ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ತಾದಿ ತೆಲಾವಂದ್, ಆತ್ ಸಸಾರ. ಮುಲ್ಪ ಬಾಲೆಗ್ ಕೊರಂದಿನಾಲ್ ಅಮ್ಮೆ ಆತಲ್. ಕೊರ್ಪುನಾಲ್ ಮುಂಡೆ ಆತಲ್, ಲೋಕೊದ ವ್ಯವಹಾರನೆ ಅಂಚಿತ್ತಿನವು ಕಂಡನೆದಾಂತಿನಾಲೆನ ಬಾಲೆಗ್ ಊರುದಕ್ಲು ಅಮೆರ್. - • ಬೆರಕೆದ ಕೈಪು ಎಡ್ಡೆ - ಕಂಡ್ರೆಕುಟ್ಟಿ ಬಾಲೆ ಎಡ್ಡೆ. ಉರೆಕೊಡಿನ ಬಿತ್ತ ಬುಲೆ ಎಚ್ಚ-ಉರೆಕೊಡಿನ ಬಾಲೆಗ್ ಬುದ್ಧಿ ಹೆಚ್ಚ :- ಉಂದು ಪೊನ್ನು ಆನನ ಆದ್ರದ ವಿಷಯ. ಅಪ್ಪೆ ಏರ? ಅಮ್ಮೆ ಏರ? ಕೆಲಸರ್ತಿ ರಡ್ ಗುನೊತ ನೆತ್ತೆ ಬಾಲೆ ಕೀರ್ತಿವಂತೆ ಆತಿನ ಉದಾರ್ಮೆಲ್ ಉಂಡು.. ಪೀ - ತಿಂದಿ ಬಾಲೆ ಮಲ್ಲೆ ಆನಗ ಕಲುವೆರ್ ತಿಕ್ಕುಗೆ. ಬಾಲೆ ಪತ್ತಿ ಪದತ್ತಿ ಬಾಲೆದ ಬಾಯಿ ಗುಜ್ಜೆತಿನ್ನಿ ಬಾಯಿಂದೊಲ್ಲೆ. ಬಾಲೆದ ತರೆಟ್ ಬರೆಯಿನೆನ್ ಇರೆಟ್ ಒಚ್ಚಿಂಡಲ ಮಾಜಂದ್, - ಅಜ್ಜಿಗ್ ಪುಲ್ಲಿ ಕಲ್ಪಾಯಿಲೆಕ್ಕ. ಒಂಜಿ ಬಾಲೆ ಪೆದ್ದಿನಾಲ್ ಒರುಂಬ ಬಾಲೆ ಪೆದ್ದಿನಾಲೆಗ್ ಬುದ್ಧಿ ಪಂಡಲೆ ಅರ್ಧ ವಿದ್ಯೆ ಕಲ್ಲಿನಾಕ್ಲಗ್ ಅಂಸಾನಿ, ಅಂಕಾರ ಎಚ್ಚ. ಜಿಂಜಿನ ಕೊಡಪಾನದ ನೀರ್ ಏಪಲ ತಮೆಲುಜ್ಜಿ, ಅನುಭವ ಇತ್ತಿನಾಕ್ಲು-ತೆರಿನಕ್ಲು ಏಪಲಾ ಇರೆ-ಮರೆತ ಕಾಯಿತ್ತಿಲೆಕ್ಕ ಉಪ್ಪೆರ್, ಅಂಚಿನಪ್ಲೆಗ್ ದಾಲಾ ಅನುಭವದಾಂತಿನಕ್ಲು ಬುದ್ಧಿ ಪಂಡ ಎಂಚಾವ್? ಉಂದು ಅಲ್ಲಿನ ಎಲ್ಯ ಮನಸ್ಸನ್ ತೆರಿಪಾವುಂಡು. • ಕೈ ಪೊತ್ತಾವೊಂದಿ ಬಾಲೆ, ತೂ-ತ ಕೈತಲ್ ಪೋವಂದ್. ಜೋಕುಲು ಎಡ್ಡೆ ಆಂಡ ಊರುಗು ಎಡ್ಡೆ.
- - ಉಂದು
• ತೊಟ್ಟಿಲ್ ಮಾರುನಾಯೆಗ್ ಊರ್ದ ಬಂಜಿನಾಲ್ ಪೆದ್ದುನೆನೆ ಕಾಪುವೆಗೆ ಅಕುಲಕ್ಲನ ಕಸಬುದ ಪ್ರಶ್ನೆ. ಆಂಡಲಾ ಒಂಜಿ ಇಲ್ಲಡ್ ಉಪ್ಪುನ ಪಿರಾಕ್‌ದ ತೊಟ್ಟಿಲ್‌ಗ್ ಅಜ್ಜೆರ್-ಪಿಜ್ಜೆ ಜೆತ್‌ದ್ ಮಲ್ಲೆ ಆತಿನ ಚರಿತ್ರೆ ಉಪ್ಪುನಗ ಒಂಜೊಂಜಿ ಬಾಲೆಗ್ ಒಂಜೊಂಜಿ ಪೊಸ ಪೊಸ ತೊಟ್ಟಿಲ್ ಕನಪುನ ಪ್ರಸಂಗೊಲು ಬರ್ಪುಂಡೆ?. • ಪುಟ್ಟುನಗ ಬತ್ತಲೆ ಪೋನಗ ಕತ್ತಲೆ. • ಪುಟ್ಟುನಗಿತ್ತಿನ ಗುನ
- ಪುಟ್ಟ ರಾಶಿದ ಗುನ - • ಪುಟ್ಟುನಗ ಎಲಿತ ಕಿನ್ನಿ ಈ ಪುಟ್ಟುನಗಿತ್ತಿನ ಗುನ - - ಗುಡ್ಡೆ ಮಿತರ್‌ಂಡಲಾ ಪೋವಂದ್. ತೆನಗೆ ತೂವೊಡು. ಬುಲೆನಗ ಪಿಲಿತ ಕಿನ್ನಿ. ಚಟ್ಟಗ್ ದೀನಗ ಪೋಪುಂಡು, 126
