ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೧೪

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಪನ್ನುನಂಚಿನ ಎಡ್ಡೆ ಪಾತೆರದ ತಿರ್ಲ್ಡನ್ ಗಾದೆ ಒಂಜೇ ವಾಕ್ಯಡ್ ಚಿಟ್‌ಡ್ ಪನ್ನುಂಡು. ಎಲ್ಲಿಡ್ ಮಲ್ಲೆ ಅರ್ಥ, ತೂವರೆ ವಾಮನೆ ಆಂಡಲಾ ಐತ ಅರ್ಥ ತ್ರಿವಿಕ್ರಮನ, ಅಂಚಾದ್ ತುಲು ಜನಪದರ್ ಗಾದೆಗ್ ಎಡ್ಡೆ ಮದಿಪು ಕೊರ್ತೆರ್.. ಜನ್ನೊಗು ಬತ್ತಿನ ನರಮಾನಿ ಆಯೆ ಮಲೆಮಂಗೆ ಆಂಡಲಾ (ಬೊಂಧಲೆ) ತನ್ನ ಪಾತೆರ್‌ಕತೆಟ್ ಗಾದೆನ್ ಪನಂದೆ ಕುಲ್ಲಯೆ, ಗಾದೆ ಪನ್ನುನವು ಜನಮಾನಿಲೆನ ಉಸಿಲ್, ಜನಮಾನಿನ ಬದ್‌ಗ್ ತುಡರಾಯಿನ ಗಾದೆಲು.. ಇನಿ ಕೋಡೆ ಸೃಷ್ಟಿ ಆಯಿನ, ಅಕುಲಾನ ಅಪ್ಪೆನ ಭಾಷೆ.. ಮೂಡ್‌ನಗನೆ ಉಂಡಾಯಿನವು, ಸಾರ ಸಾರ ವರ್ಷದ ಪಿರವು ಬದ್ದ್ ಬಾಲಿನ ಜನಮಾನಿಲೆನ ಅನುಭವದ ತಿರ್ಲ್‌(ಮೌಲ್ಯ) ಗಾದೆ ಕರಗ್‌ದುಂಡು. ಏಡ್ ಮೇಪಂದಿನ ತೊಪ್ಪಿಜ್ಜಿಂದ್ ಪಂಡಿಲೆಕ್ಕ ಗಾದೆ ಮುಟ್ಟಂದಿನ ವಿಷಯಲಿಜ್ಜಿ . ಜನಮಾನಿನ ಗುನ ಅವಗುನ, ಆಚಾರ-ವಿಚಾರ, ಎಡ್ಡೆ-ಪಡೆ, ಕಸಬು, ಬುಲೆ, ನಕ್ಷತ್ರ- ಸಂಸ್ಕೃತಿ, ಕುಟುಮದ ಕಟ್ಟುಲು-ಬಾಷೆ, ನಂಬಲಿಗೆ, ನಮ ಬದ್‌ಕ್‌ ಬೆಂಞನಾಡಿತ್ತಿನ ಬೋನ್ನೆಯಿದಲೆಕ್ಕ ಗಾದೆದ ತಿರ್ ನಿಂದೊಂದುಂಡು. ಅಂಚಾದ್ ಗಾದೆ ಪುನವು ಕೋಡೆ, ಇನಿ, ಎಲ್ಲೆದ ಸತ್ಯನ್ ಬಿರ್ಕ್‌ನಂಚಿತ್ತಿನವು. ಒಂಜೇ ಊರ್‌ಡ್ ಸೃಷ್ಟಿ ಆತಿನವರ್, ಇನಿ ಕೋಡೆದತ್ತ, ತುಳುಜನಪದ‌..