ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಸಂಸ್ಕೃತಿನ್ ಸಮಾಜದ ಪ್ರತಿಯೊಂಜಿ ಜಾತಿವರ್ಗದು.. ಅಲ್ಪಲ್ಪದ ಪರಿಸರದ ನಿಯಮದ ಆಧಾರೊಡು ನಡಪಾವೊಂದು ಬದ್‌ನಗ ವಂತೆ-ವಂತೆ ಬದಲಾವನೆ ತೋಜುಂಡಲಾ ಮೂಲ ಉದ್ದೇಶ ಒಂಜೆ. ಏತೋ ವರುಷದ ಪಿರವುಡು ನಮ್ಮ ನಾಡ ತುಳು ಜನಪದ ಬದ್‌ದ ನಡತ್‌ಬತ್ತಿನ ನಡಾವಲಿಕೆ ಬೊಕ್ಕ ಅಕುಲೆನ ಬಿರಾತಿಕೆದ ಸಾಂಸ್ಕೃತಿಕ ಕಟ್ಟಿ ಕಟ್ಟಲೆಲೆನ ನೆಂಪುಮಲ್ಪುನ ಮಾ-ಮಲ್ಲ ಕಜ್ಜನ್, ಇತ್ತೆ ನಮ್ಮ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಮಲ್ಲಿನಂಚಿನ ಸಂಶೋಧನಾ ಯೋಜನೆಡ್.. “ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ”- ಈ ವಿಷಯಡ್ ಎಂಕ್ ಪಾಲ್ ಕೊರಿನೆಕ್ಸ್ ತುಳು ಆಕಾಡೆಮಿಗ್ ಯಾನ್ ಸುರುಕು ಉಡಲ್ ಜಿಂಜಿದ್ ಸೊಲೆ ಸಂದಾವೆ. ಈ ಕೃತಿಕ್ ಮುನ್ನುಡಿ ಬರೆಯಿನಾ ಖ್ಯಾತ ವಿದ್ವಾಂಸೆ ಕರ್ನಾಟಕ-ಕಾಸರಗೋಡು ಏಕೀಕರಣದ ಹೋರಾಟಗಾರೆ ನಾಡೋಜ ಶ್ರೀ ಕಯ್ಯಾರ ಕಿಞ್ಞಣ್ಣ ರೈಕುಲು ಈ ಹಿರಿಯೆರ್‌ನಕುಲು ಯೆಂಕ್ ಮದಿಪು ಕೊರುದು ಆಶೀರ್ವಾದ ಮಲ್ಲಿ ನಂಚಿನ ಪರಮಪೂಜ್ಯರೆಗೆನ್ನ ಸುಗಿಪುದ ಸೊಲು. ತುಳು ಸಾಹಿತ್ಯ ಅಕಾಡೆಮಿ ಕರಿವರ್ಸ್ ತುಳು ಸಂಶೋಧನಾ ಯೋಜನೆಡ್ ಎಂಕ್ ಈ ಕಣ್ಣಿನು ಒಪ್ಪಿಸಾಯಿನೆಕಾದ್ ದುಂಬುದ ಗುರ್ಕಾರ್ ಶ್ರೀ ಸೀತಾರಾಮ್ ಕುಲಾಲೆರೆಗ್ ಎನ್ನ ಸೊಲೆಲು. ಇತ್ತೆದ ಗುರ್ಕಾರ್, ಡಾ. ಪಾಲ್ತಾಡಿ ರಾಮಕೃಷ್ಣ ಆಚಾರ್ ಬೊಕ್ಕ ರಿಜಿಸ್ಟಾ ಬಿ. ಚಂದ್ರಹಾಸ ರೈ ಈ ಬೂಕುನು ಅಚ್ಚಿಗ್ ಪಾಡೊಂದುಲ್ಲೆರ್. ಅವು ಬಾರೀ ಸಂತೋಸುದ ವಿಷಯ. ಅಕ್ಸೆಗ್ ಇರುವೆರೆಗ್‌ ಅಕಾಡೆಮಿದ ಸದಸ್ಯರೆಗ್‌ಲ ಬೊಕ್ಕ ಬೂಕುಗು ಪೊರ್ಲುದ ರಕ್ಷಾಪುಟದೊಟ್ಟುಗು ಅಚ್ಚುಕಟ್ಟಾದ್ ಮುದ್ರಣ ಮಲ್ತ್ ಕೊರಿನ ಮಂಗಳೂರ ಪವನ್ ಗ್ರಾಫಿಕ್ಸ್ ಮಾಲೀಕೆರ್ ಬೊಕ್ಕ ಸಿಬ್ಬಂಧಿ ವರ್ಗದಕ್‌ಲೆಗ್ ಯೆನ್ನ ಸೊಲೆಲು. ಬೂಕುನು ಓದುದು ಈ ಬೂಕುದ ಬಗ್ಗೆ ಅಭಿಪ್ರಾಯ ತೆರಿಪಾಯರ್‌ಂಡ ಎಡ್ಡೆ. ಕಾಸ್ ಕೊರು ಬೂಕುನು ಓದುನ ನಿದ್ದೆಗ್ ಮಾತ ಸೊಲೆಲು. ಹಳೆಯಂಗಡಿ 01-01-2010 ಎಚ್. ಶಕುಂತಳಾ ಭಟ್.
10
