ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೪೩

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ 5.”ಕುಂಟಣ್ಣಾ .. ಮೊಂಟಣ್ಣ | ಉಳ್ಳಾಳ - ಮಂಜೇಶ್ವರ ಪೊರ್ಲುಡು ತೂಯರ ಮಂಗಣ್ಣ ಬಾರ್ಕೂರ್-ಸೊರ್ಕೂರ್ ಪೊರ್ಲುಡು ತೂಯರಂದ್ ಪನ್ನೆರ್. ಬಾಲೆನ್ ಜಕ್ಕೆಲ್‌ಡ್ ಕುಲ್ಲಾದ್ ತಿಗಲೆ ಅತ್ತಡ ಬಂಜಿಗೊಂಜಿ ಕೈ ಪಿರಮಂಡೆಗೊಂಜಿ ಕೈ ಕೊರ್ದು, ಹದೋಟು ಪಿರ ದುಂಬು ಆಡಾನಗ ಆನೆ ಬನ್ನೊಂಜಿ ಆನೆ | ಕಾಡ ತಪ್ಪು ತಿನ್ನುನಾನೆ ತೋಡ ನೀರ್ ಪರ್ಪುನಾನೆ | ಉಡ್ಡಿದ ಮರಿಯಾನೆ | ಧರ್ಮಸ್ಥಳೊದ ಕಿನ್ಯಾನೆ ಕಾರ್ಲದ ಕರ್ಯಾನೆ | ಬೋಳಾರ್ದ ಬೊಲ್ದಾನೆ | ವೇಣೂರ್ದ ಸೇಳೆದಾನೆ | ಕುಡ್ಲದ ಕುದ್ಯದಾನೆ | ಪೊಳಲಿದ ಪೋಕ್ರಿಆನೆ | ಇಂಚ ಆಕುಲೆಗ್ ಗೊತ್ತಿತ್ತಿನ ಊರ್ದ ಪುದಾರ್‌ನ್ ಪನ್ನೊಂದು ಬಾಲೆನ್ ಮಾನಾವೆರ್. ಪೊಣ್ಣಗ್ ಮಧ್ಯೆ ಆನಗ ನಾಚಿಕೆ ಪೋಪುಂಡು, ಪೆದ್‌ನಗ ಹೇಸಿಗೆ ಪೋಪುಂಡ್‌ಂದು ನಮ್ಮಡ ಒಂಜಿ ಗಾದೆದ ಪಾತೆರ ಉಂಡು, ಪುರುಬಾಲೆ ಗಡಿ-ಗಡಿ ಪೇರ್ ಪರಿಲೆಕ್ಕನೆ ಗಡಿ-ಗಡಿಕ್ ಉರ್ಚುಂಡು, ಕಕ್ಕುಂಡು, ಪತ್ತೆ ಮಲ್ಪುಂಡು, ಅವೆನ್ ಗೋರಂದೆ. ಒಚ್ಚಂದ ಕುಲ್ಲರೆಗಾಪುಂಡ? ಮೀದ್ ಮಡಿತ ಕುಂಟು ತುತ್ತೊಂದು ಬನ್ನಗ, ಬಾಲೆದ ಪೀ-ಪಡೆ ಮಲ್ಲುವ, ಐಕ್‌ಲೆಗ್ ಮಲ್ಪರೆ ಬಲ್ಲಿ ಪಂಡ ಅರ್ಥ ಆಪುಂಡ? ಅಪ್ಪೆಲಾ.. ಹೇಸಿಗೆಡ್ ಒಂಜಿ, ರಡ್ ಸರ್ತಿ ಬೇತೆ ಕುಂಟು ಮಾಪುವಲ್, ಬೊಕ್ಕ -ಬೊಕ್ಕ ಅವೈ ಅಭ್ಯಾಸ ಆದ್ರೆ ಆ ನಾದಲ್ ಆಲೆಗ್ ಕಮ್ಮನೆ ಆಪುಂಡು, ಪೆದಿಮೆತ್ತಿನ ಕೋನೆಗೆ ಪೊಗ್ಗಿನಗ... ಬಾಲೆದನೆ ಪೀ-ಪಡೆದ ನಾದೆಲ್, ಬಾಲೆ ಮಿರೆತ ಪೇರ್ ಪರ್ನಮುಟ್ಟ.. ಬಾಲೆದ ಪೀ- ಪಡ್ಡೆಡ್‌ಲಾ ಪಡೈಡ್‌ ಒಂಜಿ ನಮುನೆದ ಕಮ್ಮನೆ ಉಪ್ಪುಂಡು. ಬೊಕ್ಕದ ಕೆಟ್ಟ ಕುಜೆಲ್, ಐಕಾದ್ರ ಬಾಲೆ ಎಡ್ಡೆ. ಪೀ-ಪಡೆ ಪಕ್ಷುನಂಚಿನ ಗಾದೆದ ಪಾತೆರ ನಮ್ಮಡುಂಡು. ಆನೆ ಬತ್ತಂಡ್ ಒಂಜಿ ಆನೆ ಈ ಪದನ್ .. ಎಣ್ಣೆ ಪೂಜಿನಗ ಅತ್ತವಂದೆ... ಬಾಲೆದ ಮಂಡೆ ಗಟ್ಟಿ ಆಯಿ ಬೊಕ್ಕ.. ಅಜ್ಜ, ಅಜ್ಜಿ, ಅಪ್ಪ, ಅಮ್ಮೆ... ಇಂಚ ಏರಾಂಡಲ.. ಬಗ್ಗ ಡೊಂಗಲ್ ಪಾಡ್ ಆನೆ ಆನಗ, ಆರ್ನ ಬೆರೆತ ಮಿತ್ತೆ. ಬಾಲೆನ್ 142