ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೧೦

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಗೊಬ್ಬುಡು ಒರ್ತಿ ಅಜ್ಜಿ ಆದ್ ಮಣ್ಣಡ್ ನಾಡುಲೆಕ್ಕ ಮಲ್ಪುನಗ, ಬಾಕಿದಾಕ್ಲು ಸುತ್ತ ಉಂತ್‌ ಕೇನ್ವರ್, ಆಜ್ಜಿ ಅಜ್ಜಿ ದಾದ ನಾಡೊಂದುಲ್ಲ? ಸೂಜಿ ಮಗಾ. ಸೂಜಿ ದಾಯೆಗ್? ಚೀರಾವು ಪೊಲ್ಲರೆಗ್, ಚೀರಾವು ದಾಯೆಗ್? ಕಾಸ್ ಪಾಡೆರೆ, ಕಾಸ್ ದಾಯೆ? ಹೆಂಚಿ ಕನರೆಗ್, ಹೆಂಚಿ ದಾಯೆ? ದೋಸೆ ಮಲ್ಪರೆಗ್ ದೋಸೆ ದಾಯೆ? ತಿನರೆಗ್. ತಿನ್ನುವ ದಾಯೆ? ಶಕ್ತಿ ಬಗ್, ಶಕ್ತಿ ದಾಯೆ? ಪೆಟ್ಟಿ ಕೊರೆಸ್. ಅಪಗ ಅಜ್ಜಿ ಪೆಟ್ಟಿ ಕೊಟ್ರೆ ಬನ್ನಗ, ಬಾಲೆಲು ಅಂಚಿ ಇಂಚಿ ಬಲಿಪುವ. ಕಡೆಗ್ ತಿಕ್ಕುನಾಕ್ಲು ಅಜ್ಜಿ ಆಪೆ‌, ಉಂದುವೇ ಗೊಬ್ಬುನು ಬೇತೆ ಬೇತೆ ನಮುನೆದ ಪದಟ್ ಗೊಬ್ಬುವೆರ್. ತಾರೆದ ಒಲಿಟ್ ಕನ್ನಡಕ, ಉಂಗಿಲ, ಸರ, ಗೆಜ್ಜೆ, ಕಿರೀಟ ಉಂದೆನ್ ಮಲ್ತ್‌ದ್ ಗೊಬ್ಬುವೆರ್, ಒಲಿ ಕಟ್ಟಿದ್ ಕೋಲ ನಲಿಪುನ ಗೊಬ್ಬು, ಬ್ರಾಣೇರ್ನ ಬಾಲೆಲಾಂಡ ಪೂಜೆ ಮಲ್ಪುನ, ದೇವೆರ್ ತುಂಬುನ, ತೀರ್ಥ ಪ್ರಸಾದ ಕೊರ್ಪುನ ಗೊಬ್ಬುಲೆನ್ ಗೊಬ್ಬುವೆರ್. ಒಂಜಿ ಸತ್ಯ ವಿಷಯ ದಾದ ಪಂಡ ಅಕ್ಕನ ಕುಲ ಕಸುಬುನು ತೂದು ಮಲ್ಲಆತಿನ ಜೋಕು ಐತ ಗೊಬ್ಬುನು ಗೊಬ್ಬುವೆರ್. ಉದಾರ್ಮೆಗ್:- ಕರಮಲ್ಲುನ, ಕರ್ಬ ಕಾಯ್ದುನ, ಮೀನ್ ಪತ್ತುನ, ಕುಚ್ಚಿ ದೆಪ್ಪುನ ಪೊಲ್ಲುನ, ಕೋಲ ಕಟ್ಟುನ, ಡೋಲು ಬೊಟ್ಟುನ, ತೆಂಬರೆ ಬೊಟ್ಟುನ, ವಾದ್ಯ ಉರಿಪುನ, ಕಂಡ ದಪ್ಪುನ, ನೇಜಿ ನಡುನ, ಕೈಯಿ ಕೊಯ್ದುನ, ಅಂಗಡಿ ಬ್ಯಾರ ಮಲ್ಪುನ ಇಂಚ ಬಾಲೆಲು ಮಲ್ಲನ ಬೇಲೆನ್ ತೂದು ತೂದು ಗೊಬ್ಬುಲೆಡ್ ಅನುಕರನೆ ಮಲ್ಪುವೆರ್. ಒಟ್ರಾಸಿ ಜೋಕ್ಲು ಬಾಲೆಲೆಗ್ ಗೊಬ್ಬುದನೆ ಪ್ರಪಂಚ, ಗೊಬ್ಬುನಗ ಅಕಲೆಗ್ ಬಡವು ಬಾಜೆಲ್ ಇಜ್ಜಿ, ತುಳು ಬಾಲೆಲೆನ ಗೊಬ್ಬುಲೆಡ್ ಅಲ್ಪದ ಪ್ರಕೃತಿ ಬೊಕ್ಕ ಸಂಸ್ಕೃತಿದ ಮಂದ ಮಾಲುಂಡು, ಬಾಲೆಲೆನ ಬುದ್ಧಿಶಕ್ತಿಗೆ ಇಂಬು ಕೊರ್ಪಿನಂಚಿನ ಗೊಬ್ಬುಲೆನ್ ತುಳುಜನಪದರ್ ಸೃಷ್ಟಿ ಮಲ್ಲೆರ್. ಮುಲ್ಪ ಜೋಗಾದ್ರ ಏತ್ ನಮುನೆದ ಗೊಬ್ಬುಲು ಇತ್ತಂಡಲಾ ಯಾನ್ ಎಲ್ಯ ಬಾಲೆಲೆನ್ ಗೊಬ್ಬಾವುನ ಗೊಬ್ಬುಲೆನ್ ಮಾತ್ರ ಗುರ್ತ ಮಲ್ತ ತೆಲ್ವುಡು ವಿವರನೆ ಕೊಗ್ರೆಗ್ ಪ್ರಯತ್ನ ಮಲ್ತ್‌ದೆ. ಇತ್ತೆದ ಬಾಲೆಲೆಗೆ ಎಲೆಕ್ಟ್ರಾನಿಕ ಗೊಬ್ಬುನ ಸೊತ್ತುಲು ತಿಕ್ಕುಂಡು, ಟಿ.ವಿದ ಕಾರ್ಟೂನ್ಸ್, ಸಿ.ಡಿ.ದ ರೆಯಾನ್ಸ್ ಉಂದುವೆ ಅಕುಲೆನ ಜಗತ್ತು. ಯಂತ್ರದ ಎದುರು ಕುಲ್ಲುದಿನ ಜೋಕು ಬಾಲೆಲು ಯಂತ್ರದಲೆಕ್ಕನೇ ಆದಿಪ್ಪೆ‌, ಜನಮಾನಿನ ಗುರ್ತ ಅರ್ಥ ಬೊಡ್ಡಿ, ಇಲ್ಲದ ಪಿದಾಯಿ ಒಂಜಿ ಲೋಕ ಉಪ್ಪುನ ಸಂಗತಿ ಅಕುಲೆಗ್ ಬೊಡ್ಡಿ, ಇಲ್ಲದಾಗ್ಲೆನ ಮೋಕೆ, ನೆರೆಕರೆತಲ್ಲೆನೊಟ್ಟುಗು ಪಾತೆರ-ಕತೆ, ಪ್ರಕೃತಿದ ಚೋದ್ಯೋಲು ಉಂದೆತ ಸತ್ಯ ತೆರಿಯಂದೆ 109