ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೦೪

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಈ ತೈಪುನ ಸ್ಥಿತಿಟ್‌ನ ಬಾಲೆನ್ ಒರಿಪೋವರೆಗಾತ್ರ ಬಡಕಾಯಿ ಮೈಟ್ ಗುಂಡಿತೋ ಐಕ್ ಗೋಂಕು ಕಪ್ಪೆ ಅತ್ತಡ ಅರಣೆನ್ ಪಾಡ್ ಐಕ್ ಪೂಜೆ ಮಲ್ತ ಬಾಲೆಗ್ ತೊರತ್‌ ಐತಮಿತ್ ಪರ್‌ಂದ್, ಬಚ್ಚಿರೆ, ಪೂಲು, ಮಂಜಲ್, ಕುಂಕುಮ ಪಾಡ್ ಗುಂಡಿದ ಮಣ್ಣ ಮುಚ್ಚಿಬೊಕ್ಕ ಆ ಬಾಲೆನ್ ಗುಂಡಿದಮಿತ್ ಮೂಜಿ ಸರ್ತಿ ಅಂಚೆ ಇಂಚಿ ದಂಟೊಂಡ ಬಾಲೆ ತೈತ್ ಬದ್ಗುಂಡು, ಗೆರಚಾರ ದೋಷಲು ಪಿಡ್ಡ ಪಾಡುವಗೆ ಗುಣ ಆವಂದಿನ ಬಾಲೆಲೆನ ಸೀಕ್‌ಗೆ ಕೊರಗೆ‌ ಗೋರೋಚನದ ಎಣ್ಣೆದ ಬೊಟ್ಟನ್ ನೀರ್‌ಗ್ ಪಾಡ್ ಪರ್ಪಾವೆರ್‌ಗೆ ದುಂಬು ತೈದಿನ ಪೆತ್ತ, ಎರುತ ಮಾಸನ್ ಬಿಚ್ಚಾನಗ ಗೋರೋಚನ ತಿಕ್ಕುಂಡುಗೆ. ಅವೆನ್ ನುಂಗಾವೆರೆಗಾದ್ರ ದಿಕ್ಕೆಲ್ಲ ಮಿತ್ತದ ಪಕ್ಕಾಸ್‌ಗ್ ಕದ್ದೊಂದಿತ್ತೆರ್‌ಗೆ, ಐತ ರಸತ ಒಂಜಿ ಬೊಟ್ಟನ್ ಪರ್ಪುನೈಟಾ ಉನ್ನುನೈಟಾ ಪಾಡ್ ಕೊರ್ಪೆ‌್ರಗೆ, ಅವ್ ಭಾರಿ ಕೃಪೆಗೆ ಇತ್ತೆದ ಕೈ-ಕಂಜಿಲೆಡ್ ಗೋರೋಚನ ತಿಕ್ಕುಜ್ಜಿಗೆ, ಕೆಲಸರ್ತಿ ಜರ ಬುಡ್ತಿಜಡ ಎದೆನ್ನೆದ ತುಡರ್‌ಡ್ ಕುಪ್ಪಿದ ಕಾಜಿದ ತುಂಡ್‌ ಕೆಂಪಾನಮುಟ್ಟ ಕಾಯ್ತದ್ ಬಾಲೆದ ನೆತ್ತಿಸುಲಿ, ಮುಂಡದ ಬರಿಟ್ ಕೊಂಬಬಿರೆಲ್‌ದ ನರತಮಿತ್ತ್ ದೀದ್ ಬರೆ ಪಾಡ್‌ವೆರ್. ಅಪಗ ಆ ಕಾಜಿ ತುಂಡುದ ಬೆಚ್ಚಗ್ ಬಾಲೆ ಅರೆಬಾಯಿ ಕೊರ್ದು ಬುಲ್ತುಂಡ ಸನ್ನಿ ಪೋಂಡುಂದು ಲೆಕ್ಕಗೆ. • ಬಂಜಿ ಕುದ್ದೆ, ಕೈ ಕಾರ್ ಸಪುರ ಉಪ್ಪುನ ಬಾಲೆಲೆಗ್ ಕಾಡ್‌ ಪುನುಗು ಪುಚ್ಚೆನ್ ಕೆರ್ದ್ ಐತ ಮಾಸನ್ ಪೊನ್ನೆದೆನ್ನೆಡ್ ಬೆಲ್ದಾದ್ ಐತ ಎನ್ನೆಡ್ ತಿಕ್ಕದ್ ಪೂಜಿದ್ ಪುಲ್ಯಕಾಂಡೆದ ದೊಂಬುಗು ಬಾಲೆನ್ ಅರ್ಧ ಗಂಟೆದಿಂಡ ಪಕ್ಕಿದರೋಗ ಗುಣ ಆಪುಂಡುಗೆ. ಬಾಲೆಗ್ ಸೀಕ್ ಗುನ ಆಯಿಜಡ .. ಕೊರಗೆರೆನ್ ಲೆತ್ತ್ದ್ (ಅಮಾಸೆದಾನಿ) ಬಾಲೆನ್ ಪಾಲೆಡ್ ಜೆಪುಡಾವೆರ್, ಮಲ್ಲ ಪಾಲೆದ ದೊನ್ನೆನಿ ಎನ್ನೆದೆನ್ನೆ ಪಾಡ್ (ಐನ್ ಲೀಟರ್ ಪತ್ತೆನಾತ್) ಅಂಚಿ ಇಂಚಿಡ್ಸ್ ಕೋಲ್‌ನೆನೆ ದೀದ್ .. ಬಾಲೆಗ್ ತೊರತ್‌ ಕೊರುಂಡ ಅಕುಲು ಪಿರ-ಮುಂಕುಡ್ ತೂವಂದೆ ಪೋನಗ ಅಕುಲೆನ ಬೆರಿಕೇ ಬಾಲೆದ ಗೆರಚಾರದೋಷ ಪೋಪುಂಡುಗೆ 3 ಬಾಲೆನ್ ಉಪ್ಪು‌ದ ಮರಾಯಿಡ್ ಪತ್ತೆ ನಿಮಿಷ ಕುಲ್ಲಾದ್ ಕೋಲ್‌ನೆನೆಟ್ ಮೂಜಿ ಸರ್ತಿ ತೊರತ್‌ದ್ ತಾದಿಡ್ ತುಂಡ ಮೈತಗಜ್ಜಿ ಗುನಆಪುಂಡುಗೆ, ಉಪ್ಪುನೀ‌ ಬಾಜನನ್ ಬಾಲದ ಎದುರು ದೀದ್ ಬಾಲೆದ ಒಂಜೊಂಜೆ ಅಂಗೊನು ದೂರಡ್ ಮುಟ್ಟುದು ಐನ್ ಆಜಿ ಸರ್ತಿ ಪೂಜೆ-ಪೂಜಿದ್ ನೀರ್‌ಗ್ ಪಾಸ್ಟ್ ಬೊಕ್ಕ ಅವೆನ್ ತಾದಿಗ್ ಗೊತುಂಡ (ಉಂದು ಇತ್ತೆದ ರೇಖಿ ಚಿಕಿತ್ಸೆ) ಸೀಕ್ ಗುನ ಆಪುಂಡುಗೆ, 103