ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೦೬

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ತುಳುವೆರ್ ಉಲಾಯಿ ಬೊಕ್ಕ ಪಿದಾಯಿ ಗೊಬ್ಬುನ ಗೊಬ್ಬುಲೆಡ್ ನೂತೈವಲ್ಲ ಮಿಕ್ಕದ್ ಬೇತೆ ಬೇತೆ ನಮುನೆದ ಗೊಬ್ಬುಲುಂಡು.. ಐತ ಮಾತಾ ವಿವರಲೆನ್ ಡಾ. ಗಣನಾಥ ಎಕ್ಕಾರ್ “ತುಳುನಾಡಿನ ಜನಪದ ಆಟಗಳು” ಈ ಕೃತಿಟ್ ಕೊರ್ತೆರ್. ಮುಲ್ಪ ಎಲ್ಯ ಜೋಕೆಗ್‌ ಗೊಬ್ಬರಗಿತ್ತಿನ ಗೊಬ್ಬುಲು ಪಂಡ ಅಜ್ಜಿ, ಅಜ್ಜ, ಅಪ್ಪೆ, ಅಮ್ಮೆ, ಗುಬ್ಬಿ ಕಕ್ಕೆ ಗೊಬ್ಬು, ಅಟ್ಟಾ ಮುಟ್ಟಾ ತೂಂಕುನಾಟ, ದೆಂಗ್‌ ಕುಲ್ಲುನಾಟ, ಇಲ್ಲದ ಗೊಬ್ಬು, ಉಪ್ಪು ಮುಟ್ಟೆ, ಆನೆ-ಕುದ್ರೆದ ಗೊಬ್ಬು, ಚೆಂಡ್‌ ಗೊಬ್ಬು, ಗುರುಗುಂಜಿ, ಪೊಂಗಾರ್‌ಕಾಯಿ, ಬಿಸಿಕಾಯಿ, ಪುರುಕೊಟ್ಟೆ ತೊಟ್ಟಿಲ್ಲ ಗೊಬ್ಬು, ಕೈತ ತೊಟ್ಟಿಲ್, ದೇವೆರ್ನ, ದೈವೊದ ಗೊಬ್ಬು, ಕೋಲ, ಚೆಂಡು ಬುಗಿರಿ, ಕಡ್ಡಿ ಚಾಮರ, ಟೊಪ್ಪಿ, ಉರುನ, ಕಲ್ಕುನ, ಬಲಿಪುನ, ಕುಲ್ಲುನ,ಬೊಟ್ಟುನ, ನೂಪುನ, ನೇಲುನ, ದಕ್ಕುನ,ಮದಿಮೆ, ಮಂಗೆ, ಕುದ್ದೆ, ಕೈತ ಬಿರೆಲ್‌ದ ಗೊಬ್ಬು, ಕೋಕಿ-ಹಾತಿ, ತೆಲಿಕೆ ನಲಿಕೆದ ಗೊಬ್ಬು, ಕುಸ್ತಿ, ಲಡಾಮಿ, ದೋಲು ಗುದ್ದುನ, ತೆಂಬರೆ ಬೊಟ್ಟುನ, ಕುಂಟುನ ಗೊಬ್ಬು, ಕಂಕಣೆ-ಮರಂಕಣೆ, ತೇ‌ ಒಯ್ದುನ, ಪಲ್ಲಕಿ ತುಂಬುನ, ಗಾಲಿ ಬೀಜುನ, ಸರಿ-ಮುಗುಲಿ, ಗುಮ್ಮನ ಗೊಬ್ಬು, ಅಬ್ಬ-ಇಬ್ಬ, ಕಂಬ ಕಂಬ, ಗಾಲಿಪಟ, ದೋಸೆ ಮಲ್ಲುನ, ಉಂಡೆ ಮಲ್ಪುನ, ತಿನ್ನುವ, ಬಲೆಸುನ, ಮಧ್ಯೆ ಆಪುನ, ಬಂಡಿ, ಚಕ್ರದ ಗೊಬ್ಬು, ಕೋಲ್ಲ, ಬಲ್ಲಿದ, ಓಡ ಒಚ್ಚುನ, ಎಚ್ಚಿಡ್ ಬರ್ಪುನ, ಬಾರ್ ಮೆದ್ದುನ, ಇಲ್ಲದಾನ ಕುಲ ಕಸುಬುದ ಗೊಬ್ಬು, ಅಂಗಡಿ, ಸಂತೆ, ತೇರ್ ಇಂಚಿನೈನ್ ತೂಯಿನ ಬಾಲೆಲು ಅವೆನೆ ಅನುಕರನೆ ಮಲ್ಪರೆಗ್ ಪ್ರಯತ್ನ ಬರ್ಪ. ಇಂಚಿನ ಗೊಬ್ಬುಲೆಡ್ ಆ ಗೊಬ್ಬುದ ಪುದಾರುಲು ಐತ ಗುರ್ತ-ಅರ್ಥನ್ ಕೊರ್ಪುಂಡು, ಜೋಕ್ಲು ಬಾಲೆಲೆನ ಪ್ರಾಂಗ್, ಆರೋಗ್ಯಗ್ ಸರಿಯಾದ್ ಗೊಬ್ಬುವೆರ್. ಈ ಗೊಬ್ಬಾಟಿಕೆದ ಪಿರವು ತುಲು ಜನಪದರನ ಸಂಸ್ಕೃತಿ-ಪರಿಸರದ ಅರೆಪು ಜಿಂಜಿದುಂಡು. ಗುಡ್ಡ-ಬೆಟ್ಟ, ತುದೆ, ಕಡಲ್, ಇರೆ, ಕಾಯಿ, ಮಣ್ಣೆ, ಮರ, ಕುಪ್ಪಿ, ಮಣೆ, ಕಲ್ಲೆ, ತುವಿ (ಪಕ್ಕಿಲೆನ ಗರಿ) ಅಟಿಲ್ ಕೋನೆದ ಸೌಟು, ಸಟುಗ, ಮರಾಯಿ, ಹರಿಯಾನ, ಮಂತ್, ಇಂಚಿನ ವಸ್ತುಲು, ತಾರೆದ ಲ ಮಡಲ್, ತೆಂಡೇಲ್, ಮೈಪುಕಡ್ಡಿ, ಪೂತ ಕೂಪೆ, ಪೂ-ತ ಮಾಲೆ, ಕನಕ್, ಅಡರ್, ಇಂಚ ಆಯಾ ಜಾಗೆದ ಪಕ್ಕಿ-ಮುರ್ಗ, ಕುಲಕಸುಬುದ ಸಾಹಿತ್ಯಲು, ಬಾಲೆಲೆನ ಅಂಗಲಾಪುದ ಗೊಬ್ಬುದ ಸೊತ್ತುಲಾಪುಂಡು. ಬಾಲೆಲೆನ ಗೊಬ್ಬಾಟಿಕೆಡ್ ಮಲ್ಲಕ್ಲು ಎಲ್ಯಕೆನ ನಡುಟಿತ್ತಿನ ಮೋಕೆದ ಸಂಬಂಧಲು ನನ ಆತ್ ಪೊರ್ಲುಡು ಜೋಡ್ಯುಂಡು, ಮಂಡೆಡ್ ಬಿರ್ಸಾತಿಕೆದ ಬುಲೆಚ್ಚಿಲ್‌ಗ್ ಬೇಲೆ ಕೊರ್ಪುಂಡು, ಜೀವ‌ ವ್ಯಾಯಾಮ ತಿಕ್ಕುಂಡು, ಆರೋಗ್ಯಗ್ ಉಲ್ಲಾಸ ಕೊರ್ಪುಂಡು. ಕೆಲವು ಊರುದ ಗೊಬ್ಬುಲೆಡ್ ಅಲ್ಪದ ಜನಮಾನಿನ ಬದ್‌ ಗೂಡಾರ್ಥದ ತಿರ್ಲ್ 105