ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೬೪

ಮಗಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ವಾನ ಸಂತೇಸ ಎಂಚನ, ಅಂಚನೆ ಕೋಪದ ನಲಿವಾಟಿಕೆ-ಬುಲಿಪಾಟಿಕನ್ ತೂವರೆಗೆ, ಪನರೆಗ್ ಆವಂದಿನವು. ಐಕ್ಲಗ್ ಪಂಡಿನನೇ ಆವೊಡು, ಬಾಲೆ ಪಂಡಿಲೆಕ್ಕನೇ ಕೇನೊಡು, ಇಲ್ಲದಾಕ್ಲು ಮಾತಾ ತನ್ನನ್ ಪೊರ್ಲುಡು ಮಾನವೊಡುಂದ್ ಆ ಬಾಲೆಲೆನ ಆಲೊಚನೆ ಆದಿಪ್ಪು. ಎಂಕೊಂಜಿ ಬಾಲೆ ಉಂಡು... ಬೊಟ್ಟಂತಾತ್ ಐಕೊಂಜಿ ಕೋಪ ಉಂಡು ಅಟ್ಟಂತಾತ್ ಅಯ್ಯೋರ ಕೊಳ್ನ ಕುಂಜಾರಮ್ಮಮ್. ಮುಲ್ಪ ಬಾಲೆದ ಕೋಪನ್ ಕುಂಜಾರಮ್ಮಗ್ ಕೊರೊಡುಂದು ಅಪ್ಪೆ ಬಯಕುವಲ್. ಕುಂಜಾರಮ್ಮ ಪಂಡ ಆಲ್ ದುರ್ಗೆನ ಅವತಾರ. ದುರ್ಗೆ ಪಂಡ ಚಂಡಿ, ಚಾಮುಂಡಿ, ಕೋಪದ ನನೊಂಜಿ ರೌದ್ರ ರೂಪ. ನಿನ್ನ ಕೋಪನ್ ದುರ್ಗೆಗ್ ಕೊರ್ಲಂದ್ ಅಪ್ಪೆನ ಆಶಯನ್ ಪದಟ್ ಮುಡತೆ‌. ಚಣಿಲ್ ಅಂಚೇಂದ್‌ಂಡ್ | ಚಣಿಲ್ ಇಂಚೇಂದ್‌ಂಡ್ ತಾರೆಗ್ ಮಿತ್ತ್ ಪೋದು ಕಲಿಪರ್‌ಂಡ್ | ತರೆ ಗಿರಿಂಡ್ 9 ಡಬ್ಬ ತಿರ್ತ್ ಬೂರುಂಡು | ಮಿತಡ್ಯ ಪರಡ್‌ಂಡ್ ಕಣ ಕೋಡಿ ನೂರುಂಡ್ ! ಅಂಚಿ ಮಗರ್‌ಂಡ್ ಇಂಚಿ ಮಗರ್‌ಂಡ್ | ಡಬ್ಬ ಬೂರ್‌ಂಡ್ ಡಬ್ಬ ಬೂರ್‌ಂಡು | ಡಬಾಲ ಬೂರುಂಡ್ ಇಂಚ ಚಣಿಲ್ಲ ಮತ್ತೆ ಬಾಲೆಲುಗಾದ್ರ ಜಿಂಜ ಪದಕ್ಕುಂಡು. ಬಹುಶ: ಪುರುಬಾಲೆ ತೂವೆರೆಗ್ ಕಿನ್ನಿ ಕಿನ್ನಿಯಾದ್ ಚಣಿಲ್‌ದ ಲೆಕ್ಕ ಉಪ್ಪುಂಡು. ಬಾಲೆಗ್ ಅಪ್ಪೆ ನುಪ್ಪು ಕೊರ್ನಗ, ಚಣಿಲಣ್ಣಾ . ಮಣಿಲಣ್ಣಾ | ಎಂಕೊಂಜಿ ಕುಕ್ಕು, ನಿಕ್ಕೊಂಜಿ ಕುಕ್ಕು ದಡ ಬಡ . ದಡ ಬಡ,, ಬೂರ್ಪಾಲ, ನನೊಂಜಿ ಪದ ಇಂಚ ಉಂಡು, “ಚಣಿಲಣ್ಣಾ ಚಣಿಲಣ್ಣಾ ! ಯೆಂಕೊಂಜಿ ಕುಕ್ಕು ಕೊ‌ ನಿಕೊಂಜಿ ಪೊಣ್ಣು ಕೊರ್ಪೆ! ಕುಕ್ಕೋಜ ಮಾರೋಜ, ಯೆಂಕೊಂಜಿ ಕುಕ್ಕು ಪಾಡ್ ನಿಕ್ಕೊಂಜಿ ಕೊರಂಟ್ ಕೊರ್ಪೆ.” 163S