ಜೋಕ್ಲು ಬಾಲೆಲೆನ ಮಿತ್ ಜಿಂಜ ಗಾದೆಲೆನ್ ಉಂಡು ಮಲ್‌ದೆರ್. • ಕಾಸಿತ್ತಿನಾಯೆಗ್ ಬಾಲೆಲಿಜ್ಜಿ.. ಬಾಲೆಲಿತ್ತಿನಾಯೆಗ್ ಕಾಸಿಜ್ಜಿ:- ಮಲ್ಲಸ್ತಿಗೆ ಬಡಪತ್.. ಇನಿ ಕೋಡೆದತ್ತ, ಲೋಕಡ್ ಕಾಸ್ ಇತ್ತಿನಾಯೆಗ್ ಮಲ್ಲ ಮಣೆ ಪಾಡುನವು ಸತ್ಯ, ದೇವೆರ್ ತಾಸ್‌ಡ್ ಪರೀಕ್ಷೆ ಮಲ್ಲುನಲೆಕ್ಕ.. ಅಕುಲೆಗ್ ವರ್ಷಗೊಂಜಿ ಬಾಲೆನ್ ಕೊರ್ಪೆರ್, ಬೆನ್ನುನ ಕೈ ಒಂಜಾಂಡಲಾ.. ತಿನ್ನುನ ಬಾಯಿಲು ಪತ್ತೆ..ಪದರಾಡ್. ಮಲ್ಲಾಕ್ಲು ಏತ್ ಪಟ್ಟ ಪರಕೆ, ಪೂಜೆ-ಪುನಸ್ಕಾರ, ಮರ್ದ್‌- ಮಾಯ ಮಲ್ತ್‌ಂಡಲಾ ಬಂಜಿಡ್ ಬಾಲೆ ಕೊಡಿಪುಜ್ಜಿ, ಅಕುಲೆನ ಸಂಪತ್ ಕರಗರೆಲ್ಲ ಬಾಲೆಲಿಜ್ಜಿ.. ಮಾತಾ ಭಾಗ್ಯಡ್ ಎಚ್ಚ ತನ್ನ ನೆತ್ತೆರ್‌ದ ಕೊಡಿದಾಂತಿನ ಬೇನೆ ತೈನಂಗೆಲಾ ಉಪ್ಪುಂಡ್. • ಕೊಪ್ಪರಿಗೆ ಉಪ್ಪರಿಗೆ ಇತ್ತಂಡ ದಾನೆ? ಬಂಜಿಡೊಂಜಿ ಪುರಿ ಮಿಜಿಕ್ ಜ್ಜಿಡ! ಬಾಲೆ ಪೆದ್ದಂದಿನಾನ ಬೇನೆನ್ ಪಂಡ್‌ದ್ ಪುಡಾಡೆಗಾವ!. ☐ ಬಾಲೆದಾಂತಿ ಇಲ್ಲಡ್ ಸನ್ಯಾಸಿ ಭಿಕ್ಷೆ ನಟ್ಟಯೆ:- ಪೊನ್ನನ ಬದ್ ಅಪ್ಪೆಆಂಡ ಮಾತ್ರ ಸಾರ್ಥಕ. ದುಂಬುಡು ಮಲ್ಲ ಮಲ್ಲ ರಿಸಿಮುನಿನಾಕ್ಸ್ ಬಾಲೆಲು ಇತ್ತಿನ ಇಲ್ಲಡ್ ಮಾತ್ರ ಭಿಕ್ಷೆ ನಟೊಂದಿತ್ತೆರ್. ಉನಸ್ ಮಲ್ಪೆರ್. ಅಂಚನೆ ಧಾರ್ಮಿಕೊದ ಪೂಜೆ- ಪುನಸ್ಕಾರ ಲೇಸ್‌ಗಟೆಡ್ ಎಲ್ಯಕಂಜಿ ಇತ್ತಿನ ಪೆತ್ತದ ಪೇರ್‌ನ್ ಬಲಸ್ಟರ್, ಇಲ್ಲಡ್ ಬಾಲೆದ ತೆಲೆ ಅಲಿಕೆ ಕೇನ್ಂಡ ಮಾತ್ರ ಆ ಇಲ್ಲಗ್ ಗಲ್ಯದ ಲಚ್ಚನ, ಈ ಗಾದೆದ ಪಾತೆರ ಪುರಾಣ ಕತೆಕ್ಲಡ್, ಜನಪದ ಕತೆಕ್ಲಡ್ ಜಿಂಜ ಬರ್ಪುಂಡು. 113