ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೬೫

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಈ ವಿವರನೆಲಾ ಉಂಡು, ಗೆಲ್ಡ್ ಗೆಲ್ಲಗ್ ಪೋದು ಕುಲ್ಲುದು ಕುಕ್ಕು ತಿನ್ನುವ ಚಣಿಲಣ್ಣನ್ ಬಾಲೆ ಸೋಜಿಗಡ್ ತೂವೊಂದು ಪಕ್ಕ ಪಕ್ಕ ನುಪ್ಪುನು ದಿಂಗುಂಡು, ಬೊಕ್ಕ ಇಲ್ಲದ ಅಜ್ಜ ಅಜ್ಜಿ... ಕುಕ್ಕುನು ಉಜುಂಬುದು ಕೊರಂಟ್‌ನ ದಕ್ಕದ್ ಬಾಲೆಡ ಐತ ಬೆರಿಟೆ ಪೋದು ಕನಲಂದ್ ಕುಶಾಲ್‌ಡ್ ಪನ್ನೆರ್. “ಬಾಲೆ ಈ ಕೊರಂಟ್‌ ಬೆರಿಯೇ ಪೋಲ ಆವಾಂದ್” ಓಲೆಮಾನಿ ಕಡಪುಡ್ಡು, ಕೊರ್ಪುನವು ಬಾಲುಲೆನ ಕಲ್ಪ ಮಾತ್ರ ಅತ್ತ ಮಲ್ಲನ ಜೋಕ್ಲಾಟಿಗೆಲಾ ಅಂದ್. 6 ಇಲ್ಲದಾಕ್ಲು ಕುಲ್ಲುದಿಪ್ಪೆರ್, ಅಜ್ಜಿ ಗುಜ್ಜೆ ಮಾರ್ನಾಲ್.. ಅದಿಪೆರ್, ಒರಿ ಕೇನ್‌ವೆ. ಬಾಲೆನ್ ಅಜ್ಜಿನ ಸೆರಂಗ್‌ಡ್ ಮದೆ ಮಲ್‌ದಿಪ್ಪೆರ್. ಅಜ್ಜಿ... ಅಜ್ಜಿ... ಒಂಜಿ ಗುಜ್ಜೆ ಕೊರೊಂಡೆಗೆ... ಏರೆಗ್ ಗುಜ್ಜೆ? ಮಂತ್ರಿಗ್ ಗುಜ್ಜೆ ಕೋಡೆ ಕೂರ್ನವು ಓಡೆ ಪೋಂಡು? ಅವು ಅಂಬಿಗ್ ಬೂರುಂಡ್ ಮೊರಾನಿ ಕೊರ್ನವು ಓಡೆಗ್ ಪೋಂಡು? ಅವು ಕೆಸರ್‌ಗ್ ಬೂರುಂಡು ಎಲ್ಲಾಂಜಿ ಕೊರ್ನವು ಓಡೆ ಪೋಂಡು? ಅವು ಪೀ-ಕ್ಕೆ ಬೂರುಂಡು ಐತೆಲ್ಲಾಂಜಿ ಕೊರ್ನವು ಓಡೆ ಪೋಂಡು? ಅವು ಪಡಿಕೆಗ್ ಬೂರುಂಡು. ಅಜ್ಜಿ... ಇಜ್ಜಿ... ಇಜ್ಜಿ... ಎಂಕ್ಲಗೆ ನಿನ್ನ ಮುಟ್ಟಿಲ್‌ನ ಗುಜ್ಜೆ ಬೋಡ್‌ಂದ್ ಸಿರಂಗ್‌ಡ್ ದೆಂಗಾದೀನ ಬಾಲೆನ್ ಪಲ್ಸ್‌ವೆರ್. ಉಂದು ಬಾಲೆನ್ ದೆಂಗಾದೀಪಿನ ಗೊಬ್ಬು. ಅಂಚನೆ ಅಪ್ಪೆ-ಅತ್ತಡ ಎರ್ಲಾಂಡಲಾ ಬಾಲೆಗ್ ಅತ್ತಡ ಅಕುಲೆನ ಮೋನೆಗ್ ಕುಂಟು ಕೊಕಿ... ಹಾತಿ, ಕೋಕಿ... ಹಾತಿ ಕೋಕಿ ಪನ್ನಗ ಮೋನೆಗ್ ಕುಂಟು ಪಾಡೈರ್, ಹಾತಿ ಪನ್ನಗ ಮೋನೆದ ಕುಂಟು ದೆಪ್ಪೆರ್. ಉಂದುಲಾ ಬಾಲೆಲೆನ್ ಗೊಬ್ಬಾವುನ ಗೊಬ್ಬು, ಹತಿ ಪನ್ನಗ ಬಾಲೆದ ತೆಲೆದ ಮೋನೆ ತಡೆದಾತ್ ಅಗೆಲ, ಅಂಚನೆ ಕಣ್ಣಿಡ್ ತೂಪಿನ ಬೊಕ್ಕ ಮುಚ್ಚುವ ಗೊಬ್ಬು ಬಾಲೆಲೆಗ್ ಕುಷಿ ಕನಪಿನವು. ಬಾಲೆ ಪಿಟಿ-ಪಿಟಿ ಕಣ್ ಓಂಡಮ್ಮ ಒರ ಮಲ್ಲು ಬಾಲೆ ಪಂಡ ಕಣ್ಣನ್ ಮುಚ್ಚಿದ್... ದೆಪ್ಪುನ ಬೊಂಬೆದಲೆಕ್ಕ ಮಲ್ತ್ ತೋಜಾವುಂಡು. 164