ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೪೮

ಬಾಲೆ”. 'ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ “ಸಾಂತಾನಿ, ಪೆಲತರಿ, ತಿಂದರಾ ಬಾಲೆ, ಟಸ್ಟ್-ಪುಸ್ಟ್ ಪೂ-ತೆರಾ ಬಾಲೆ, ಅರ್ಕಂಜಿ ಕೊಟ್ಯಡ್ ಬೂರ್ಯರಾ ಬಾಲೆ, ಮೆಲ್ಲಡ್ ಉರ್ಚೆಂದು ಪೋಯರಾ ಇಂಚ ಪನೊಂದು ಮಾನಾವೆ‌. ಪುರುಬಾಲೆದ ಕಾರ್ನ್ ಮುಂಡಗ್ ಮುಟ್ಟಾನಗ ನನ ಒಂಜಿ ಪದ ಪಸ್ಪೆರ್. ಅಟ್ಟೆ ಕಾರ್ದ ಪುಟ್ಟಣ್ಣಗ್ - ಚಟ್ಟೆ ಮೂಂಕುದ ಗುಂಡಣ್ಣಗ್... ಜೋವು ಸಿಕ್ಕುರಿಕೆರೆ ನಮ್ಮ ಬಾಲೆ ಪೊರ್ಲ್ ಗಂಟಾವೊಡುಂದು ರಡ್ ಕಾರ್ದ ಗಂಟೆನ್ ಪತ್ತೇದ್ ಗಸ ಗಸ ತಿಕ್ಕುವೆರ್. ಬಾಲೆದ ಕಾರ್ನ್ ಮುಂಡಗ್ ಮುಟ್ಟಾನಗ ಗ್ರಾಮ ದೇವೆರ್ನ, ಕುಲದೇವೆರ್ನ ಪುದಾರ್ ಪಂದ್... ಉದಾರ್ಮೆಗ್ ಪಾವಂಜೆ ಶ್ರೀ ಮಹಾಲಿಂಗೇಶ್ವರಗ್ ಗೋವಿಂದಾನಿ ಗೋವಿಂದಾ. ಗೋ... ವಿಂದಂದ್ ರಾಗ ಒಯ್ದುನಗ ಕೆಲ ಬಾಲೆಲು ಇಂಚಿಡ್ ಪುರ್ಕಂದ್ ಉರ್ಚುವ. ಅಪಗ ಅಪ್ಪೆ ದೇವೆರ್ ಪುರ್ಸಾದ ಕೊರಿಯೆ‌ಂದ್ ಪನ್ಸೆರ್. ಮೀಪಾವುನ ಪೊರ್ತುಗು... ಮೈಕ್ ಒರಾನೆ ಬೆಚ್ಚನೀರ್, ಬೂರ್ನಾಗ... ನನೊರ ಮಲ್ಲ ದೊಂಡೆದ್ ಬಾಲೆ ಕಲ್ಕರೆಗ್ ಸುರು ಮಲ್ಪ. ಅಪಗ... ರಪ-ರಪ ಮಂಡೆಗ್ ಬೆರಿಕ್ ನೀರ್ ಮೈಪುನಗ, ಬೆರ್ಮಗ್ ನೀರ್, ಈಸರಗ್ ನೀರ್, ನಾರ್ಣೆರೆಗ್ ನೀರ್, ತರೆಕ್ ನೀರ್, ಬೆರಿಕ್ ನೀ‌ಂದ್, ಅಕುಲು ನಂಬಿಂಚಿತ್ತಿನ ದೇವೆರ್ನ ಪುದಾರ್ ಪನೊಂದ್ ನೀರ್ ಮೈಪುವೆರ್, ಬಾಲೆದ ಮಂಡೆಗ್ ದೂಸಿಲ ದೂಸಿಲ ನೀರ್ ಪಾಡ್ನಗ ತಾರೆಗ್ ನೀರ್, ಬಾರೆಗ್ ನೀರ್, ದೋಟರ್ ನೀರ್‌, ಖಂಡಗ್ ನೀರ್, ಬೆಂಡೆಗ್ ನೀರ್, ಲತ್ತಂಡಗ್ ನೀರ್, ಆನೀರ್, ಈ ನೀರ್, ಮಾತೆಲ್ಲಾ ನೀರೋ ನೀರ್. ಈ ಒಂಜಿ ಅರ್ತಿ ಕುಸಾಲ್ವ... ಪದಟ್, ಪೊತ್ತ ಪೊತ್ತ ನೀರ್‌ಡ್... ಬಾಲೆದ ಪೊತ್ತೆಲ್ ಪೊತ್ತದ್ ಪೋಂಡೆ ! ಕೊಪ್ಪ ಕೊಟ್ಟ ನೀರ್ಡ್... ಬಾಲೆದ ಕೂಜಲ್ ತಾರುಂಡೆ! ಬೆಚ್ಚ ಬೆಚ್ಚ ನೀರ್‌ಡ್... ಬಾಲೆದ ಬೆರಿತ ಚೂಲಿ ಜಾರುಂಡೆಂದ್... ಬುಲಿಪಡ ಬಾಲೆ ಬುಲಿಪಡ ನಿನನ್ ಮೀಪಾಯಿನ ತೂಟೆಗ್ ದಂಟೆಡ್ ಹಾಕ್‌ 147