ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೬೬

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಅತ್ತಾಂದೆ ಮಲ್ಲಕ್ಲು ಕಣ್ ರೆಪ್ಪೆನ್ ಮಿತ್ತೆ ಮಲ್ತದ, ಒರ್ದ ಕಣ್ಡ್ ತೂದಾ, ಮಂಗ ಮುಸುಂಟು ಮಲ್ಪೆ ಬಾಲೆನ್ ಗೊಬ್ಬವೆರ್. “ಞಕ್ಕೆ ಬಾಲೆ ಇ... ಸೇಮೆದಡ್ಡೆ ಮುಕ್ಕು ಬೈತರಿತ ನುಪ್ಪು... ಬಂಗಡೆದ ಕಜಿಪು.” ಬಾಲೆ ಮಡೆ ಮಲ್ಲುನಗ ಈ ಪದನ್ ಕುಸಾಲ್‌ಗ್ ಪಸ್ಪೆರ್. ಬಾಲೆದೊಟ್ಟುಗು ಮಲ್ಲಾತಿನ ಜೋಕ್ಲುಲಾ ಕೈ ಬಿರೆಲ್‌ನ್ ನೆಲಕ್ ಊರ್ದು... ಸುತ್ತಕಟ್ಟಿದ್ ಕುಲ್ಲುನಗ ಅತ್ತಡ.. ಬಾಲೆದ ಒಂಜೊಂಜಿ ಬಿರೆಲ್‌ನ್ ಮುಟ್ಟುದು - ಅಟ್ಟೆ – ಮುಟ್ಟಿ ಎನ್ನ ದೇವಿ | ನಿನ್ನ ಪುರುಷ | ಓಡೆಗ್ ಪೋಯೆ? ಕಾಶಿಗ್ ಪೋಯೆ ಜಾದೋ ಕೊಣತೆ? ಅರಗಿಳಿ ಕೊಣತೆ ಏರೆಗ್ ಕೊಳಿಯೇ? ಮಿಂಡಿಗ್ ಕೊಳಿಯೆಂದ್ ಬಾಲೆದ, ಬಿರೆಲ್‌ದ ಇಡೆಕ್ ನಮ್ಮ ಬಿರೆಲ್‌ನ್ ನೂಳಾವೆರ್. ಅರ್ಪನ್ ತಿರ್ಪನ್ | ಕೋರಿಗ್ ಬರ್ಪನ್ ಆನೆ- ಕುದುರೆ | ತತ್ತಿಕೊಂಡ ಮಟಕ್ ಇಂಚ ಬಾಲುಲೆನ ಕೆಲವು ಪದಗ್ಲೆಡ್ ಯೇತೇತೋ ನಮುನೆದ ಸಾಹಿತ್ಯಲೆನ್ ನಮ ತೂವೊಲಿ. “ತೌತೆ ಕೊದ್ದೆಲ್ ದುಮ್ಮ ಪೊತ್ತೆಲ್ ತೌತೆ ಕೊದ್ದೆಲ್ ಉಂದೆನ್ ಉಸಿಲ್ ಬುಡಂದೆ ಪನ್ನಗ ಬಾಲುಲೆನ ಕೆಬಿ ಅರ್ಲುಂಡು. ಮುಲ್ಪ ಪ್ರಾಸೊಗು ಸರಿಯಾದ್ ಅರ್ಥೊಲೆನ್ ನಾಡ್‌ದೆರ್ ಅರ್ಥೋಲೆಗ್ ಬೋಡಾದ್ ಸಬ್ಲೊಲೆನ್ ನಾಡುನವತ್ತ, ಪ್ರಾಸೊಲೆಗಾದೇ ಅವು ಮುಡೆದ ಬತ್ತಿನವು. ಬಾಲೆನ್ ನಲಿಪೋಪುನ ನನೊಂಜಿ ಪದ ಬಾರಿ ಪೊರ್ಲುಂಡು, ಉಂದು ಬಾಲೆಗ್ ಅರ್ಥದೊಟ್ಟುಗು ಅಭಿನಯನ್ ಪಂದ್ ಕೊರುನಂಚಿತಿನ ಪದ. ಮಾಮಿ ಇಲ್ಲಡ್ ಪರ್‌ಂದ್ ಕೈಲ್ | ತುಂಬುನೆಂಚ ಮಂಗಣ್ಣ ದಿಬ್ಬಣ ಬತ್ತಿ ಪೊಣ್ಣ | ನಿಮ್ಮ ತೂಪಿನೆಂಚ ಮಂಗಣ್ಣ? ಬೆತ್ತ ಪತೊಂದಿ ಮಾಮಣ್ಣನ್ | ಗಿಡ್ಡುನೆಂಚ ಮಂಗಣ್ಣ? 165