎಚ್ಚ ಬಾಲೆಲೆನ್ ಪೆದ್ದೋತೆರ್ಗೆ, ಜಿಂಜಿನ ಬಂಜಿನಾಲೆನ ಬೇನೆನ್ ಗುರ್ತ ಮಲ್ತ, ಈತ್ ಪೊರ್ತುಗು ಪೆಟ್ಬಾಲ್ ಪಂಡ ಆಕುಲು ಅಷ್ಟೇ ಪೊರ್ತುಗು ಪೆದೊಂದಿತ್ತೆರ್‌ಗೆ, ಬಂಜಿದ ಬಾಲೆ ಅಡ್ಡ ಉಂಡು, ಅತ್ತಡ ನಿದಿಪ ಉಂಡ್‌ಂದ್ ಅಂದಾಜಿಡ್ ಪನೊಂದಿತ್ತೆರ್‌ಗೆ, ಪತ್ತಿ ಬಾಲೆಲೆನ್ ಆಕ್ಲು ಪಂಡಿನ ದಿನತಮುಟ್ಟ ತಾಂಕೊದಿತ್ತೆರ್‌ಗೆ, ಬೆಂಗಳೂರು - ಬೊಂಬಾಯಿಲೆಗ್ ಪೆದಿಮೆತಿ ತಾಂಕರೆಗಾದ್ರ ಪೋವೊನ್ದಿತ್ತೆರ್, ಆರ ಕೈಟ್ ಆಪುಜ್ಜಡ.. ಅದಗನೇ ಪಂಡ್ಸ್ ಕುಡ್ಲದ ಆಸ್ಪತ್ರೆಗ್ ಕಡಬುಡೊಂದಿತ್ತೆರ್‌ಗೆ, • ಅಪ್ಪೆನ ಮೋಕೆಗ್ ಏರ್ಲಾ ಬಿಲೆಕಟ್ಟರೆಗ್ ಸಾಧ್ಯ ಇಜ್ಜಿ. ವಂಶವೃಕ್ಷದ ಬುಲೆಚಿಲ್‌‌ ಅಪ್ಪೆ ತುಡರ್ ಅರ್ಲುನ ಸಾನದಿಗೆದಲೆಕ್ಕ, ಪತ್ತಿರ್ವ ಜೋಕ್ಲಿಡ್ಕೊಂಡಲಾ.. ಅಪ್ಪೆನ ಮೋಕೆ ಮಾತೆರೆಗ್ ಒಂಜೆ, ಐಟ್ ಪರಭೇದ ಇಜ್ಜಿ. ಆಂಡಲಾ ತುಲುವೆರ್‌ಡ ಸುರುಕು ಪುಟ್ಟಿನ ಬಾಲೆಗ್ ಕಡಿರ್‌ ಕಂಜಿ, ಕಡೇಕ್ ಪುಟ್ಟನ ಬಾಲೆಗ್ ಕಡೆತ ಕಂಜಿಂದ್ ಲೆಪ್ಪೆರ್. ಅಕ್ಲಡಪ್ಪ ಅಪ್ಪೆಗ್ ಜಿಂಜ ಮೋಕೆಂದ್ ಪನ್ನೆರ್. ವಾ ಬಡಪತ್ ಉಪ್ಪಡ್ ಅಪ್ಪೆ ತಾನ್ ತೆಲಿಪರ್ದ್, ಬಾಲೆಗ್ ನುಪ್ಪು ಬಲಸ್‌ವಲ್, ರಡ್ ಉಪ್ಪು ಪಾಡ್- ಉರೆಕೊಡಿನ ತಪ್ಪದ ಕೈಪು ಮಲ್ತ್‌ದ್ ಬಲಸುಂಡಲಾ, ಅಪ್ಪೆನ ಮೋಕೆದ ಕಡಲ್‌ಡ್ ಜೋಕ್ಲಿಗವ್. ಅಮೃತ ಆಪುಂಡು, ಬಾಲೆಗ್ ಉಪದ್ರದ ದಿಟ್ಟಿಬೂರೆ ಬಲ್ಲಿಂದ್ ದಿಟ್ಟಿದೆಪ್ಪಲ್, ಬಾಲೆ ಸೀಕ್‌ಡ್ ಬೂರುಂಡ ಕಂಗಾಲಾಪಲ್, ಗೊತ್ತಿತ್ತಿನ ದೈವ ದೇವೆರೆಗ್ ಪಟ್ಟ-ಪರಕೆ ಪನ್ಸಲ್, ನಾರ್-ಬೇರ್-ತಪ್ಪನ್ ಗುದ್ದ್ ಮರ್ದ್ ಮಲ್ಪೆ ಕೊರ್ಪಲ್, ಭದ ಭಟ್ರೆಡ ರಾಶಿ ದೀಪಾದ್.. ಐತ ಪಿರಿಕಟ್ಟೆಗೆ ನಿವೃತ್ತಿ ಮಲ್ಪಾವಲ್. ಮಂತ್ರವಾದಿಲೆನ ಕೈತಾಲ್ ಪೋದು ಮಾಟ ಕಿರ್ತಿ ದೋಷನ್ ದೆಪ್ಪಾವಲ್. ದುಂಬು ಬಾಲೆದಾಂತಿನ ಗೊಡ್ಡುನ ನಿರೆಲ್ ಬಾಲೆಗ್ ರೆಂಕರೆಬಲ್ಲಿಗೆ, ಆಲ್ ಬಾಲೆನ್ 20S