ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೬೦

ತುಳು ಜಾನಪದ ಸಂಸ್ಕತಿಡ್ ಪುರುಬಾಲೆ ಮಲ್ಲಾನ ಮದಪುಡು.. ಏತೋ ಸರ್ತಿ ಮಂಚವುಡ್, ತಿಟ್ಟೆಡ್, ತೊಟ್ಟಿಲೆಡ್ಜ್ ಬಾಲೆಲು ಬೂರ್ನಲ ಉಂಡು, ಅಪಗ ಬಾಲೆಲೆನ್ ದೇವರೇ ಕಾಪಾಡೊಡು. ಅಂಚಿನ ಪೆಟ್ಟುಲು ಮಲ್ಲಕೆಗ್ ಆದಿತ್ತಂಡ ಎಲು ಪೊಡಿ ಪೊಡಿ ಆವು. ಕಂಕನೆ ಬೂರ್ದಿನ ಬಾಲೆ ಬುಲಿಪಂದೆ, ಮನಿಪಂದೆ ಇತ್ತಂಡ ಆ ಬಾಲೆ ಪೀ ಮಲ್ಗೊಂಡ್ಂದ್ ಲೆಕ್ಕ. ಪೀ ದೊಟ್ಟುಗು ಪಡೈಲಾ ಮಲ್ತ್ ಆ ಕಳಕಂಬಳಡ್ ಬಾಲೆ ಚಕ್ರ ಸುತ್ತು ಪಾಡೊಂದು ನಿಂದೊಂದಿಪ್ಪುನಗ ಐಕ್ ಭಾರಿ ಕುಷಿ, ಪೀನ್ ಕೈಟ್ ಪೊಜಂಕ್‌ದ್ ಒರ ಒರ ಕೈ ನಿಲ್ಕೆ, ಮೈ ನಿನ್ನೆ ಕೊಡಿ ಕಡೆ ಮಲ್ಲೊಂದ್ ಬಾಯಿಗ್ಧ ದೀವೊಂದಿಪ್ಪ, ಅಂಬಿ ಗಟ್ಟಿನ ನೆಲ ಆಂಡ ಅಂಬಿಲಾ ಬಾಯಿಗ್ ಪೋದಿಪ್ಪು. ಬೊಕ್ಕ ಅಪ್ಪೆಗ್ ಆ ಬಾಲೆನ್ ತರೆಕಾ-ಮೈಕಾ ಮೀಪಾವೊಡಾಪುಂಡು. ಇಂಚ ಪುರುಬಾಲೆಲು ಪಕ್ಕ ಗಾಲಿಗ್ ಮಲ್ಲಪುಜ್ಜ. ಅಷ್ಟೆಲ್ಲ ಕೆಲಸರ್ತಿ ಮಲ್ಲಿನ ಬೇಲೆನ್ ಅರ್ಧಡೇ ಬುಡ್ಡು ಬರೆಗಾಪುಜ್ಜಿ, ಬಾಲೆ ಬುಲಿತೊಂದಿಪ್ಪುಂಡು. ಐಕಾದ್ರ ದುಂಬುದಾಕ್ಲು ಬುಲ್ಸ್‌ ಬುಲ್ಸ್‌ ರಾಗ, ನಲ್ಸ್‌ ನ ಲಾಗಂದ್ ಪನ್ನೆರ್. - ಅಂಚ ಕೆಲಸರ್ತಿ ಬಾಲೆಲು ಬುಲ್ಸ್‌ ಬುಲ್ಸ್‌ ಅಡೇಗೇ ನಿದ್ರೆ ಮಲ್ಲುವ ಅರಸರ ಇತ್ತಿನ ಜೋಕ್ಲಾಂಡಲ ಸಮ ಪೀ ತಿಂದೇ ಮಲ್ಲೆ ಆಪುನೀಂದ್ ದುಂಬುದಾಕ್ಲು ಪನ್ನೆರ್, ಬಾಲುಲೆನ ಚರ್ಯೆಲೆಗ್, ಗೊಬ್ಬಾಟಿಗೆಗ್, ಮಲ್ಲಾಯೆ, ಪಾಪದಾಯೆಂದ್ ಬೇತೆ ಬೇತೆ ಕಟ್ಟುಂಡ ? ಇದ್ಯತ್ತೆ. ಕೆಲವು ಬಾಲೆಲು ಬಂಜಿ ಒಯ್ದಂದೆ ಕೃಷ್ಣ ದೇವೆರ್ನಲೆಕ್ಕ ಡೊಗ್ಗಲ್ ಪಾಡೊಂದು ಬಲಿಪುನ, ಅವೆನ್ ತೂವೆರೆ ರೆಡ್ ಕಣ್ಣಿಲಾ ಯಾವಂದ್. ಗುಡು ಗುಡು ಗುಡು ಬತ್ತೆ ಪೋಕ್ರಿ, ಇಲ್ಲದಾಕ್ಲಬ್ ಮಲ್ಲರೆ ಚಾಕಿ, ನೀರ್ ಗೂಪುನ, ತೂತ ಕೊಳ್ಳಿ ಒಯ್ದುನ, ತಿಕ್ಕಿನನ್ ಬಾಯಿಗ್ ಪಾಡುನ., ಕೈ- ಕಾರ್ ಬತ್ತಿನ ಬಾಲುಲೆನ್ ಕಾಪುನ ಪಂಡ ಸಾರ ಕಣ್, ಸಾರ ಕೈ ಇತ್ತ್ಂಡಲಾ ಯಾವಂದ್, ಅಪ್ಪೆ ಮೈ ಒರ್ಮೆಲ ಕಣ್ಣಾದ್ ತೂವೊಂದಿಪೊಡು. ಬಂಜಿ ಒಯ್ದಂದ ಡೊಗ್ಗಲ್ ಪಾಡುನ ಬಾಲೆಲೆಗ್ ಗಂಜಿ ಓಂಡು ಬಾಲೆ, ಬಂಜಿಡುಂಡು| ಬಂಜಿ ಓಂಡು ಬಾಲೆ, ನೆತ್ತಿಡುಂಡು | ನೆತ್ತಿ ಓಂಡು ಬಾಲೆ ಕುತ್ತಿಡುಂಡು| ಕುತ್ತಿ ಓಂಡು ಬಾಲೆ, ಮೂಲುಂಡು, ಗಣ-ಗಣ ಗಣ 159