ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಮಣ್ಣ ದ ಗುಣೋ ಬಿರ್ಸ್ ಮಲ್ಲಾವು. ಓ ಬಾಲೆ ನಿದ್ರೆಡ್ ಲಕ್ಕಪ್ಪ ಕನಕುಲೆ ಕುಡ್ ಲಕ್ಕೊಂದು ಬಲ ಇತ್ತೆ ಈ ಚಲ್ಲಿ ಜಾಗಡ್ ಕೇಂದ್ ಪಾಸ್‌ಡ್ ಲಕ್ಸ್ ಕಣ್ಣೆದ್ ಉಂತೊನ್ಹಾ.
ಬಾಲೆಲೆಗ್ ಸಂಬಂಧ ಪಟ್ಟಿನ ನುಡಿಕಟ್ಟುಲು ಜನಮಾನಿನ ಬದ್‌ ಪುಟ್ಟು ಕಜಂಬು ತರೆನೀರ್‌ದ ಮದಿಮೆ, ಮದಿಮೆ- ಬಯಕೆ- ಸಾವು, ಕನ್ಯಾವು ಇಂಚಿನ ಎಡ್ಡೆ ಪಡೆದ ಸಂಸ್ಕಾರೊಡು ಪತ್ತಸೇರ್ದಿನ ಕಲೊಟು ಸುಗಿಪುನ ಮದು ಪುನ ಆಚರನೆ ಉಂಡು. ಧರ್ಮದ ನಡೆಟ್ ದೈವ, ಬಾಲೆಗ್ ಬಾಳ್ಯದ ಪೆಟ್ಸ್ ಕೊರ್ಪಿನವು ಧರ್ಮ ಅಂದ್ ನುಡಿಟ್ ಅಭಯ ಕೊರ್ಪುಂಡು. ಬಯಕೆದ ಪೊರ್ತುಡು ಪೊನ್ನನ್ ಅಪ್ಪೆ ಇಲ್ಲಗ್ ಕಡಬುಡ್ಡುನ ಪೊರ್ತುಗು ಇಲ್ಲದ ಗುರ್ಕಾರೆ, ದೈವ-ದೇವೆರೆನ ಎದುರುಡು “ಎಂಕುಲು ನಂಬೊಂದು ಬೈದಿನ ಸಲು, ರಡ್ ಕುಟ್ಟದ ದೈವದೇವರ್ನಾಕು ಈ ಇಲ್ಲದ ಬಾಲೆ (ಬಯಕೆದ ಮದಿಮಾಲ್) ಜತ್ತ್ ಪೋಪಿನ ಪೊರ್ತುಗು ವಿಸ ಗಲಿಗೆ ಇತ್ತಂಡ ಅವೆನ್ ಗರುಡ ಬಾಯಿಗ್ ಪಾಡ್ಜ್ ಅಮೃತ ಗಲಿಗೆನ್ ಒದಗಾದ್ ಕೊರೊಡು, ದಿಂಜಿದಿ ಕಪ್ಪಲ್ ನಂಜಿದ ಪುದೆ ಬಂಜಿಡುಂಡು, ಪೆದ್ದುನ ಪೊರ್ತುಡು ಒಂಜಿ ಜೀವ ರಡ್ಡಾನಗ ಅಲೆಗ್ ಬರ್ಪುನಂಚಿತ್ತಿನ ಮಾತ ಪೆದ್ದುಬೇನೆ ಬೆಸರಗ್ ಕುದ್ದುಬೇನೆ ಕೊರ್ದು, ನಂಜಿ ನೀರ್‌ನ್ ಪಿದಯಿ ಪಾಡ್ ಆಲ್ ಆನ್ ಬಾಲೆನ್ ತೊಗ್ದಾಲೆ ಪತೊಂದು ಈ ಇಲ್ಲ (ಕಂಡನೆನ) ಮುಟ್ಟಿಕಲ್ಲ ಮಿತರ್‌ಲೆಕ್ಕ ಮಲ್ಪುನ ಕೀರ್ತಿ ಎಂಕುಲು ನಂಬುದಿನ ಸಲೆಗ್ ಸೇರ್ದಿನಂದ್ ಸುಗಿತ್‌ ಕಡಪುಡ್ಸ್ ಕೊರ್ಪೆರ್. ಬಾಲೆ ದಾಂತೆ ದೈವಡ ದೂರು ಕೊರ್ನಗ - ಸಂಸಾರಗ್ ವಂಸದ ಕೊಡಿ ಬೋಡು ಪನ್ನುಂಡು, ನಾಗ ಬೆರ್ಮೆರೆನ್ ಸಾರಥಿ ಮಲ್ಲೊಂದ್ ಮಾಗಣೆ ದೇವೆರೆನ ಅನು ದೆತ್ತೊಂದ್ ಮೂಜಿ ಸನಿವಾರ ಮಧುಮಾಸ ತಿನಂತೆ ಅಸ್ವತ್ಥ ಕಟ್ಟೆಗೆ ಬಲಿ ಬರೊಡು. ಮೂಜಿ ಅಮಾಸೆ ಮೀಯೊಡು, ಪರಬಿತ್ತಿಗ್, ಪೊಸ ಬಿತ್ತ್ ಮಗ ಪಾಡೊಡು. 181
