ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಮೂಲೈರ್, ಮೊಯ್ಲಿ, ಸಾಲಿಯೆ, ಮಲೆಕುಡಿಯೆ, ಬಿರುವೆರ್, ಪಂಬಾಲ, ಕಳೆಸಿ, ಮಡಿವಾಳೆ,ಮುಖಾರಿ,ಮುಗೇರ್, ದಿಕ್ಕೆ-ಕೊರಗೆರ್ ಬಾಲುಲೆನ್ ತಾಂಕುನ ಕಟ್ಟೆ, . ಪಿಲೆತಕರ. .ಒಂಜೇಲೆಕ್ಕ ಉಪ್ಪುಂಡು. a ಬೊಕ್ಕ ಜೈನೆರೆಡ್ ರಡ್ ಪಂಗಡ ಇತ್ತಿನೆಟ್ ಒಂಜಿ ವರ್ಗ ಪಿತೃ ಪ್ರಧಾನ ಪದ್ಧತಿನ್ ಆಚರನೆ ಮಲ್ಪೆರ್. ಪಿತೃ ಪ್ರಧಾನ ಪದ್ಧತಿದ ಬಾಲೆದ ಧಾರ್ಮಿಕ ಆಚರನೆಲು ಒಂಜೇಲಕ್ಕ ಉಪ್ಪುಂಡು. ಎನ್ನ ಅಂದಾಜಿದ ಪ್ರಕಾರ . . ಅಪ್ಪೆ ಬಾಲೆದ ಸಿರಿ ತುಪ್ಪೆ, ಬಾಲುಲೆನ ತಮೆರಿ-ತಾಂಕಣೆ ಆಲೆನವು ಆಯಿನೈಡ್ಡಾವ ಬಾಲೆನ್ ಮಾನಾವುನ ಕಬಿತೆದ ಉದಿಪನೆಲು. ಮೌಖಿಕ ಸಾಹಿತ್ಯ ಆದಿಪ್ಪು. ಆಂಡ ಆಕುಲೆನ ಕಬಿತೆಡ್, ಗಾದೆಲೆಡ್, ಪಾಡ್ಡನಡ್. ಆನಿದ ಜನಮಾನಿನ ಬದ್, ಬೇಲೆ, ಭಾಷೆ, ನಡಾವಲಿ ಇಂಚಿನ ಮಾತಾ ಸಂಸ್ಕೃತಿನ್ ನಮ ಸ್ಪಷ್ಟವಾದ್ ತೆರಿಯನೊಲಿ. ಒಂಜಿ ದುರಂತದ ಸಂಗತಿ ದಾದ ಪಂಡ ಇತ್ತೆ ಮಾತೆರೆಗ್ಲ ಪೆದ್ದರೆಗ್ ಆಸ್ಪತ್ರೆಲುಂಡು. ಮರ್ದ್‌ಾ ಅಂಗಡಿಡ್ ತಿಕ್ಕುಂಡು, ಒಂಜಿ ಬಾಲೆನ್ ತಾಂಕರೆಗ್ ಮಡ್ಯಾಲ್ಲಿ ದಾಯೆ ಬೋಡು? ಬಜೆ, ಮೂಲಿಕೆಮಾತ್ರೆ ನೆಕ್ಕಾವುನ, ಗಿಡಮೂಲಿಕೆನ್ ಬುಲೆಪೋವುನ, ಮರ್ದ್ ಮುನ ಭಂಞ ಏರೆಗ್ಲಾ ಬೊಡ್ಡಿ, ನನ ಬಾಲೆದ ಪದಕ್ಲನ್, ಕಬಿತೆಲೆನ್ ಪಂದ್ ಗೊಬ್ಬಾವುನಾತ್ ಪುರುಸೊತ್ತು ಇತೆದ ಅಪ್ಪೆಡಿಕ್ಲಗ್ ಒಲ್ಲುಂಡು ? ಕಾಸ್ ಕೊರುಂಡ ಬಾಲೆದ ಹಾರಗ್ ಡಬ್ಬಿಲೆಡ್ ಪೊಡಿ ತಿಕ್ಕುಂಡು.ಬಾಲೆ ಬುಲ್ತುಂಡ ಮಾನಾವರೆಗೆ ನಿದ್ರೆದ್ ಮಾತ್ರೆಲೆನ್ ಕೊರ್ಪುನಂಚಿನ ಬೇಬಿ ಸಿಟ್ಟಿಂಗ್ ಉಂಡು. ಪ್ಲೇ ಸ್ಕೂಲ್ ಉಂಡು, ಅಜ್ಜ- ಅಜ್ಜಿ ಕೂಡುಕುಟ್ಟದ ಮೋಕೆ ಬಾಲುಲೆಗ್ ಇತ್ತೆ ಕನನೇ ಸರಿ, ಕಂಡನೆ ಬುಡೆದಿ ಇರುವೆರ್‌ಲಾ ಬೆನ್ನುನ ಅಂಬರಾಪುದ ಯಾಂತ್ರಿಕ ಬದ್ ಅಪ್ಪೆ ಅಮ್ಮನ್ ತೂವಂದೆ, ಮೋಕೆದಾಂತೆ ಮಲ್ಲಪುನ ಜೋಕ್ಲಿನ್ ನಮ ಇತ್ತೆ ತೂವೊಂದುಲ್ಲ. ನನ ದುಂಬುದ ನಂಬಿಕೆಲು, ನಡಾವಲಿಲು, ಮೀಪಾವುನ, ಮಾನಾದ್ ಗೊಬ್ಬಾವುನ ವಿವರನೆಲು ನನ.. ಒರಿಂಡ ಅವು ಅಚ್ಚಾಯಿನ ಬೂಕುಲೆಡ್ ಮಾತ್ರಂದ್ ಎನ್‌ನಗ.. ಇತ್ತೆದ ಬಾಲೆಲು.. ಬಾಲ್ಯದಾಂತಿನ ಶಾಪಗ್ರಸ್ಥೆರೆಂದ್ ಪನರೆಗ್ ಜಿಂಜ ವ್ಯತೆ ಆಪುಂಡು.
191
